Асанкалый Керимбаев - Ак булуттар (Электрогитаранын коштоосунда) скачать в хорошем качестве

Асанкалый Керимбаев - Ак булуттар (Электрогитаранын коштоосунда)

«Асанкалый “Ак булуттарды” ырдаганда кээде чолок жаш чыгарып, ыйлап да алчу…» (Омор Султанов) Бул чыгарма — кыргыз маданиятынын кош жылдызы Омор Султанов менен Асанкалый Керимбаевдин жүрөгүндөгү толкундоолордон жаралган шедевр. 1978-жылдары Асанкалый ага бул ырды китептен таап, нота билбесе да, жүрөгү менен обон созгон экен. Ал тургай, бул ырды өзүнүн керээзи катары калтырып: «Мен өлгөндө “Ак булуттарды” ойнотуп келгиле» — деп айтканы анын бул чыгармага болгон өзгөчө мамилесин билдирет. Бир жолу Ысык-Көлдүн жээгинде асман бүркөк, көл толкуп турган маалда, Омор байке менен Асанкалый ага бул ырды кошулуп ыйлап ырдашкан экен. Бүгүн биз ошол тагдырлуу ырды электрогитаранын муңдуу үнү менен жаңыча маанайда сунуштайбыз. Классикалык обондун тереңдигин сактап, заманбап инструменттин жардамы менен ырдын драмасын ачып берүүгө аракет кылдык. Аткаруучу: [Janyryq] Обону: Асанкалый Керимбаев Сөзү: Омор Султанов Кайчы өткөн тагдыр менен жолго чыгып, Силерди, ак булуттар, жолдош кылып. Мен келип алтын кумдуу көл жээгине, Отурам эскерүүдөн ичтен сызып. Сезгендей айрыларды коркор элем. Алтын кум, сен баарына орток элең. Өчөшүп бизди өксүткөн жаңылууга, Өмүрдүн өрүн көздөй жалгыз келем. Кайгынын каран түнүн жарык кылар, Каралдым, жашоодо көп жакшылык бар. Сен азыр эмнени ойлоп турдуң экен, Айды алып баратканда ак булуттар. Көл жээги, касиеттүү көлдүн жээги, Көрбөдүң, өткөрбөдүң эмнелерди? Адашып сүйгөнүмдөн келдим сага, Сүйүүмдү айла кылып кайрып берчи. ✨ Кыргыздын өлбөс-өчпөс ырларын биз менен бирге угуңуз. Каналга жазылууну унутпаңыз! #АкБулуттар #АсанкалыйКеримбаев #ОморСултанов #Кыргызстан #КыргызМузыкасы #ЫсыкКөл #Классика #ОбондууЫрлар #KyrgyzMusic #CentralAsia #RockBallad #ElectricGuitar #Nostalgia #Kyrgyzstan