Cırılmış pulları banklara vermək mümkündür скачать в хорошем качестве

Cırılmış pulları banklara vermək mümkündür

Gündəlik həyatda istifadə etdiyimiz zədələnmiş əskinazlar, cırılsa belə müxtəlif vasitələrlə yararlı hala gətirilən pullarla qarşılaşırıq. Belə pullar ödəniş zamanı da çətinliklər yaradır. Ümumiyyətlə, vətəndaşlara bu əskinazlar verilərkən nə etməlidirlər? Mövzunu əməkdaşımız Aygün Əliyeva araşdırıb. Pul, hər birimizin ödənişlər zamanı istifadə etdiyimiz ümumi bir mübadilə vasitəsidir. Bir çox hallarda özümüzdən asılı olan və olmayan səbəblərdən istifadə etdiyimiz pul əskinazları cırılır vəya yararsız hala düşür. Pulun korlanması daha çox alış-veriş zamanı ortaya problemlər çıxarır. Bu zaman yararsız hala salınan pulun qəbul edilməməsi insanları narahat edir. Şəhər sakini Xalıqverdi Mustafayev: “Cırılan pullar olanda hansı dükana versəm və yaxud taksiyə verirsən hara verirsən – heç kim çırıq pul götürmür.” Şəhər sakini Xanhüseyn Cəbiyev: “Birinci biz cırılan pulu götürmürük. Bizdə götürəndə bizdən götürmürlər qalır ayağımızda.” Satıcılar isə bu pulların götürülməməsi firkiri ilə razılaşmır. Onlar qismən cırılan və yararlı hala salınan pulları qəbul etdiklərini deyirlər. Satıcı Surxay Muradov: “Ümumiyyətlə biz cırıq pulların hamısını götürürük, tam üzülmüyən pullar götürülür. Banklarda bizdən qəbul edir. Hər bir firmada bizdən götürür.” Nömrəsi və qoruyucu işarələri aşkar görünən pulların köhnəliyi əsas gətirilərək vətəndaşdan qəbul edilmirsə, bu, qanun pozuntusudur. Mütəxəssislər qanunvericiliyin bu tələblərinə banklar tərəfindən əməl olunmasını vacib hesab etsələr də bunun bütün yararsız pullara şamil edilmədiyi deyirlər. Pul əskinazları cırılan zaman... Bank mütəxəssisi Fuad Qəniyev : “Əskinasın 60 faizi və daha yuxarı hissəsi saxlanılıbsa bu pullar birbaşa bank tərəfindən dəyişdirək olur. Bank sistemində pulların ekspertizası və təşkili haqqında qaydaları var ki , 200 damalı cədvəllə müəyyən olunur ki, 60 faizi saxlanılır ya yox. Əgər 60 faizdən az hissəsin saxlayıbsa o pul banklar tərəfindən dəyişdirilmir.” Səthi tam olmayan əskinasların səthini müəyyənləşdirmək üçün xüsusi 200 damalı cədvəllərdən istifadə olunur. Bank rəsmisi deyirki vətəndaşlar 1 manatlıq əskinazların dəyişilməsi üçün müraciət etməsələrdə adətən müraciətlər… Bank mütəxəssisi Fuad Qəniyev : “Böyük məbləğli kupyurlarda 20-50 manatda daha çox olur . 100-lükdə belə olmur. 100-lüklə ola bilsin daha etibarlı rəftar olunur. 1 manatda da yaxınlaşan olmur. Əsasən orta məbləğlərdə 20-10-50 belə daha çox olur.” Qüsurlu pul nişanlarını ölkənin bütün banklarında, eləcədə filiallarında həftəsonu və bayram günlərindən başqa, istənilən gün dəyişmək mümkündür. Cırılmış xarici valyutalarda vəziyyət Milli pulumuzdan fərqlidir. Bu proses yalnız Mərkəzi Bank tərəfindən seçilmiş müvəkkil banklar həyata keçirə bilir.