Атырау облысында ерлі-зайыптыны өлтірді деген күдікті Индонезиядан ұсталды скачать в хорошем качестве

Атырау облысында ерлі-зайыптыны өлтірді деген күдікті Индонезиядан ұсталды

Атырау облысы Жангелдин ауылында ерлі-зайыпты зейнеткерлерді айуандықпен өлтірді деген күдікті ақыры ұсталды. Ішкі істер министрлігінің қызметкерлері шетелдік әріптестермен бірлесіп, Сұлтан Сәрсемәлиевті Индонезияның Ломбок аралында қолға түсірген. Сондай-ақ, халықаралық іздеу жарияланған оның бұрынғы жұбайы Ақбаян Мұқанғалиеваның жүрген жері анықталыпты. Қазір оларды Қазақстанға депортациялау мәселесі қарастырылып жатыр. Еске салсақ, былтыр жылдың соңында аядай ғана ауылда бүтін бір отбасының мүшелері із-түссіз кеткен болатын. Жұмбақ жағдайда жоғалған жандардың оқиғасы дүйім елді дүр сілкіндірген еді. Қаңтардың алтысында Мақсот Қарабалин мен Нәсіп Өтешқалиеваның денесі сарайдың ішінен табылған. Денесінде пышақ іздері бар ерлі-зайыптыны күдікті жерге көміп, үстін жиһазбен жауып тастаған екен. Полицияның мәліметінше, 29 жастағы осы отбасының күйеу баласы ұзаққа созылған тұрмыстық жанжал мен пайдакүнемдік ниет негізінде екі адамды қасақана өлтіруді алдын ала жоспарлап, жүзеге асырған. Қылмысын жасырып, із суытқан. Сондай-ақ марқұмдардың мүлкі мен қаражатын иемденген. Ал, ізім-ғайым жоғалған 35 жастағы мүгедектігі бар Мейрамгүл Қарабалиева мен інісі Наурыз Мұқанғалиевке қатысты әзірге ешқандай ақпарат жоқ. Екеуі әлі де іздестірілуде.#Информбюро #31арна #БастыЖаңалықтар #Новости #31канал