निसर्गरम्य कान्होर येथील श्री गजानन महाराज मंदिर | Shri Gajanan Maharaj Temple, Kanhor-Badlapur скачать в хорошем качестве

निसर्गरम्य कान्होर येथील श्री गजानन महाराज मंदिर | Shri Gajanan Maharaj Temple, Kanhor-Badlapur

शेगावीचा राणा गजानन, श्री गजानन महाराज सेवा समिती, कान्होर, बदलापूर (पश्चिम) या मंदिराविषयी.... कान्होर येथे पोहचण्यासाठी बदलापूर रेल्वे स्थानक पश्चिम येथून रिक्षा उपलब्ध होतात किंवा आपण आपल्या दुचाकी-चारचाकीने कान्होर पर्यंत सहज पोहचू शकता. रेल्वे स्थानकापासुन साधारण ७ किलोमीटरच्या अंतरावर असणार्‍या भारत अभियांत्रिकी महाविद्यालयाच्या जवळच आपल्याला संत श्री गजानन महाराजांचा मठ पाहता येईल. बदलापूर रेल्वे स्थानकापासुन येथे पोहचण्यासाठी १५-२० मिनिटे लागतात. गुगल मॅप च्या सहाय्याने आपल्याला ह्या मठापर्यत पोहचता यावे यासाठी स्थळ नमूद केले आहे.... हे मंदिर एका छोट्या टेकडीवर वसलेले आहे ज्याच्या आजूबाजूला सुंदर निसर्ग आपल्याला पाहायला मिळेल. मंदिराच्या सभोवतालचे नैसर्गिक वातावरण हे मंदिरात येणाऱ्या भाविकांसाठी आणखी एक आकर्षण आहे. सायंकाळच्या वेळी झाडांच्या आडून होणारा सुर्यास्त अगदी मनमोहक दिसतो. श्रीपादराव कुलकर्णी हे श्री गजानन महाराजांचे निस्सीम भक्त होते. एकदा त्यांना स्वप्नात दृष्टांत देत महाराजांनी मंदिर बांधण्यास सांगितले. त्यांनी ह्या बद्दल त्यांचे मित्र श्री बापट यांना सांगितले परंतु जागा मिळण्यास अडचणी येत होत्या. बदलापूर मधील श्री विठ्ठल राऊत यांना ह्या बद्दल समजताच त्यांनी स्वतःची जमीन मंदिराच्या बांधकामासाठी मोफत देण्याचा निर्णय घेतला. ही जागा सेवा समितीकडे हस्तांतरित झाली आणि त्यानंतर मंदिराचे बांधकाम सुरू झाले. मंदिराच्या नियोजित जागेच्या बाजूला एक "औदुंबर" वृक्ष वाढू लागला. याच झाडाखाली १९८१ पासून प्रकट दिन उत्सव नियमितपणे साजरा केला जातो. मंदिरातील उत्सव, वार्षिक कार्यक्रम, भक्तनिवास, शुभ कार्यासाठी हॉल बुकिंगसाठी आपण श्री. पप्पू पांडे - मंदिर व्यवस्थापक यांना ९२८४१८६४६३ या क्रमांकावर संपर्क करु शकता. #विगमी #ViGaMi ✍️ विचारांच्या गर्दीतला मी वाटचाल सकारात्मक आयुष्याची