"காலத்தை நாங்கள் பழுதாக்கிப் போட்டம்" என்கிறார் முன்னாள் யாழ் அரச அதிபர் சிவபாதசுந்தரன் அவர்கள் скачать в хорошем качестве

"காலத்தை நாங்கள் பழுதாக்கிப் போட்டம்" என்கிறார் முன்னாள் யாழ் அரச அதிபர் சிவபாதசுந்தரன் அவர்கள்

மாகாணசபை முறைமையின் உள்ளார்ந்த அம்சங்கள், சவால்கள், சங்கடங்கள் உள்ளிட்ட பின்னணித் தகவல்களை மூத்த நிர்வாக சேவை அதிகாரியும், முன்னாள் யாழ் அரச அதிபருமான திரு. அ. சிவபாதசுந்தரன் (2025) நவ 9ம் திகதி வழங்கிய செவ்வியிலே பகிர்ந்துகொள்கின்றார். செவ்வியிலிருந்து சில துளிகள்... திணிக்கப்பட்ட ஒரு அதிகாரப்பகிர்வு முறையாகக் கொள்ளவேண்டும். ஏனென்று சொன்னால், சரியாக முறையாக பகிர்ந்தளிக்கபட்ட அதிகாரங்களோடு வரையறுக்கப்படாத ஒரு தொங்கு நிலையில இருக்கக்கூடிய மாதிரியான ஒரு கட்டமைப்புத்தான் மாகாணசபையாகும். மாகாணசபை என்ற பெயருடன் இருந்தாலும்கூட, அதனுடைய நிறைவேற்று அதிகாரம் முழுக்க அந்த மாகாணத்துக்கு நியமிக்கப்படுகின்ற ஆளுனருக்கே உரியது. மாகாணசபை என்பது முதலமைச்சரும், நியமிக்கப்படுகின்ற 5 அமைச்சர்களும் மாகாணத்தை நடத்துறத்துக்கு உதவி செய்கிறவர்களாகத்தான் இருப்பார்களே தவிர, அவர்கள் மாகாணசபையை நடாத்துவதாக இல்லை. அதைத்தான் மாகாணசபை சட்டம் சொல்லுது. முதலாவது மாகாண அரசு எண்டு சொல்லுறதே பிழை. மாகாண அரசாங்கம் எண்டு சொன்னால் அதுக்குரிய அம்சங்கள் எதுவுமே மாகாணசபையில இல்லை. கொடுக்கப்பட்ட அதிகாரங்களை, மீளவும் மதிய அரசு கைப்பற்றுவதாகவோ அல்லது தலையீடு செய்வதாகவோ இருக்குது. எங்கட பாசையில சொல்லுறதெண்டு சொன்னா. ஆனையுண்ட விளாங்காய் எண்டு சொல்லுவாங்கள். பார்த்தால் வெளியில நல்ல வடிவா இருக்கும். உள்ளுக்க ஒண்டும் இல்லாதமாதிரித்தான் இந்த மாகாணசபை இருக்கு. மாகாணசபை வந்து சரியாக எங்களுடைய நிர்வாகத்தைச் செய்ய இல்லை என்ற குற்றச்சாட்டு மறுக்க முடியாதது எந்தவிதமான சட்டவலுவற்ற நூற்றுக்கணக்கான பிரேரணைகளை நிறைவேற்றுவதிலேயே காலத்தை / மாகாணசபையை பயன்படுத்தி அநியாயமாப் போச்சு. இதுதான் உண்மை.