மார்ச் - 17 அனுதினமும் தேவனோடு : *கண்ணீரின் முடிவு.....* скачать в хорошем качестве

மார்ச் - 17 அனுதினமும் தேவனோடு : *கண்ணீரின் முடிவு.....*

கர்த்தருக்கு ஸ்தோத்திரம்!! மார்ச் - 17 கிறிஸ்துவுக்குள் பிரியமானவர்களே, அனுதினமும் தேவனோடு : இன்றைய தலைப்பு : கண்ணீரின் முடிவு..... 📘 “உங்கள் துக்கம் சந்தோஷமாக மாறும்.” (யோவான் 16:20) 🟢 துக்கத்தைப் போர்த்திய பனி உருகும் கிறிஸ்துவுக்குள் அன்பான தேவ பிள்ளைகளே, பனிப் பொழிவு மிகுந்த பகுதிகளில் எல்லா இடங்களிலும் பனிப் போர்வை போல போர்த்தியிருப்பதை பார்த்திருப்போம். ஆனால் சூரியன் உதிக்கும்போது அதன் வெப்பத்தினால் பனியானது இருந்த இடம் தெரியாமல் உருகி போகிறது. பனிப் பாறையே சிதறிப் போகிறது. அதுபோல துக்கமானது நம் வாழ்க்கையை போர்த்தியிருக்கலாம். ஆனால் நம்மில் நீதியின் சூரியன் உதிக்கும்போது நம் துக்கம் மாறி மகிழ்ச்சி உதிக்கும். இன்றைய வசனமானது அத்தகைய வாக்குத்தத்தப் பகுதியாக அமைந்துள்ளது. கிறிஸ்துவுக்குள் வாழும் நமக்கு இந்த உலகத்தில் துக்கமான பக்கங்கள் அநேகமாக இருக்கலாம். ஆனால் நாம் தேவனுக்குள் வாழும்போது தேவ சந்தோஷம் நம்மை ஆட்கொள்ளும். துக்கத்தினால் அப்படியே வாழ்க்கையைத் தொலைத்து விடாமல், சந்தோஷத்தை சம்பூரணமாய் தரும் தேவனையே சார்ந்து வாழ வேண்டும். 🟢 துக்கத்தின் மூலம் வரும் தேவ நோக்கம் துக்கத்தின் வ­லிகள் எவ்வளவு கொடியது என்பதை நன்றாக அறிந்து உணர்ந்தவர் யோபு. ஆனால் முடிவிலே அவர் இரண்டத்தனை ஆசிகள் பெற்றார். இதுபோல நம்முடைய வாழ்வில் கடினமான நேரங்கள் பெரும்பாலும், வாழ்க்கையின் சிறந்த தருணங்களுக்கு தான் வழி வகுக்கும். கடினமான சூழ்நிலைகள் இறுதியில் யோபுவைப் போல மாமனிதர்களைத் தான் உருவாக்குகிறது. துக்கம் என்பது தவிழும் மேகங்களைப் போல நம்மை சந்தித்த பின்னர் கடந்துபோகும். எனவே துக்கம் உங்களைத் தாக்கினாலும் தளர்ந்துபோகாமல் எழுந்து நிமிர்ந்து நில்லுங்கள். நாம் நம்பியிருக்கிற தேவனால் நிச்சயம் மகிழ்ச்சி பிறக்கும். துக்கத்தைக் கண்டு துவண்டு போகாதிருங்கள். பிரச்சனைகள் நம்மை செதுக்கும் கருவி. அதனால் துக்கம் உங்கள் வாழ்க்கையை மாற்றக்கூடிய ஒரு தேவ நோக்கம். சந்தோஷம் உங்கள் வாழ்க்கையைத் தேற்றக்கூடிய ஒரு நீர்த்தேக்கம்.ஆமென். **************