Mea Culpa - Իմ մեղքը Ներկայացում 2002-2015 restored in 4K скачать в хорошем качестве

Mea Culpa - Իմ մեղքը Ներկայացում 2002-2015 restored in 4K

«Իմ մեղքը» (Mea Culpa), թատերական ներկայացում է (տրագիկոմեդիա) 2 գործողությամբ, որի պրեմիերան տեղի է ունեցել 2002 թվականի սեպտեմբերի 30-ին Հակոբ Պարոնյանի անվան պետական երաժշտական կոմեդիայի թատրոնում։ 2011 թ. թողարկվել է բեմադրության տեսատարբերակը (DVD)։ Պիեսի հեղինակ՝ Վահրամ Սահակյան Բեմադրող ռեժիսոր՝ Արթուր Սահակյան Բեմադրող օպերատոր՝ Մկրտիչ Մալխասյան Հնչյունային ռեժիսոր՝ Կարեն Ծատուրյան Պրոդյուսեր՝ Արմեն Համբարձումյան Դերերում՝ Հրանտ Թոխատյան, Սամսոն Ստեփանյան, Լևոն Հարությունյան, Մկրտիչ Արզումանյան, Արա Սարգսյան, Արծրուն Հարությունյան, Վահագն Սիմոնյան, Ջուլիետա Ստեփանյան, Իրինա Դանիելյան Սյուժե Ներկայացման գործողությունը ծավալվում է 2015 թվականին։ Միջազգային հանրությունը որոշել է վերականգնել պատմական արդարությունը և փոքրիկ Հայաստանին վերադարձնել ավելի քան հարյուր տարի առաջ Թուրքիայի կողմից զավթված հողերը։ Ներկայացման գլխավոր հերոսը (դերասան՝ Սամսոն Ստեփանյան) ելույթի տեքստ է պատրաստում միջազգային համաժողովում հանդես գալու համար, որտեղ պետք է լուծվի այդ հարցը։ Սակայն ներկայացման ողջ ընթացքում հերոսին ինչ-որ բան անընդհատ խանգարում է՝ ավարտելու ելույթի վրա տարվող աշխատանքը։ Ի վերջո գործը հասնում է բացարձակ անհեթեթության՝ նրա տանն անսպասելիորեն հայտնվում է կենդանաբանական այգուց փախած վագրը, սակայն, չգիտես ինչու, նա կրկեսի ծաղրածուի տեսքով է (դերասան՝ Հրանտ Թոխատյան)։ Եվ այս վագր-ծաղրածուն պատառոտում է մեր հերոսի գրած տեքստը՝ հայտարարելով. «Ամբողջ գրվածը ճղճիմ հիմարություն է։ Մի կողմից` ծեծված նախադասությունները Նարեկացու և Մաշտոցի մասին, մյուս կողմից՝ Հայաստանի ու հայերի հանդեպ պատմական անարդարության վերաբերյալ լալկան հայտարարությունները, մեր ժամանակներում ոչ մեկին չեն հուզում և չեն հետաքրքրում»։ Այսօր միջազգային հանրությանը պետք է ավելի կարևոր ինչ-որ բան ներկայացնել, թեկուզ և՝ ընդամենը մի քանի խոսք։ Բայց այդ խոսքերը պետք է հնչեն կոշտ, հաստատակամ և համոզիչ ձևով։ Եվ որպեսզի հերոսը հեշտորեն կարողանա գտնել այդ «գլխավոր խոսքերը», վագր-ծաղրածուն ներկայացման սյուժեն հասցնում է ավելի անհեթեթ իրադարձությունների։ Նա սկսում է հայտնվել հերոսի առաջ իրական պատմական անհատների՝ Նոստրադամուսի, Գյոթեի, Նապոլեոնի, Չերչիլի, Հիտլերի, Արա Գեղեցիկի և Տիգրան Մեծի կերպարանքներով։ Ավարտվում է խելահեղ գիշերը… Գիշեր, որը հերոսին ստիպեց շատ բան հասկանալ ու վերաիմաստավորել այս կյանքում։