金童丨 徇眾要求黎耀祥江美儀病患照顧者分享會刪走片段曝光 深深觸動張繼聰 скачать в хорошем качестве

金童丨 徇眾要求黎耀祥江美儀病患照顧者分享會刪走片段曝光 深深觸動張繼聰

張繼聰主演《金童》票房邁向900萬 徇眾要求黎耀祥江美儀被刪片段曝光！ 病患照顧者係24小時無休止，往往忽略自己身心靈健康，因過分投入照顧而弄致身心俱疲，面對壓力及情緒困擾，形成沉重心理負擔，張繼聰主演《金童》上映至今近一個月，票房已衝破850萬，劇情中阿聰知道阿仔有病，一下子唔知道點樣面對，作為一個大男人為咗唔想經歷多一次失去嘅痛苦，感到害怕而崩潰，讓人不禁感到心痛，而一場病患照顧者嘅分享會，卻深深觸動到阿聰。 觀眾睇過呢部電影後，被戲內戲外阿聰嘅堅持與努力不懈嘅精神有所感動，不少觀眾好奇某啲情節似乎仍有所發展，阿聰不諱言因劇情推進，只好忍心刪掉一啲情節，而徇眾要求下，部份被刪掉片段得以「重生」，包括黎耀祥、江美儀、鄭子誠、傅嘉莉及楊偉倫等精彩演出，當其中一場分享會更觸動到阿聰。 阿聰坦言被呢段情節觸動，喺劇中得知阿仔嘅健康狀況，頓時心中充滿徬徨，於是佢參加咗一個分享會，感受其他家庭喺面對困難時嘅經歷，過程令人感動，而黎耀祥、江美儀及鄭子誠就喺呢個場口出現，阿聰續道：「拍攝時候睇住幾位演技已經好感動，雖然從未跟祥哥合作過，但能夠近距離欣賞佢嗰種生活化、淡淡然演出好精彩，俾我留下深刻印象。我本身好喜歡呢場被刪剪嘅片段，仲特別再做過少少調色及配樂。現在可以『重生』相信，令觀眾對當中故事有更多唔同領會。」 阿聰希望藉著呢齣戲同大家分享，無論一家人面對多少困難，只要攜手向前，總能夠搵到出路，而江美儀訴說單親家庭長大嘅女兒與媽媽之間，嗰段深厚情感亦好動人，佢相信呢段deleted scene能夠喺聖誕呢個佳節傳遞給每一個家庭、一家人無論身處任何處境，希望大家都可以一齊行落去。 此外，導演陳維冠與黎耀祥、江美儀、鄭子誠合作無間，邀請三位客串演出時，三人一口答應。而阿聰喺電視台演出時亦經常與子誠、美儀兩位前輩合作，彼此亦師亦友，大家今次喺電影上合作份外有默契，阿聰更笑謂：「有子誠兄嘅磁性聲音震住成個場，更能起到一種好祥和氣氛！」 #TVB #娛樂新聞 #TVB娛樂新聞台 #金童 #病患照顧者 #身心靈 #健康 #壓力 #情緒困擾 #張繼聰 #黎耀祥 #江美儀 #鄭子誠 #分享會 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0