Павлодар облысында бір үйден мумияланған екі мәйіт табылды скачать в хорошем качестве

Павлодар облысында бір үйден мумияланған екі мәйіт табылды

Павлодар облысы Майқайың ауылында мумияланған екі мәйіт табылды. Ең сорақысы, мүрделерді көрген алты жасар қызбен қазір психологтар жұмыс істеп жатыр. Болжам бойынша, марқұмдардың бірі, 36 жастағы әйел екі жыл бұрын, ал әкесі бес ай бұрын көз жұмған. Және күдікті қызы мен күйеуіне берілетін жәрдемақы мен зейнетақыдан қағылмау үшін мәйіттерді үйінде тығып ұстауы мүмкін. Жантүршігерлік әрекетке барған әйел қамауға алынды ма? Елдімекен тұрғындары не дейді? Әріптесім Абай Нұржанұлы толықтырады. Майқайың ауылындағы жер үйден табылған мумиялардың суреттері желіде тарады. Қорқынышты кадрлардан марқұмдардың өмірден өткеніне ұзақ уақыт болғаны байқалады. Өйткені бас сүйектері қарайып кеткен. Ең сұмдығы, бір мәйіттің балаларға арналған бөлмеде жатқаны да көрінеді. Бұл жағдайды естіген елдімекен халқы жаға ұстапты. Майқайың ауылының тұрғыны: Ауылда 20 жылдан бері тұрамын. Сәлеміміз түзу болды. Қарапайым отбасы. Ешқандай жаман әрекеттерін көрген жоқпын. Осы жаңалықты көріп өзіміз таңданып қалдық. Қазір сұмдық оқиға болған үй лентамен қоршалған. Баспанада жедел-тергеу тобы жұмыс істеп жатыр. Көз жұмған 36 жастағы әйелдің қатерлі ісікпен ауырғаны белгілі болды. Дәрігерлер өткен жұмада тұрғынның жағдайын білуге келген сәтте зейнеткер үйге кіргізбей қарсылық көрсеткен екен. Кейін полицейлер ішке еніп, әйелдің және бір ауладағы екінші үйден ер адамның денесін тапқан. Қарт әйел жолдасы мен қызына төленіп келген зейнетақы, жәрдемақыдан қол үзіп қалмас үшін мәйіттерді мумиялап сақтаған болуы мүмкін. Тіпті, бұл отбасының сектаға кіріп кеткені де айтылып жатыр. Бірақ полиция бұл ақпараттарды әлі тексереміз дейді. ЖАНАР БЕЛЯЛОВА, Павлодар облыстық полиция Департаментінің ресми өкілі: Осы факт бойынша полиция қылмыстық іс қозғады. Қазіргі уақытта оқиғаның мән-жайын объективті анықтауға бағытталған қажетті тергеу жүргізілуде. Мүрделер жасырылған баспанада 6 жасар қыз да тұрған. Көз жұмған әйелдің оның анасы екені анықталды. Жергілікті омбудсмен балақайдың жағдайы жақсы, қазір медицина мамандары бақылауға алды дейді. СӘУЛЕ ШӘКЕНОВА, Павлодар облысы бойынша бала құқықтары жөніндегі уәкіл: Оның бұған дейін мектепке бармағаны анықталды. Өйткені 6 жасқа желтоқсан айында толған. Ол мектеп алды даярлық сыныбына да қатыспаған екен. Бүлдіршіннің анасы ғана болған. Әкесі жоқ. Бұл жағдайдың қыздың ақыл-есіне әсер етпегені байқалады. Бірақ қазір дәрігерлер денсаулығын тексеріп жатыр. Жауаптылар ертең бүлдіршінді Екібастұз қаласындағы балаларды қорғау орталығына апарады. Мәйіті мумияланған марқұмдардың бірі 2 жыл бұрын, ал екіншісі қыркүйек айында қайтыс болған деген болжам бар. Бірақ олардың неден көз жұмғаны күдіктінің жауабы мен сараптамадан соң белгілі болмақ. #Информбюро #31арна #БастыЖаңалықтар #Новости #31канал