వసంత నవరాత్రులు ఎలా జరుపుకోవాలి | 05 April 2021 By Sri Tejaswi Sharma daily panchangam скачать в хорошем качестве

వసంత నవరాత్రులు ఎలా జరుపుకోవాలి | 05 April 2021 By Sri Tejaswi Sharma daily panchangam

వసంత నవరాత్రులు ఎలా జరుపుకోవాలి | 05 April 2021 By Sri Tejaswi Sharma daily panchangam Sri Lalitha Stavaraja Stotram – శ్రీ లలితా స్తవరాజః దేవా ఊచుః | జయ దేవి జగన్మాతర్జయ దేవి పరాత్పరే | జయ కల్యాణనిలయే జయ కామకలాత్మికే || 1 || జయ కామేశ వామాక్షి జయ కామాక్షి సుందరి | జయాఽఖిలసురారాధ్యే జయ కామేశి కామదే || 2 || జయ బ్రహ్మమయే దేవి బ్రహ్మానందరసాత్మికే | జయ నారాయణి పరే నందితాశేషవిష్టపే || 3 || జయ శ్రీకంఠదయితే జయ శ్రీలలితేఽంబికే | జయ శ్రీవిజయే దేవి విజయశ్రీసమృద్ధిదే || 4 || జాతస్య జాయమానస్య ఇష్టాపూర్తస్య హేతవే | నమస్తస్యై త్రిజగతాం పాలయిత్ర్యై పరాత్పరే || 5 || కలాముహూర్తకాష్ఠాహర్మాసర్తుశరదాత్మనే | నమః సహస్రశీర్షాయై సహస్రముఖలోచనే || 6 || నమః సహస్రహస్తాబ్జపాదపంకజశోభితే | అణోరణుతరే దేవి మహతోఽపి మహీయసి || 7 || పరాత్పరతరే మాతస్తేజస్తేజీయసామపి | అతలం తు భవేత్పాదౌ వితలం జానునీ తవ || 8 || రసాతలం కటీదేశః కుక్షిస్తే ధరణీ భవేత్ | హృదయం తు భువర్లోకః స్వస్తే ముఖముదాహృతమ్ || 9 || దృశశ్చంద్రార్కదహనా దిశస్తే బాహవోఽంబికే | మరుతస్తు తవోచ్ఛ్వాసా వాచస్తే శ్రుతయోఽఖిలాః || 10 || క్రీడా తే లోకరచనా సఖా తే చిన్మయః శివః | ఆహారస్తే సదానందో వాసస్తే హృదయే సతామ్ || 11 || దృశ్యాదృశ్యస్వరూపాణి రూపాణి భువనాని తే | శిరోరుహా ఘనాస్తే తు తారకాః కుసుమాని తే || 12 || ధర్మాద్యా బాహవస్తే స్యురధర్మాద్యాయుధాని తే | యమాశ్చ నియమాశ్చైవ కరపాదరుహాస్తథా || 13 || స్తనౌ స్వాహాస్వధాఽఽకారౌ లోకోజ్జీవనకారకౌ | ప్రాణాయామస్తు తే నాసా రసనా తే సరస్వతీ || 14 || ప్రత్యాహారస్త్వింద్రియాణి ధ్యానం తే ధీస్తు సత్తమా | మనస్తే ధారణాశక్తిర్హృదయం తే సమాధికః || 15 || మహీరుహాస్తేఽంగరుహాః ప్రభాతం వసనం తవ | భూతం భవ్యం భవిష్యచ్చ నిత్యం చ తవ విగ్రహః || 16 || యజ్ఞరూపా జగద్ధాత్రీ విశ్వరూపా చ పావనీ | ఆదౌ యా తు దయాభూతా ససర్జ నిఖిలాః ప్రజాః || 17 || హృదయస్థాపి లోకానామదృశ్యా మోహనాత్మికా | నామరూపవిభాగం చ యా కరోతి స్వలీలయా || 18 || తాన్యధిష్ఠాయ తిష్ఠంతీ తేష్వసక్తార్థకామదా | నమస్తస్యై మహాదేవ్యై సర్వశక్త్యై నమో నమః || 19 || యదాజ్ఞయా ప్రవర్తంతే వహ్నిసూర్యేందుమారుతాః | పృథివ్యాదీని భూతాని తస్యై దేవ్యై నమో నమః || 20 || యా ససర్జాద్విధాతారం సర్గాదావాదిభూరిదమ్ | దధార స్వయమేవైకా తస్యై దేవ్యై నమో నమః || 21 || యథా ధృతా తు ధరణీ యయాఽఽకాశమమేయయా | యస్యాముదేతి సవితా తస్యై దేవ్యై నమో నమః || 22 || యత్రోదేతి జగత్కృత్స్నం యత్ర తిష్ఠతి నిర్భరమ్ | యత్రాంతమేతి కాలే తు తస్యై దేవ్యై నమో నమః || 23 || నమో నమస్తే రజసే భవాయై నమో నమః సాత్త్వికసంస్థితాయై | నమో నమస్తే తమసే హరాయై నమో నమో నిర్గుణతః శివాయై || 24 || నమో నమస్తే జగదేకమాత్రే నమో నమస్తే జగదేకపిత్రే | నమో నమస్తేఽఖిలరూపతంత్రే నమో నమస్తేఽఖిలయంత్రరూపే || 25 || నమో నమో లోకగురుప్రధానే నమో నమస్తేఽఖిలవాగ్విభూత్యై | నమోఽస్తు లక్ష్మ్యై జగదేకతుష్ట్యై నమో నమః శాంభవి సర్వశక్త్యై || 26 || అనాదిమధ్యాంతమపాంచభౌతికం హ్యవాఙ్మనోగమ్యమతర్క్యవైభవమ్ | అరూపమద్వంద్వమదృష్టగోచరం ప్రభావమగ్ర్యం కథమంబ వర్ణ్యతే || 27 || ప్రసీద విశ్వేశ్వరి విశ్వవందితే ప్రసీద విద్యేశ్వరి వేదరూపిణి | ప్రసీద మాయామయి మంత్రవిగ్రహే ప్రసీద సర్వేశ్వరి సర్వరూపిణి || 28 || ఇతి స్తుత్వా మహాదేవీం దేవాః సర్వే సవాసవాః | భూయో భూయో నమస్కృత్య శరణం జగ్మురంజసా || 29 || తతః ప్రసన్నా సా దేవీ ప్రణతం వీక్ష్య వాసవమ్ | వరేణచ్ఛందయామాస వరదాఖిలదేహినామ్ || 30 || ఇంద్ర ఉవాచ | యది తుష్టాసి కల్యాణి వరం దైత్యేంద్రపీడితాః | దుర్ధరం జీవితం దేహి త్వాం గతాః శరణార్థినః || 31 || శ్రీదేవ్యువాచ | అహమేవ వినిర్జిత్య భండం దైత్యకులోద్భవమ్ | అచిరాత్తవ దాస్యామి త్రైలోక్యం సచరాచరమ్ || 32 || నిర్భయా ముదితాః సంతు సర్వే దేవగణాస్తథా | యే స్తోష్యంతి చ మాం భక్త్యా స్తవేనానేన మానవాః || 33 || భాజనం తే భవిష్యంతి ధర్మశ్రీయశసాం సదా | విద్యావినయసంపన్నా నీరోగా దీర్ఘజీవినః || 34 || పుత్రమిత్రకలత్రాఢ్యా భవంతు మదనుగ్రహాత్ | ఇతి లబ్ధవరా దేవా దేవేంద్రోఽపి మహాబలః || 35 || ఆమోదం పరమం జగ్ముస్తాం విలోక్య ముహుర్ముహుః || 36 || ఇతి శ్రీబ్రహ్మాండమహాపురాణే ఉత్తరభాగే హయగ్రీవాగస్త్యసంవాదే లలితోపాఖ్యానే లలితాస్తవరాజో నామ త్రయోదశోఽధ్యాయః || Contact Us : 93901 93901 For more Devotional Videos Please Subscribe to YouTube: https://goo.gl/ZFGQ6y #tejaswisharma #sanathanam #srirastu