跌回4字頭！中山一夜回到2015年！屋白送都冇人要！價錢腰斬，無人接盤，解套遙遙無期！港深投資客，全部大出血！徹底玩完！深中通道拯救不了中山樓市！ скачать в хорошем качестве

跌回4字頭！中山一夜回到2015年！屋白送都冇人要！價錢腰斬，無人接盤，解套遙遙無期！港深投資客，全部大出血！徹底玩完！深中通道拯救不了中山樓市！

單價4字頭！中山樓價一嘢跌返去15年前，業主喊到廁所都浸滿眼淚，炒樓團集體「天台見」？ 如果要選2026年大灣區樓市嘅「年度驚悚大片」，中山啱啱掟咗枚「核彈」。 就喺頭先，朋友圈俾張海報洗版。上面嗰啲數字，唔系報價，系「索命」！ 「中山石岐芯，華發商都隔籬，罕有江景複式、大平層，單價4字頭任揀！」 唔好捽眼，你冇睇錯，唔系14000，亦唔系9000，系4700蚊一平方米！ 你知唔知，呢度系中山曾經最威嘅石岐中心，唔系嗰啲雀都唔生蛋嘅荒山野嶺。呢個價，唔好講買樓，而家請朋友食餐似樣啲嘅飯再加個硬菜，都四五千蚊啦？結果喺呢度，夠買一平方！ 呢邊系賣樓？直頭系開發商拎住把刀「捅人」，一刀一刀捅落當年嗰班高追嘅接盤俠心口。呢啲就叫跌到連親生阿媽都認唔出！ 我哋而家解剖下呢個「死剩種」——哎，唔好意思，系呢個「筍盤」——叫做乜鬼「君悅豪庭一期」。位置好似好巴閉？石岐中心喎，挨住悅來南路同中山二路。但系又點呀？家陣個市道冧到阿媽都冇面俾，你中心又點？中心一樣要跪低！ 嗰批所謂「工抵房」，講穿咗咪就系開發商窮到燶，冇錢找數俾起樓嗰班工程佬，唯有掟層樓出來當找數。家陣工程佬自己都發唔出工資，班工人攞住鐵錘、攞住鏟，日日喺門口等出糧呀！你估工程佬唔驚？仲同你慢慢嘆世界？理得你乜撚嘢江景唔江景，有現金落袋先系大佬！直接成張台反翻轉，掀台唔玩呀！ 單價4700到6400，總價88萬起就買到200平方？我掉！中山對上一次見到「4字頭」系幾時？你摷返你啲發黃嘅記憶出嚟，系2015年之前呀！嗰陣豬肉仲系十幾蚊斤，比特幣呢樣嘢都唔知系乜。十年啦！人生有幾多個十年？大家發夢都估唔到，十年之後，你除咗年齡同皺紋系升咗，層樓嘅價錢竟然一夜回到解放前！仲要系民國嗰只解放前呀！ 家陣石岐核心區嘅二手樓叫緊咩價？冇七千八千你連個睇樓嘅電話都未必接到呀！你而家同我玩「4字頭」？新樓（雖然系工抵房，但新過你條命呀）直接比隔籬啲舊樓每平方平兩三千？呢個系咩玩法？系攞你命三千呀！ 你試幻想下，當年個傻佬——哎，系當年個業主，用200萬買咗呢度，晚晚望住條江以為自己人生贏家，點知今日，隔離個新搬嚟嘅鄰居，用88萬就攞住同一串鑰匙，開埋同一道門，望埋同一條江呀！你嗰兩年系咪日日返工扮工？你多畀嗰一百幾萬系咪已經化成空氣，吸兩啖就冇咗？你夜晚瞓得着覺？你唔扎扎跳？你唔想攞個鐵錘去售樓處同佢哋「理論」？ 呢個就系點解我話呢張唔系廣告，系「催命符」。見到呢張海報，最痛苦嘅絕對唔系未買樓嘅人，而系嗰啲已經上咗車、喺山頂棟緊喺度食風嘅業主。 你千祈唔好俾海報上「罕有江景複式」、「華發商都隔籬」呢啲花哩花碌嘅字眼呃到。 我話你知，呢個世界冇白撿嘅便宜，只有挖好嘅氹。 呢棟樓，君悅豪庭一期，系成個屋苑最東北嗰棟，貼住悅來南路同中山二路。你如果買喺呢度，朝早唔使校鬧鐘，七點正準時，汽車啲啷啷聲同電動車嘅尖嘯聲會將你由夢裡面扯返嚟呢個麻Q煩嘅現實。 所謂嘅「江景」，可能你要條頸扭成九十度，透過對面棟樓嘅褲襠，先至瞄到一線江水。 再睇下呢個戶型，大約175平方到431平方。聽落大唔大？豪唔豪？ 我知實有人會駁嘴：「博主，理得佢咩工抵唔工抵，只要夠平，買嚟住仲唔得咩？」 得，當然得。但我哋要睇下你買到嘅系個咩「神仙」竇口。 呢個系2008年起好嘅樓，到而家差唔多成廿年啦！嗰個年代嘅戶型設計，主打一個「騎呢」。乜嘢叫做「戶型年代感強」？翻譯做人話就系：格局鬼咁怪，走廊嘥曬位，廁所廚房冇窗，甚至可能有個房連窗都冇！ 仲有嗰個「梯戶比多」。講到文縐縐，其實就系等電梯等到你懷疑人生。朝早返工高峰，你著住西裝打住呔，結果喺電梯口同買完餸返嚟嘅阿婆同周圍走嘅細路逼埋一齊，心裏面默念「莫欺少年窮」？ 總價睇落88萬起，但你認真計計，175平方嘅大平層，就算單價5000，總價都近90萬。裝修呢？呢種樓齡嘅樓，你買返嚟嗰個裝修基本要打爛曬再做。而家建材人工幾貴？你用90萬買樓，再使30萬裝修，最後得到一棟2008年風格嘅老破大。 呢邊系去庫存？呢邊系去你嘅存款！ 更加有趣嘅系咩？系之前嗰啲吹到天花龍鳳嘅「港澳人士中山置業」。 前兩年，嗰啲經紀點樣呃人？咩「深中通道開通，樓價翻倍」，咩「港澳嘅後花園，養老嘅勝地」。呃咗一大班香港阿叔、澳門阿姨疊埋心水沖入嚟。 而家好啦，當年萬幾、兩萬幾買嘅，而家直接腰斬再打個連阿媽都唔認得嘅折頭。 你睇下呢個君悅豪庭，雖然話系石岐中心，但對港澳同胞嚟講，呢個樓齡、呢個環境，直頭系俾佢哋嘅「殺豬盤」。當年佢哋心懷住「大灣區置業夢」入嚟，以為可以抄底，結果發現自己先至系嗰個底。 呢啲叫咩？呢啲叫「以為去抄底，點知俾人抄埋家」。 嗰班香港業主而家望住手上嘅樓，租又租唔出（邊個租你咁大嘅老破大？），賣又賣唔甩（呢個價賣就系蝕到褲都冇），唯有丟空喺度養蚊。每次過時過節返去一睇，心都凍半截，嗰啲唔止系樓貶值，系佢哋嘅棺材本喺度縮水啊！ 而家石岐正中心都只系四千幾，你手上面嗰啲馬鞍島、火炬開發區嘅「高價貨」，而家掛八千有人睇樓咩？ 深中通道通車又點？通車系方便咗，但亦都將中山呢塊「遮羞布」徹底撕落嚟。大家發現，原來由深圳過嚟只需半個鐘，但呢度嘅工資水平、產業配套，依然系嗰個死樣。呢個就好似你搵咗個對象，相片睇落似明星，網戀奔現發現系「照騙」。交通越方便，資金走得越快！ 以前大家買中山，博嘅系「升值」，系「大灣區融合」。而家呢一波4字頭殺出嚟，直接成個市場嘅「信仰」打爛曬。 既然石岐核心區都只值四千幾，咁其他山旮旯嘅地方，系咪只值兩千？呢個就好似骨牌，第一張冧咗，後面嘅全部要噼哩啪啦冧曬。 好多人要問，咁呢間樓到底買唔買得過？ 我送你四個字：睇你命硬唔硬。 如果你系錢多到周身痕，想買間大屋養老，兼且做好咗「買完就跌，跌咗唔肉赤」嘅心理準備，咁你去睇一眼都仲得。 但如果你系掏空六個荷包嘅剛需，或者想趁機炒返轉嘅，我勸你即刻放低部電話，去洗下塊面冷靜嚇。 睇下呢個市場環境。中山而家嘅二手房掛牌量，系「天河倒瀉」。根據最新數據，二手樓均價已經跌穿一萬大關，新樓市場仲喺度繼續尋底。你去望下嗰啲二手樓業主塊面，仲苦過苦瓜。 呢一波工抵房，就系壓垮只駱駝嘅最後一根草。發展商同施工方為咗套現，完全唔理食相。4700呢個數字一爆出嚟，成個中山嘅樓價體系就徹底散曬。 以後賣樓嘅經紀會點同客講？個客會話：「你睇下人哋石岐核心區先4700，你呢間老破小憑咩賣8000？」 呢個就系「定錨效應」。 一旦呢個「錨」掟咗落去，所有嘅船都要沉落底。 望住成個畫面嘅「4字頭」，老實講，我心裏面只有淒涼。 前幾年嗰班揸住疊銀紙沖入去嘅中產，嗰班想靠間樓發達嘅夢想家，而家全部都變咗呢一鑊泡嘅找數者。 呢個先系真正嘅「房住不炒」。唔系政策叫你不炒，系個市場輸到你唔敢炒。 呢邊系咩「入住石岐芯」嘅喜訊？呢邊直頭系中山樓市崩潰前最後嘅哀嚎。如果你手上面仲揸住中山嘅投資樓，唔好再猶豫，就算掛得比4700仲要低，只要賣得出，你就系贏家。 至於嗰啲想入場執平貨嘅，記住我呢句老鬼說話： 喺呢個遍地哀嚎嘅市場裡面，唔好試圖去接一把跌落嚟嘅尖刀。因為冇人知道，呢把刀下面，仲有幾深嘅地獄。 中山嘅冬天，先啱啱開始。呢陣寒入心嘅凍意，你feel到未呀？