ERMƏNİ ƏSGƏRLƏRİN MEYİTLƏRİ QARŞI TƏRƏFƏ TƏHVİL VERİLİB скачать в хорошем качестве

ERMƏNİ ƏSGƏRLƏRİN MEYİTLƏRİ QARŞI TƏRƏFƏ TƏHVİL VERİLİB

Erməni əsgərlərin meyitlərinin bir qismi qarşı tərəfə təhvil verilib. Bunu Prezidentinin köməkçisi Hikmət Hacıyev Bərdə şəhərində keçirdiyi brifinqdə deyib. Qeyd edib ki, Ermənistan tərəfi öz əsgərlərinin meyitlərinin qəbul edilməsinə nəhayət ki, razılıq verib. Bu Rusiyanın, Beynəlxalq Qızıl Xaç Komitəsinin və ATƏT-in fəaliyyətdə olan şəxsi nümayəndəsinin səyləri nəticəsində baş verib. Hikmət Hacıyev deyib ki, qarşı tərəfə meyitlərin birtərəfli qaydada götürülməsi oktyabrın 18-də təklif olunsa da, qarşı tərəf yalnz indi buna razılaşıb. Hikmət Hacıyev deyib ki, 80 yaşlı bir Ermənistan vətəndaşının tibbi şərait imkan verdiyi təqdirdə Ermənistan tərəfinə sağ-salamat təhvil verilməsi plalaşdırılır. Bir yaşlı qadın isə Gürcüstan ərazisindən Ermənistan tərəfinə artıq təhvil verilib. prezidentin köməkçisi bir daha vurğulayıb ki, Ermənistanın Bərdə şəhərini Smerç raketi ilə hədəfə almaqda əsas məqsədi mülki əhali arasında tələfata səbəb olmaqdır. Bərdənin mərkəzində heç bir hərbi obyektin olmadığını qeyd edən Hikmət Hacıyev diplomatik korpus nümayəndələrinin erməni tərəfinin mülki əhaliyə qarşı törətdiyi təxribatın nəticələrini öz gözərli ilə gördüyünü deyib. Qeyd edək ki, ötən gün Ermənistanın Bərdənin mərkəzini raket atəşinə tutması nəticəsində 21 mülki şəxs ölüb, 70-ə yaxın insan yaralanıb. Bu gün prezidentin köməkçisi, digər rəsmi şəxslər və xarici diplomatlarla birgə əraziyə gedib. Ermənistanın qanlı cinayətini öz gözləri ilə görüb. Həmçinin nümayəndə heyəti Tərtər rayonuna gediblər. Ermənistan tərəfi hətta xarici diplomatların Bərdədə və Tərtərdə olduğu müddətdə də bu rayonları atəşə tutub.