東張西望賣金被收近三成「除耗費」疑受騙！專家拆解收金差價3大原因 скачать в хорошем качестве

東張西望賣金被收近三成「除耗費」疑受騙！專家拆解收金差價3大原因

東張西望賣金被收近三成「除耗費」疑受騙！專家拆解收金差價3大原因 最近因為關稅戰嘅緣故，避險資金持續湧入黃金市場，令金價走勢持續高漲，4月22日金價更一度升至每盎司3,500美元嘅紀錄高位。金價大漲，令唔少市民選擇賣金套現，金舖附近大排長龍。 不過有事主劉小姐就報《東張西望》，分享自己賣金中伏嘅經過。話說佢急需資金為家人治病，就搵咗相熟朋友工作嘅金店賣金，首次賣金嘅劉小姐經驗不足，直到交易完成後先發現單據中有唔少「扣佣」及「除耗費」，當中除耗費接近20至25%。劉小姐放出嘅20錢嘅金器，賣金時被扣掉4.6錢，足足接近四分之一。 劉小姐疑似受騙損失嘅金額有成一萬幾，足以支付媽媽兩三個月嘅醫療費。佢返去搵金店店員理論，但其態度惡劣並叫佢報警，而警方及消委會都表示處理唔到，唯有報《東張》求助。《東張》聯絡涉事店員嘗試了解當時情況，雖然店員聲稱所收金器冇公司寶號字印，但當主持追問當日有冇同事主解釋清楚時卻匆匆收線。而原來事主嘅同事亦曾搵同一個店員賣金，被收取20至39%嘅除耗費用。 點解賣金時會被扣咁多錢？原來金舖本身就有一套行規。珠寶業界專家拆解箇中細節：首先金舖內會標出飾金及金粒嘅「買入價」及「賣出價」，牌價根據國際金價調節。飾金會根據買入價十足回收，並扣除2%店佣；金粒、金條則據買入價十足回收，不收店佣。 而金舖收取飾金時都會經過消驗流程檢視成色，由於過程不可逆，需要客人簽署同意書先可以進行。師傅會將飾金燒至通紅，通過驗視焊口確認金飾的成色，並扣除相應火耗。一般而言火耗費用介乎6%至10%不等，較舊金器受以往打金技術所限可能會收更多，但具體火耗視燒驗結果而定。而金舖喺回收本號嘅飾金時唔會收取火耗。 金價高企，賣金嘅人自然開心，但對於需要金器辦婚禮等事宜嘅人嚟講就好頭痛，因而帶動咗婚嫁金器租賃行業嘅發展。《東張》主持訪問相關行業人員，了解相關情況。 #東張西望 #TVB #黃金 #金價 #金舖 #火耗 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm