ਸਰਕਾਰ ਡੇਰੇ ਵਿੱਚ ਖੜਕੀ ਤਾਂ ---- ਦਰਿਆ ਦੇ ਰਾਖਿਆਂ ਦੀ ਉਮੀਦ ਜਾਗੀ скачать в хорошем качестве

ਸਰਕਾਰ ਡੇਰੇ ਵਿੱਚ ਖੜਕੀ ਤਾਂ ---- ਦਰਿਆ ਦੇ ਰਾਖਿਆਂ ਦੀ ਉਮੀਦ ਜਾਗੀ

ਚੋਣਾਂ ਵਿਧਾਨ ਸਭਾ ਦੀਆਂ ਤੇ ਫੇਰੇ ਡੇਰਿਆਂ ਦੇ,ਇਹ ਚਰਚਾ ਤਾਂ ਲੰਮੇ ਸਮੇਂ ਤੋਂ ਚੱਲ ਰਹੀ ਹੈ। ਤਾਜ਼ਾ ਚਰਚਾ ਡੇਰਾ ਬਿਆਸ ਮੁਖੀ ਬਾਬਾ ਗੁਰਿੰਦਰ ਸਿੰਘ ਢਿੱਲੋਂ ਦੀ ਹੋ ਰਹੀ ਹੈ ਅਤੇ ਚਰਚਾ ਦਾ ਮੁੱਖ ਕਾਰਨ ਮੁੱਖ ਮੰਤਰੀ ਦਾ ਤੰਜ ਕਸਣਾ ਇਹ ਕਿਆਸਅਰਾਈਆਂ ਨੂੰ ਜਨਮ ਦਿੰਦਾ ਹੈ ਕਿ ਕੀ ਸਰਕਾਰ ਡੇਰਾ ਮੁੱਖੀ ਨੂੰ ਵੀ ਨਿਸ਼ਾਨੇ ਤੇ ਰੱਖ ਸਕਦੀ ਹੈ।ਇਸ ਚਰਚਾ ਨਾਲ ਹੀ ਉਨ੍ਹਾਂ ਕਾਰਕੁੰਨਾ ਨੂੰ ਵੀ ਨਵੀਂ ਆਸ, ਉਮੀਦ ਦਿੰਦੀ ਹੈ ਜਿਹੜੇ ਦਹਾਕਿਆਂ ਤੋਂ ਇਸ ਡੇਰੇ ਦੀ ਧੱਕੇਸ਼ਾਹੀ ਖ਼ਿਲਾਫ਼ ਅਦਾਲਤਾਂ ਦੇ ਚੱਕਰ ਲਗਾ ਰਹੇ ਹਨ, ਸਰਕਾਰਾਂ ਨੂੰ ਵੀ ਸ਼ਿਕਾਇਤਾਂ ਦੇ ਚੁੱਕੇ ਹਨ।ਅੱਜ ਵੀ ਹਾਈਕੋਰਟ ਵਿੱਚ ਪਟੀਸ਼ਨ ਦੀ ਸੁਣਵਾਈ ਹੈ, ਮਾਮਲਾ ਬਿਆਸ ਦਰਿਆ ਦੇ ਕੁਦਰਤੀ ਵਹਾਅ ਨੂੰ ਬਦਲਣ ਦਾ ਹੈ। ਪਿਛਲੇ ਸਾਲ ਦੇ ਹੜਾਂ ਨਾਲ ਕਪੂਰਥਲਾ ਜ਼ਿਲ੍ਹੇ ਦੇ ਪਿੰਡਾਂ ਵਿੱਚ ਜੋਂ ਜ਼ਮੀਨਾਂ ਪਾਣੀ ਰੋੜ੍ਹ ਕੇ ਲੈ ਗਿਆ ਸੀ ਉਸ ਨਾਲ ਵੀ ਇਹ ਵਿਵਾਦ ਦੂਬਾਰਾ ਚਰਚਾ ਵਿੱਚ ਆਇਆ ਜ਼ਰੂਰ ਸੀ ਪਰ ਫੇਰ ਗੱਲ ਆਈ ਗਈ ਹੋ ਗਈ। ਕਾਰਵਾਈ ਤਾਂ ਸਰਕਾਰਾਂ ਨੇ ਕਰਨੀ ਹੁੰਦੀ ਹੈ ਤੇ ਸਰਕਾਰਾਂ ਸਿਆਸੀ ਪਾਰਟੀਆਂ ਨੇ ਹੀ ਬਣਾਉਂਣੀ ਹੁੰਦੀ ਹਨ।ਇਹ ਸਿਆਸੀ ਪਾਰਟੀਆਂ ਡੇਰੇ ਦੇ ਭਗਤਾਂ ਨੂੰ ਨਰਾਜ਼ ਕਰਨ ਤੋਂ ਡਰਦੀਆਂ ਹਨ ਜਾਂ ਅਗਲੀਆਂ ਚੋਣਾਂ ਵਿੱਚ ਵੋਟਾਂ ਦੇ ਲਾਲਚਾਂ ਵਿੱਚ ਸਮਝੋਤੇ ਕਰ ਲੈਂਦੀਆਂ ਹਨ, ਕਾਰਵਾਈ ਕਰਨ ਦੀ ਥਾਂ ਲੋਕਾਂ ਨੂੰ ਨਜ਼ਰਅੰਦਾਜ਼ ਕਰਨ ਨੂੰ ਤਰਜੀਹ ਦਿੰਦੀਆਂ ਹਨ,ਡੇਰਾ‌ਮੁੱਖੀ ਨੂੰ ਬਚਾਉਣ ਵਿੱਚ ਲੱਗੇ ਰਹਿੰਦੇ ਹਨ।