Ռոբերտ Քոչարյանի ելույթը скачать в хорошем качестве

Ռոբերտ Քոչարյանի ելույթը

Այսօր հավաքվել ենք՝ հայտարարելու խորհրդարանական ընտրություններին մասնակցելու մասին։ Մենք տրամադրված ենք վճռական, մեր նպատակն է՝ հաղթանակը։ Վստահ եմ, որ այն չարը, որ մարմնավորում է այս իշխանությունը, պարտվելու է։ Ես նրանց հետ պայքարի մեջ եմ մտել իրենց հենց իշխանության գալու առաջին օրից։ Եվ չեմ հանգստանալու այնքան ժամանակ, մինչև նրանք չհեռացվեն։ Բայց դա բավավար չէ։ Պետք է պատասխան տան նրանք, ովքեր մեղավոր են մեր հազարավոր հերոսների զոհվելու համար, ովքեր հանձնեցին Արցախը։ «Հայաստան» դաշինքի համար մեր ինքնությունը, մեր պատմությունը և հայրենասիրությունը շարժիչ ուժ են ժամանակակից և հզոր պետություն կառուցելու համար։ Առաջիկա տարիներին անվտանգությունը մնում է Հայաստանի գլխավոր խնդիրներից մեկը։ Հայաստանին անհրաժեշտ է մարտունակ բանակ, ուժեղ առաջնորդ և հզոր դաշնակից, որպեսզի համատեղ ուժերով չեզոքացվեն բոլոր սպառնալիքները։ Հայաստանի արտաքին քաղաքականությունը պետք է լինի կանխատեսելի, հասկանալի և մերժի մեծ տերությունների հակասությունների վրա խաղալու տարբերակը։ Հայտարարում եմ, որ կարող եմ ապահովել Հայաստանի անվտանգության մոդելի բացարձակ հուսալի ձևաչափը։ Մենք կողմ ենք Ադրբեջանի հետ խաղաղությանը, բայց այն պետք է հիմնված լինի անվտանգության իրական երաշխիքների վրա։ Դա հատկապես կարևոր է այն պայմաններում, երբ «իրավունքի ուժը» աշխարհում փոխարինվել է «ուժի իրավունքով»։ Մեր նպատակն է դառնալ Հարավային Կովկասի ամենաարդյունավետ և ամենակազմակերպված պետությունը։ Միայն այդ դեպքում մեր շահերը պատշաճ կերպով կհարգվեն։ Ազգային շահերը մի լուսանկարի դիմաց վաճառելը նվաստացուցիչ է և հանցավոր։ Մենք կտրուկ կբարձրացնենք պետական կառավարման արդյունավետությունը։ «Կառավարությունը ես եմ» ներկայիս խայտառակ ուսապարկային մոդելը պետք է փոխարինվի «կառավարությունը մենք ենք» կոլեգիալ ներառական մոդելով։ Մենք կապահովենք տնտեսության իրական աճ, ինչպես արդեն արել եմ 1998-2008 թվականներին։ Երկիրը նորից պետք է դառնա գրավիչ հայրենական բիզնեսի և օտարերկրյա ներդրողի համար։ Այստեղ մեծ դեր պետք է խաղա Սփյուռքը՝ իր կարողություններով, կապերով և փորձով։ Մենք տարեկան կստեղծենք 35-45 հազար աշխատատեղ, այնքան ժամանակ, մինչև գործազրկության մակարդակը կիջնի մինչև 5-6 տոկոս՝ այսօրվա 14 տոկոսի փոխարեն։ Մենք շեշտակի կբարձրացնենք բազային կենսաթոշակը և կսահմանենք պարտադիր ինդեքսավորում։ Մենք վճռական ենք կարգ ու կանոն հաստատել փողոցներում, զրոյական հանդուրժողականություն ենք ունենալու թմրամոլության նկատմամբ։ Քաղաքացիների կյանքը պետք է լինի խաղաղ և կանխատեսելի։ Ընտրողներին առաջարկում եմ տարբերել քաղաքական գործիչների գեղեցիկ ծրագրերը, բարի ցանկությունները և դրանք իրականացնելու իրական հնարավորությունները, գտնել այն թեկնածուին ու թիմին, ով կարող է համադրել այդ գեղեցիկ խոստումները դրանց կատարման կարողության հետ, տեսնել՝ ով է մասնակիցներից իր փորձով, գիտելիքներով, կամքով ի վիճակի իրականացնել այդ ամենը։ Հենց այդ հանգամանքն է «Հայաստան» դաշինքի ակնհայտ մրցակցային առավելությունը։ Այս հողը ծնել է ամենաաշխատասեր, ամենախելոք, մի քիչ միամիտ ժողովուրդ, որն արժանի է շատ ավելի լավ կյանքի։ Առաջնորդին կարող եք չսիրել, առաջնորդը ձեր կյանքի որակը բարձրացնելու համար է։ Կարևորն այն է, որ ես և իմ թիմը սիրում ենք այս հողը, այս երկիրը, այս ժողովրդին և ունակ ենք ապահովել նրա անվտանգությունն ու բարօրությունը մեր երեխաների ապագայի համար և հանուն ուժեղ և անկախ Հայաստանի։ Միասին մենք կարող ենք։ TikTok:   / kocharyanrobert   X: https://x.com/RobertKocharyan Facebook:   / robertkocharyan   Telegram: https://t.me/robertkocharyanofficial Instagram:   / robertkocharyan