75.Qiyamah:22-40 скачать в хорошем качестве

75.Qiyamah:22-40

ചിലരുടെ മുഖങ്ങള്‍ അന്ന് പ്രസന്നവും തങ്ങളുടെ നാഥനിലേക്ക് നോക്കുന്നവയുമായിരിക്കും; മറ്റു ചിലരുടെ മുഖങ്ങള്‍ അന്ന് കരുവാളിച്ചതും ഒരു ഗുരുതര വിപത്ത് പിടികൂടാന്‍ പോകുന്ന ഭാവേനയുമായിരിക്കുന്നതാണ്. അല്ല, ആത്മാവ് തൊണ്ടക്കുഴിയിലെത്തുകയും മന്ത്രിക്കാനാരാണുള്ളത് എന്നന്വേഷിക്കപ്പെടുകയും തന്റെ വേര്‍പാടാണിതെന്ന് അവന്ന് ബോധ്യപ്പെടുകയും കണങ്കാലുകള്‍ പരസ്പരം കൂടിച്ചേരുകയും ചെയ്യുമ്പോള്‍ -അന്ന് നിന്റെ നാഥങ്കലേക്കായിരിക്കും തെളിച്ചുകൊണ്ടുപോവുക. എന്നിട്ടും അവന്‍ സത്യമംഗീകരിക്കുകയോ നമസ്‌കരിക്കുകയോ ചെയ്തില്ല; പ്രത്യുത, നിഷേധിക്കുകയും അവഗണിക്കുകയും ദുരാഭിജാത്യ പ്രകടനവുമായി സ്വന്തക്കാരിലേക്ക് നടന്നുനീങ്ങുകയുമാണുണ്ടായത്. നിനക്കാണ് നാശം, മേല്‍ക്കുമേല്‍ തകര്‍ച്ച! വീണ്ടും പറയട്ടെ, നിനക്കു തന്നെയാണ് നാശവും തകര്‍ച്ചയും. താന്‍ വൃഥാവിലങ്ങ് ഉപേക്ഷിക്കപ്പെടുമെന്ന് മനുഷ്യന്‍ ധരിക്കുന്നുണ്ടോ? സ്രവിക്കപ്പെട്ട ഇന്ദ്രിയത്തിന്റെ ഒരു കണിക ആയിരുന്നില്ലേ അവന്‍? എന്നിട്ട് അതൊരു രക്തപിണ്ഡമാവുകയും പിന്നെ അല്ലാഹു സൃഷ്ടിച്ച് സംവിധാനിക്കുകയും അതില്‍ നിന്ന് പുരുഷനും സ്ത്രീയുമാകുന്ന രണ്ട് ഇണകളെ ഉണ്ടാക്കുകയും ചെയ്തു. ആ സ്രഷ്ടാവ് മരിച്ചവരെ പുനര്‍ജനിപ്പിക്കാന്‍ കഴിവുള്ളവനല്ലേ?