मातृवंदना | Matruvandana - ग.दि.माडगूळकर скачать в хорошем качестве

मातृवंदना | Matruvandana - ग.दि.माडगूळकर

गदिमांची 'मातृवंदना' ही सुंदर कविता,सुप्रसिद्ध संगीतकार 'राहुल घोरपडे' यांनी संगीत दिले आहे व ज्येष्ठ पार्श्वगायक 'सुरेश वाडकर' यांनी गायले आहे,माझ्या खास आग्रहाखातर राहुलजींनी ते आपल्या सर्वांसाठी उपलब्ध करून दिले आहे,याचा नवीन अल्बम येत्या डिसेंबर मध्ये प्रसिद्ध होतो आहे,जरूर त्याचा लाभ घ्या.राहुलजींचे मनापासून आभार!. "मातृवंदना" कवी:ग.दि.माडगूळकर | संगीत:राहुल घोरपडे | स्वर:सुरेश वाडकर ---------------------------------------- दिला जन्म तू,विश्व हे दाविलेस किती कष्ट माये,सुखे साहिलेस, जिण्यालागि आकार माझ्या दिलास तुझ्या वंदितो माउली,पाउलांस गुरु आद्य तू,माझिया जीवनात तुवा पेरिली धर्मबीजे मनात, प्रपंचात सत्पंथ तू दाविलास तुझ्या वंदितो माउली,पाउलांस तुझा कीर्तिविस्तार माझा प्रपंच कृपेने तुझ्या रंगला रंगमंच, वठे भूमिका पाठ जैसा दिलास तुझ्या वंदितो माउली,पाउलांस तुझे थोर संस्कार आचार झाले तुझे यत्नप्रामाण्य सिध्दीस गेले, तुझ्या चिंतने,लोभ पावे निरास तुझ्या वंदितो माउली,पाउलांस उमेचे,रमेचे,तसे शारदेचे जपध्यान तैसे तुझे जन्मदेचे, तुझ्या प्रेरणेने यशस्वी प्रवास तुझ्या वंदितो माउली,पाउलांस