සිද්ධාර්ථ බෝසතාණෝ සය වසරක් දුෂ්කරක්‍රියා කළ "දුර්ගේෂ්වරී" (-ප්‍රාග්බෝධිය හෙවත් පූර්ව සම්බෝධි භූමිය) скачать в хорошем качестве

සිද්ධාර්ථ බෝසතාණෝ සය වසරක් දුෂ්කරක්‍රියා කළ "දුර්ගේෂ්වරී" (-ප්‍රාග්බෝධිය හෙවත් පූර්ව සම්බෝධි භූමිය)

දුර්ගේෂ්වරී (Durgeshwari) යනු ඉන්දියාවේ, බිහාර් ප්‍රාන්තයේ ගයා නගරය ආසන්නයේ පිහිටි පුරාවිද්‍යාත්මක වැදගත් ස්ථානයක් සේම ඉන්දියාවේ ජනප්‍රිය සංචාරක ස්ථානයක් වේ. "පූර්ව බෝධිය" නම්වූ මෙම ස්ථානය ලෝකවාසී බෞද්ධයන්ගේ වන්දනාවට පාත්‍ර වන පූජනීය ස්ථානයකි. සියලු රාජ සම්පත් අත්හැර රජ ගෙදරින් නික්මගිය සිද්ධාර්ථ කුමරු රාජධානි තුනක් පසුකර තිස්යොදුනක් මඟ ගෙවා අනෝමා ගංතෙරට පැමිණ තම මඟුල් කඩුවෙන් හිසකෙස් කපා රාජාභරණ සියල්ල මුදා උතුම් සම්බුද්ධත්වයට පත් වීමට පෙර, පුරා සය(06) වසරක් දුෂ්කර වූ අත්හැරීම්වල (අත්තකිලමථානු යෝගය) නියැලෙමින් උග්‍ර තපස් ජීවිතයක් ඇරඹීය. මෙලෙසින් අනෝමා ගංතෙර අසබඩ අනුපිය නම් අඹ වනයේ සතියක් කල්ගෙවූ සිද්ධාර්ථ තවුස්තෙම නැවතත් එතැනින් තිස් යොදුනක් මග ගෙවා රජගහනුවරට පිවිස පාණ්ඩව පර්වත පාමුල වනයට පිවිස සිද්ධාර්ථ තාපසයාණෝ ‘කිං සච්ච ගවේෂී’ ව විසූහ.   උරුවෙල් දනව්වට පැමිණ මෙම ‘සේනානී’ නම් නියම්ගම ඇසුරුකොට නේරංජනා නදී තීරයේ වූ දුර්ගේෂ්වරී ගිරි ශිඛර වන ලැහැබට පැමිණ සය අවුරුුදු දුෂ්කර ක්‍රියාවක නිරත විය. පසුව දුෂ්කර ක්‍රියාවෙන් මධ්‍යම ප්‍රතිපදාවට පිළිපන් සිද්ධාර්ථ තාපසතුමන් වෙසක් පුර පසළොස්වක් පෝදින අලුයම් භාගයේදී උතුම් වූ සම්මා සම්බෝධියට පත්වූ සේක. මෙහිදී අත්දුටු දුෂ්කර ක්‍රි‍්‍රයා අප්‍රමාණය. දිනක් බුදුරජාණන් වහන්සේ සැවැත්නුවර ජේතවනාරාමයේ වැඩ වාසය කරන කල්හි ජානුස්සෝනි බ්‍රාහ්මණයාට මෙසේ වදාළහ. ‘..ජානුස්සෝනි, මම පසළොස්වක තුදුස්වක අටවක, අමාවක වැනි දිනවල රාත්‍රිකාලවල ගෙයක් දොරක් නොමැති මහා රූස්ස ගස් ඇති අඳුරු තැන්වල තනිවම ඉඳිද්දී ඇඟ කිලිපොළා යන දේවල් දකිනවා. ශබ්ද ඇහෙනවා. නමුත් මං ඒ තැන්වලින් සෙළවුණේවත් නැහැ මා සමහර වෙලාවල සක්මන් කරන විට හිතට මහා බියක් එනව. මං ඒ වෙලාවට නිදාගන්න යන්නෙවත් ඉඳගන්න යන්නෙවත් නැතිව සිත ධෛර්ය කරගෙන සක්මනේම යෙදෙනව. ඔය විදියට මං බිය දුරුකරගෙන ප්‍රතිපත්තියට මුල්තැන දෙනව. මගේ තවත් දුෂ්කර ක්‍රියාවක් තමයි ආහාරවේල ගැන නොතකා ක්‍රියා කිරීම. දින ගණන් ආහාර නොගෙන භාවනා කරනව. එය මට මහත් අමාරුවක් වුණා. පස්සේ මං පවත්ත ඵලභෝජී ජීවිතයක් එනම් බිමට වැටුණ පලතුරක් වැනි දෙයක් ඇහිඳගෙන අනුභව කරමින් සති ගණන් කුසගින්නේ ඉඳීමෙන් භාවනා කළා.ඉතින් මේ වගේ ක්‍රියා නිසා මගේ සිරුර ඉතා වෙහෙසටත් පීඩාවටත් පත්වුණා. නමුත් මගේ සිත නොසෙල්වී තියා ගත්තා. තවත් වරක් බුදුරජාණන් වහන්සේ විශාලා මහනුවර කූඨාගාර ශාලාවේදි ‘සච්චක’ හට මෙසේ වදාළ සේක. ..මම මුඛයෙන්ද නැහැයෙන්ද ආශ්වාස ප්‍රශ්වාස වාතය යටපත් කොට භාවනාවේ යෙදෙමි. එවිට මගේ දෙකන් සිදුරෙන් වාතය පිටවෙයි. කම්මල් මයිනහමේ හුළං වගේ එතකොට ශබ්ද නගා හුළං කන්දෙකෙන් පිටවෙනව. මේ වෙලාවට මගේ හිස තියුණු බුරුමයකින් විදින්නාක් වගේ මට දැනෙනවා. ඒත් මේ සියල්ල මම විඳ දරාගත්තා මිසක් උත්සාහය අත්හළේ නැහැ. වරක් මම සක්මන් මළුවක සිහිනැතිව ඇදවැටී තියෙනවා. ‘’ආහාර නොගෙන මං කොච්චර නං කෙට්ටු වුනාද කීවොත් මගේ බඩ පිටට ඇලුණා. බඩ අතගාන කොට පිට අත ගෑවෙන්නෙ. මගේ කොඳු ඇට පෙළ පබළු වැලක් වගේ මතුවී තිබුණා. අතපය කලුවැල් පුරුක් වගේ පෙනුණා. ඇස්දෙක ළිඳක් පතුලෙ තියෙන තරු දෙකක් වගේ යටට ගිලිල ගිහින් තිබුණා’’. ‘’ශරීරය අතින් පිරිමදිනා විට කුණු වූ මුල් ඇති ලෝම ගස් ගැලවී යනවා. කෙසකිළි වැසිකිළි කිරීමේදී මුළු ශරීරයම වියළී හැකිළී ගොස් තිබුණු නිසා එම අවස්ථාවල මා දුක් උපදවා සිහි මුර්ඡාවි වැටී තිබෙනවා...’’ මෙලෙස පුරා සය(06) වසරක් තිස්සේ මෙම දුර්ගේෂ්වරී සිට දුෂ්කර ක්‍රියා කළ බවට මෙහි පිහිටි ගල්ගුහා සහ කඳු මුදුන් ආශ්‍රිත නෂ්ටාවශේෂ ඊට සාක්ෂි දරයි. එමෙන්ම, මෙම භූමිය හින්දු ආගමේ ශක්ති පීඨ (Shakti Peeth) ලෙස හැඳින්වෙන පූජනීය ස්ථාන 51න් එකක් ලෙසටද විස්වාසයක් පවතී. තවද, හින්දු පුරාවෘත්තවලට අනුව, 'දුර්ගා' දේවියගේ ශරීරයේ කොටසක් මෙහි වැටී ඇති බව හින්දුන් විශ්වාස කෙරේ. ඒ නිසා, මෙම දුෂ්කර භූමිය දුර්ගා දේවියට කැප වූ ස්ථානය යන අදහසක්ද මුල්බැස ගෙන ඇත. මේ නිසා, දුර්ගේෂ්වරී පුදබිම ලොව පුරා බෞද්ධ සැදැවතුන්ගේ මෙන්ම හින්දු බැතිමතුන්ගේ ද වන්දනාමානයට බදුන් වූ පූජනීය ස්ථානයක් ලෙස ශතවර්ෂ ගණනාවක සිට ඉමහත් ගෞරවයට පාත්‍ර වී තිබේ. -"ප්‍රාග් බෝධිය" හෙවත් සිදුහත් තවුසාණෝ සය වසරක් දුෂ්කරක්‍රියා කළ "දුර්ගේෂ්වරී" පූර්ව සම්බෝධි පුණ්‍ය භූමිය.." සැ.යු:-මීට පෙර වැඩසටහන් පහත ලින්ක් එක ක්ලික් කර නැරඹිය හැකිය. 1. "ලුම්බිණි සල් උයන" 👉    • දැක බලා පහන් සංවේගය උපදවා ගතයුතු සිදුහත් ක...   2. කිඹුල්වත්පුර රාජකීය මාලිගා, සුදොවුන් සෑය මහාමායා සෑය, කණ්ඨක සෑය, සහ නැගෙනහිර දොරටුව (අභිනිෂ්ක්‍රමණ ද්වාරය)    • කිඹුල්වත්පුර කපිලවස්තු රාජ්‍යය (-ශාක්‍යයන්...   3. කපිලවස්තුපුර "මහවනයේ" "මහාසමය සූත්‍රය සහ දේවසන්නිපාතය" සිදුවූ නිග්‍රෝධාරාමය 👉    • කපිලවස්තුපුර "මහවනයේ" සුදොවුන් රජු ඉදිකළ "...   4. කපිලවස්තුපුර නිසැක සර්වඥ ධාතූ හමුවූ "පිප්‍රාවා ස්ථූපය" පිහිටි ශාක්‍ය අගනුවර පින්බිම"    • කපිලවස්තුපුර නිසැක ශ්‍රීසර්වඥ ධාතූ මංජුසා ...   5. කපිලවස්තුපුර ගන්වාරියා ස්ථූප ශාක්‍ය ජනාවාස පින්බිම    • ඉන්දීය - නේපාල දේශසීමා ආසන්නයේ පිහිටි, ශාක...   #සාහිතපොත්පියස #දිසිරුවන #දුර්ගේෂ්වරී #Durgeshwari #උරුවෙල්දනව්ව #uruwelaya #සේනානිගම #Senanigama #අත්තකිලමථානු_යෝගය #සිදුහත්_තවුසා #Siddharta #ප්‍රාග්බෝධිය #දුෂ්කරක්‍රියා #ShaktiPeeth #දුර්ගාදේවි #නේරංජනා_නදිය #පෙරබෝධි #Neranjana_Nadee #සයවසර #ඉන්දියාව_බුදුදහම #Buddha .................................................... සාහිත පොත් පියස" YouTube නාලිකාව Subscribe කර අප සමග රැදී සිටින්න. ►► Subscribe: https://bit.ly/34FtXAB ►► TikTok: http://bit.ly/3ZmHNyN ►► Facebook Group: https://bit.ly/30HMTg4 ►► Facebook Page: https://bit.ly/3zdahzd .................................................. සැ.යු :- සියලු දහම් පොත් තැපෑලෙන් ඔබේ නිවසට ගෙන්වා ගැනීමට "සාහිත පොත් පියස"ට Only WhatsApp: 071- 44 14 817 පණිවිඩයක් පමණක් යොමු කරන්න. #සාහිතපොත්පියස #දහම්සේසත #දිසිරුවන