ليله غريبه - ليله غريبه لا مشاعر ولا احساس | خالد ال بريك | بطيء + مميز скачать в хорошем качестве

ليله غريبه - ليله غريبه لا مشاعر ولا احساس | خالد ال بريك | بطيء + مميز

الكلمات : البارحه مااادق فالصدر هوجاس ولا تضايق صدري من الطواري لا ناحت الورقا .. ولا هب نسناس ولا نشدت عْن الرفيق المباري ..! ليلة غريبة لا مشاعر ولا احساس ساري ولا ادري ليه بالضبط ساري مغير اجر الصوت .. واجر الانفاس واخذ و ادرج في فجوج الصحاري من شافني يوم ادرج قال : عساس ماكن هذي .. دار جدي وداري …! الارض مثل العرق والعرق دساس ترد راعيها عليها .. اجباري ..! احاول اقراء ما بقا بين الاقواس لو ما بقى لـ حروفه الا مواري من يكتب الذكرى على حمر الاطعاس لا يلحق الشرهه هبوب الذواري وجداه يوم الحرّ ماتم قرناس قبل تحطه فـ / الشباك القماري فقد الشغف خلاني افقد معه ناس معاد اعرف اصبر واجامل واداري اضحك مثل ضحك المجامل فالاعراس واعوي لحالي مثل ذيب الغداري واحاول اشب الامل واحرق الياس بيني وبين الذات .. ذات الصواري على رجا حلمٍ لمع مثل الالماس واقفا على غفلة .. وطال انتظاري …! والمارد اللي كان للحلم مقباس عيا لا يطلع مع خشوم الغواري ..! والحمد لـ اللي رحمته تذهب الباس الباري اللي يجعل الجرح باري من شافني .. وانا على حد الافلاس يحسبني املك صك بنكٍ تجاري ماني من اللي لا ابتلش يرخي الراس الشي هذا .. دوره عند غاري ..! ولاني من اللي لـ المعاريف دساس احفظ جميل الناس واحفظ وقاري لـ الطيب شان ولـ الثناء وحدة قياس ويقدره رجلٍ على الطيب ضاري مافيه نعم بدون طاله ونوماس ولا فيه صيت بدون كاتب وقاري وانا بنات افكاااري معربة ساس مهيب سلعة .. بين بايع وشاري واللي بنات افكاره لـ ساير الناس يبيعهن فالسوق مثل الجواري .. ! مال الردي في مرقب الطيب مجلاس لو نرفعه ينزل نزول اضطراري خل الرسوس مكذبة كل غطاس واقطن على نهرٍ من الجود جاري نواف بن جدعان لـ المدح نبراس ركنٍ من الروقه مهوب متواري لا حط لك وقتك حواجز وحراس دبرلك من الضيق مخرج طواري من طيب وقفاته ومن قوة الباس ودك يسمى ..الطيب الانتحاري ياطا الخطر لو هو مثل حد الامواس تقول : ياطا فوق " زل القفاري " حي الحبيل اللي لـ الاخطار دواس من طيب فعله كن ماله مجاري ..! تفخر به الروقه بعيدين الارماس وانا رفيقه .. وافتخر به واماري ..! رباه عودٍ له مع الساس مغراس والساس اهم من الرصيد العقاري واهل الهلالية ذرا كل محتاس تاريخهم لـ الناس معلم حضاري مالله خلق فيهم ضعيف وبلاس جميعهم مثل السباع الضواري ذخر الحماميد اهل السيف والطاس والخيل والبل والقني والشباري والمدح فـ اهل الطيب يبنى على ساس ويحبه الطيب بعيد المساري واللي من امجاد الرياجيل حساس لازم يراجع له طبيب استشاري …!