ევროკავშირმა ყულევის ტერმინალი სანქციათა პაკეტიდან ამოიღო скачать в хорошем качестве

ევროკავშირმა ყულევის ტერმინალი სანქციათა პაკეტიდან ამოიღო

გერმანიის ელჩის მიერ გააქტიურებული საკითხი, რომელიც შიდა პოლიტიკური მღელვარების მიზეზად იქცა, დღის წესრიგიდან მოხსნილია. ევროკავშირის მიერ რუსეთის წინააღმდეგ მომზადებული სანქციების მე-20 პაკეტში ქართული პორტი შეტანილი არ იქნება. საუბარია ყულევის ნავთობტერმინალზე, რომლის მიმართ ბრიუსელიდან გარკვეული კითხვები და ეჭვები გაჩნდა. თემის განხილვას წერტილი დღეს სანქციების საკითხებში ევროკავშირის სპეციალურმა წარმომადგენელმა დაუსვა. დევიდ ო'სალივანის წერილის შემდეგ მმართველი გუნდი გერმანიის ელჩისგან განმარტებას და ბოდიშს ითხოვს.  ცოტა ხნის წინ სწორედ პეტერ ფეშერის განცხადებით გახდა ცნობილი, რომ სანქციების მორიგ პაკეტში ქართული ტერმინალის შეტანაც იგეგმებოდა და შესაბამისი მტკიცებულებებიც იყო წარდგენილი. თუმცა მტკიცებულებებზე არაფერია ნათქვამი სალივანის დღევანდელ განცხადებაში, რომელშიც ხაზგასმულია საქართველოს და პორტის ოპერატორის მიერ აღებული ვალდებულება, რომ ნავთობტერმინალი ევროკავშირის მიერ სანქცირებულ გემს არ მიიღებს და რაიმე მომსახურებას არ გაუწევს. სალივანის წერილის მიხედვით, საქართველომ კონკრეტულ სანქცირებულ გემს საკუთარ ტერიტორიაზე შესვლის უფლება არ მისცა. თბილისიდან ბრიუსელში გაგზავნილი წერილი და სამი კვირის შემდეგ მიღებული პასუხი - თათია ტაბეშაძე სანქციების გვერდის ავლის მორიგი ბრალდების შესახებ, რომელიც უკრაინის ომის დაწყების შემდეგ საქართველოს წინააღმდეგ უკვე არაერთხელ გაჟღერდა, თუმცა დღემდე არცერთი ბრალდება არ დადასტურებულა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.