gamaka inna thani minisa ගමක ඉන්න තනි මිනිසා සොයා ගිය ගමන скачать в хорошем качестве

gamaka inna thani minisa ගමක ඉන්න තනි මිනිසා සොයා ගිය ගමන

මහා වන මැද රාවනා අඩවියේ ගමක ඉන්න තනි මිනිසා සොයා ගිය ගමන (දඹුල්ල කාංචන කුමාර ආරියදාස) 2020.03.18 පවතින දුෂ්කරතාවයන් නිසා පදිංචිය අතහැර වෙනත් ප්‍රදේශවලට සංක්‍රමණය වී තනි පුද්ගලයෙක් පමණක් කාලයක සිට ජීවත් වන අපූරු ගමක් සොයා අප මාතලේ දිස්ත්‍රික්කයේ ලග්ගල මැතිවරණ බල ප්‍රදේශයේ පිහිටා ඇති ගලබොඩ දම්මන්තැන්න ගම්මානයට ගියෙමු. අනාදිමත් කාලයක සිට පැවැති මෙම දම්මන්තැන්න ගම්මානය ඉතා අලංකාර කඳු පන්තියකින් වටව පිහිටා තිබිණි. මෙම ගම්මානයට ගමන් කිරීම සඳහා වාහනයකින් යා හැක්කේ ගලබොඩ ගම්මානයට පමණි. මීට පෙර දා සතියකට වරක් දෙවරක් බස් රථයක් ගම ආසන්නයට ගමන් කළ ද වර්තමානය වනවිට වන අලින්ගේ සහ මාර්ග පාවිච්චි නොකිරීම නිසා කැලෑවැදී ගමන් කිරීමට හැක්කේ පාගමනින් පමණි .කිලෝමීටර් 5ක පමණ පයින් දුෂ්කර මාර්ගය ඔස්සේ ගමන් කිරීමේදී දම්මන්තැන්න නම් වූ ගම හමුවේ. මෙම ගම සොයා ගමන් කිරීමට ගලබොඩ විහාරස්ථානයේ විහාරාධිපති හිමියන් අපට සුවිශාල වූ දායකත්වයක් ලබාදුන්හ. පෙර දා පවුල් තිස්පහක් පමණ ඉතා හොදින් ජීවත් වූ දම්මන්තැන්න ගම්මානයෙ අද වන විට එකම එක පුද්ගලයෙක් පමණක් ජීවත්වීම මෙහි අපූර්වත්වය වෙයි. ගමේ පිහිටි නිවාස සියල්ල අතහැර දමා මෙම පිරිසය 2002 වසරේ සිට ක්‍රමක්‍රමයෙන් ගම අතහැර ගිය බව දැනට ගම්මානයේ තනිව ජීවත් වන දම්මන්තැන්න අලුත් ගෙදර තිලකරත්න මහතා පැවසීය. ඔහු ද වයස අවුරුදු 50ක් අවිවාහක පුද්ගලයෙකි. කඩාවැටී ගරාවැටී ඇති නිවාස තුළට ගොස් බැලීමේදී ඇතැම් නිවාස වල පෞරාණික ව ඔවුන් භාවිතා කළ කෘෂිකාර්මික උපකරණ ගෘහ භාණ්ඩ උපකරණ මිරිස් ගල කුරහන් ගල් ඔවුන්ගේ ඇතැම් ඉපැරණි ඡායාරූප ජනසවි ලබාගත් කාඩ්පත් ආදී බොහෝ දේ පොළොවට යට වෙමින් වේයන්ගේ ආහාර බවට පත්වෙමින් අභාවයට යන අයුරු දැක ගැනීමට හැකිවිය. ඉතා අලංකාර මනරම් ගම්මානයක් වුවද ගමන් අපහසුතාවය විදුලි බලය ආදී නොමැති නිසා දම්මන්තැන්න මිනිස්සු ගම හැරදා සිදාදිය සොයාගෙන ගොස් ඇත්තේ දරුවන්ගේ අධ්‍යාපන සඳහාය බව තනිවම ගමේ ඉන්න තිලකරත්න මහතා කියයි. පෙරදා පැවැති ‍ග්‍රාමීය ක්‍රමය වර්තමාන සමාජයට අඩුම තරමේ දැක බලා ගැනීම සඳහා හෝ සංරක්ෂණය කළ යුතු වටිනා ගම්මානයක් දම්මන්තැන්න ගම බව එහි ගිය අපට සැබෑ වූයේ මීට දශක ගණනාවකට ඉහතදී අප කෘෂිකර්මාන්තය සඳහා ජන ජීවිතය පවත්වාගෙන යෑම සඳහා ආහාර පිසීම සඳහා යොදා ගත් සියලු උපකරණ මෙම කටුමැටි නිවාසවල යටවී විනාශ වන ආකාරය දැකීමෙනි. මෙම සුන්දර ගම්මානය නැවත පෝෂණය කොට මෙරට පමණක් නොව විදේශීය ජනතාවට පවා ගමක අසිරිය මොනවට කියා පෑමට හැකි වන ආකාරයෙන් සංරක්ෂණය කළ යුතුව ඇතැයි එහි ගිය අපට පසක් විය. මෙම ගමේ තනිවම ජීවත් වන දම්මන්තැන්න අලුත් ගෙදර තිලකරත්න මහතා කියා සිටියේ ගමේ බොහෝ දෙනා ගම අතහැර ගිය බවය .ඒ පහසුකම් නොමැති නිසාවෙන් කෙසේවෙතත් තමන් තනිවම ගොවිතැනක් බතක් කරගෙන සතියට එක වරක් ගරයට ගොස් අවශ්‍ය භාණ්ඩ ටික මිලදී ගෙන නැවතත් ගමට එන බව පැවසීය . තමාට තනිකම පාළුව කාන්සිය දැනුණු විටෙක ගුවන්විදුලියේ ගීතයක් ඇසීම සිදුකරන බවත් හෙතෙම සඳහන් කළේය. පවුල් තිස්පහක් ජීවත්වූ මිනිසුන් අතහැර ගිය ගමන් එය නැරඹීම සඳහා හෝ දවසක් ගතකිරීම සඳහා එන ඕනෑම අයකුට තම නිවසේ පැදුරක් එලා හෝ නවාතැන් දීමට හැකි බව ඔහු සිනාසෙමින් පැවසීය. තනිවම කැලෑවක වැදි වන අලින් වන සතුන් සමඟ ජීවත් වන මෙම තිලකරත්න මහතා අනෙකුන් මෙන් කතාබහ කිරීමට මැලිකමක් ද දක්වනු ලබයි. මාතලේ දිස්ත්‍රික් නාඋල ප්‍රාදේශීය ලේකම් කොට්ඨාසයට අයත් දම්මන්තැන්න ගම සංරක්ෂිත ප්‍රදර්ශන ගමක් බවට පත් කිරීමට බලධාරීන්ගේ අවධානය යොමු විය යුතුව තිබේ.මේ ගමට පෙරදා මිනිසුන් පිටතින් මිලදී ගෙන ඇත්තේ දියලුණු ,සබන් හා ඇදුම් පමණකි .