ВАНИЛЬНЫЙ КАПКЕЙК С КЛУБНИКОЙ 🧁🍓 скачать в хорошем качестве

ВАНИЛЬНЫЙ КАПКЕЙК С КЛУБНИКОЙ 🧁🍓

Тиэстэҕэ: • ынах арыыта – 80 г; • саахар – 100 г; • ванильнай саахар – 1 ч.нь.; • сымыыт – 2 уст.; • бурдук – 150 г; •үүт–50мл; • разрыхлитель – 1 ч.нь. Кремҥэ: • 33-35%-наах холбуйуу сүөгэй – 200 мл; • творожнай сыыр – 200 г; • саахар – 80-100 г; • киэргэтиигэ клубника. Начыынкаҕа: • клубникалаах конфитюр. Астыырбытыгар: • капкейк оҥорорбутугар аналла- ах форма; • капкейк аналлаах кумааҕыттан капсула; • кремҥэ аналлаах насадка; • кондитерскай мөһөөччүк; • кондитерскай посыпка. Бу рецептэн 12 устуука капкейк тахсар. Бородуукталарбытын бэлэмниибит. Бастаан тиэстэбитин оҥоробут. Хаачыстыбалаах ынах арыытын ылаарыҥ. Арыыны холодильниктан эрдэ хостуубут, астаныахпытыгар диэри олоччу ирэн сымныахтаах. Ванильнац саахары ванилинынан солбуйуохха сөп. Сымнаабыт арыыбытын миискэҕэ кутабыт, онно саахар эбэбит. Миксеринэн эрийтэрэбит. Эрийтэрэ туран, ванильнай саахар кутабыт. Сырдык саһархай өҥнөнүөр диэри үлүннэрэн миксердиибит, ол эрэн 3 мүнүүтэттэн аһары барбаппыт, арыы бэйэ-бэйэтиттэн арахсан хаалыан сөп. Булкуйарбытын тохтоппокко эрэ маассабытыгар сымыыт эбэбит. Сымыыты эрдэ алдьатан туспа иһиттэргэ бэлэмниир ордук. Хас биирдии сымыыт кэнниттэн булкааһыкпытын үчүгэйдик эрийтэрэн иһэбит. Арыылаах- сымыыттаах маасса үчүгэйдик силбэһиэр диэри эрийтэрэбит. Начыыҥкаҕа клубникалаах конфитюр туттар буоллубут. Кини туспа виддео5a баар. Сойбут кекстэрбит истэрин хостуубут. Кондитерскай насадканан эбэтэр быһах көмөтүнэн хостуоххутун сөп. Хас биирдии кекскэ клубникаттан начыыҥкабытын симэбит. Сүөгэйи, сыыры, саахары холбоон биир маасса буолуор диэри миксеринэн эрийтэрэбит. Хомуога суох буолуохтаах. Мин бу сырыыга шапочкаларбын кубархай кыһыл дьүһүннүөхпүн баҕардым. Кыратык гелевэй краситель эрийтэрэн ылабыт. Крем бэлэм. Кремҥэ аналлаах насадкалаах кондитерскай мөһөөччүккэ угабыт уонна бэлэм креми ыган кутабыт. Капкейкабыт үрдүн креминэн киэргэтэбит уонна эбии сибиэһэй отонунан, араас кондитерскай посыпкаларынан киэргэтиэххэ сөп. Оҕолор да, улахан да дьон сөбүлүүр сиир минньигэс десертэрэ бэлэм буолла. Минньигэс аспыт бэлэм буолла. Минньигэстик аһааҥ!