Berisha takim me biznesin në Azerbajxhan, i fton për investime në Shqipëri-(10 Shkurt 2012) скачать в хорошем качестве

Berisha takim me biznesin në Azerbajxhan, i fton për investime në Shqipëri-(10 Shkurt 2012)

Lajme Arkiva 2012 Kryeministri Berisha gjatë një darke me autoritetet e larta të Azerbajxhanit dhe Komunitetin e Biznesit, theksoi se Shqipëria mund të bëhet një qendër shumë e rëndësishme e energjisë për kompaninë azere në rajon duke vlerësuar se Shqipëria dhe Azerbajxhani janë dy vende potenciale të jashtëzakonshme për të punuar së bashku. Kryeministri bëri një ekspozetë për mundësitë që ofron Shqipëria për investitorët e Azerbajxhanit. Sali Berisha:“Dy vendet tona kanëpatur një të shkuar të përbashkët në të njëjtën çati, atë të Perandorisë Otomane. Është detyra jonë për të ndërtuar një të ardhme të shkëlqyer, ne kemi potenciale të jashtëzakonshme për të punuar së bashku. Jemi të dy vende që po ecim shpejt drejt zhvillimit. Shqipëria është porta e Ballkanit nëEuropë dhe porta e Europës në Ballkan”. Kryeministri Berisha e njohu me reformat e ndërmarra të cilat kanë përmirësuar ndjeshëm klimën e të bërit biznes në këtë vend. Sali Berisha:“Në vend kemi një mjedis shumë miqësor për biznesin. 4 vitet e fundit investime të huaja direkte në Shqipëri janë rritur 316%. Në vitet 2009-2011 eksportet tona u dyfishuan. Shqipëria në vetvete është një vend i vogël nëEuropë, por me shumë potenciale. Është një vend plot me ujëra, është një Norvegji e vogël në Ballkan prandaj Qeveria Shqiptare ka nënshkruar gjatë 3 viteve 110 marrëveshje koncesionale në sektorin privat për ndërtimin e 300 centraleve. Investitorët azerjanë janë më se të mirëpritur dhe marrin pjesë në këtë garë të hapur dhe shumëfitimprurëse. Shqipëria mund të bëhet një qendër shumë e rëndësishme e energjisë për kompanitë e Azerbajxhanit në rajon. Shqipëria ka pozicionin gjeografik më të mirë. Së bashku me presidentin Aliev patëm një bisedim shumë frytdhënës mbi gazsjellësin Trans-Adriatik”. Kryeministri tha më tej se Shqipëria ka një potencial të jashtëzakonshëm turistik. Në vitin 2004 Shqipëria priti 300 mijë turistë dhe vizitorë së bashku, ndërsa në vitin 2011 pati 4.1 milionë turistë dhe vizitorë theksoi kryeministri duke shprehur bindjen se investitorët e Azerbajxhanit do të gjejnë në sektorin e turizmit mundësi shumë të mira për investime. Sali Berisha:“Ju siguroj se marrëdhëniet ndërqeveritare dhe inkurajimi i bizneseve kanë luajtur një rol shumë të rëndësishëm dhe uroj që të luajnë të njëjtin rol në rastin tonë midis Shqipërisë dhe Azerbajxhanit. Po theksoj një fakt në planetin tonë ka patur dy Shqipëri: njëAlbania e Kaukazit dhe një Shqipëri në Ballkan. Cilat ishin lidhjet në të kaluarën është shumëmë e paqartë. Është në duart e historianëve ta qartësojnë atë, por çfarë do të bëjmë për të ardhmen është shumë e rëndësishme duke punuar së bashku dhe ju siguroj se jam shumë i përkushtuar ndaj saj”. Me reformën fiskale dhe reformën e biznesit, kryeministri Berisha njohu dhe kompaninë shtetërore ajzere të prodhimit të naftës, të cilët shprehën interesin për të qenë në vend dhe nërajonin tonë. Nisur nga eksperienca prej shumë dekadash në sektorin e naftës së kësaj kompanie, Berisha ftoi kompaninë të investojë për shndërrimin e Shqipërisë në një qendër të depozitimit të gazit ajzer nësinergji me projektin e gazsjellësit Trans-Adriatik apo për të marrë pjesë në privatizimin e kompanisë shqiptare Al-Petrol, si dhe për të investuar në fushën e energjisë sërinovueshme. Në mënyrë të veçantë kompania u ftua për të kontribuar në hartimin e njëmasterplani për gazifikimin e të gjithë territorit të Shqipërisë, sikurse dhe në ndërtimin e rrjetit shpërndarës në vend dhe në rajon. Pas takimit dhe me krerët e shtetit të Azerbajxhanit, kryeministri Berisha vizitoi disa vende me rëndësi dhe kujdes kulturor të kryeqytetit të Azerbajxhanit Baku, si Muzeun e Flamurit i cili është shënuar si një rekord Guinness nga lartësia e shtyllës ku është vendosur dhe pesha. Kryeministri Berisha la dhe një shënim në librin e përshtypjeve. Nga afër delegacioni shqiptar pa dhe vendin ku po ndërtohet Pallati për Festivalin Europian të Këngës Eurosong 2012./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/