排灣族語聖經 114-02-18(二) Sinupuan民數記20章14~29節 功與過不能相抵 скачать в хорошем качестве

排灣族語聖經 114-02-18(二) Sinupuan民數記20章14~29節 功與過不能相抵

114-02-18(二) Sinupuan民數記20章14~29節 功與過不能相抵 14.pai semkaulj ti musi a kemasi kadis tuazua ki mapida a pasa tua huangti nua se idum, a paqaqivu a mayatucu: izua kiqaung tjanusun nua su sikatadjalan a israil a caucau.pai kemljang sun tu nasecevung amen tua masan lialiaw a siselapai. 15.pai navaik a sema idjiputu a nia sevalitan, sa tjaljuzuanga a cuacuai a cavilj. ljakua paselapain a nia sevalitan katiamen nua se idjiputu. 16. qau kiqung anga men.tu paseqeljingen amen nua Cemas. pai ljauin a nia kiqung nua Cemas, sa pazazekatj anga tua saskauljan i tjarivavaw tu kemacu tjanuamen a kemasi idjiputu. saka tucu djemaljudjaljun amen tjazua qinaljan i kadis a ljaviaving tua nu kadjunangan. 17.saka ulja su selaingi amen tua cemalivat a maka tua nu kadjunangan. tiamen katua marka nia qemuzimuzip inika men a uri tjelivai tua djalan, a sema tua nu quma katua pubuduan; ini uta ka uri sema tjatjan amen a temkel tua nu zaljum. ki men a maka kadjalanan sakamaya a vaik, a patje cemalivat amen tua nu kadjunangan,aya.18.ljakua manu tevelain tiamadju nua se idum: inika ken a selaing tua cemalivat mun a maka tua ku kadjunangan! saka na mangtjez mun sakamaya, ki ken a pazazekatj tua sivitai tu kiqecian tjanumun,ayain.19.qivu uta azua marka israil a caucau: uri maka kadjalanan amen sakamaya a cemalivat. saka nukaki temkel amen katua marka nia qemuzimuzip tua su zaljum, ki nia pavaii sun tua paisu. a nia kiqaung tjanasun amin a su pacalivaten amen a maka maza," aya. 20.ljakua imika ken a selaing! ayain uta tiamadju nua se idum. pai sa pazazekatj tua tjuruvu a pupicul aravac a sivitai tu kiqeci tua israil a caucau. 21.pai vaik anga a israil a caucau a maka tua djalan a zuma, ayatua inika pacalivaten tiamadju nua se idum. 22.a taqaljaqaljan nua israil a caucau vaik a kemasi kadis, sa djaljun tua gadu i pasa hur, 23.a ljaviaving tua kadjunangan nua se idum. ka izua tiamadju qaqivuin nua Cemas ti musi kati arun: 24.ti arun inika uri sema zua itua ku siniki-eces tu papukadjunangan tua israil a caucau; uri macai anga timadju, ayatua ka i miriba anan mun, inika mun a nakipalaing tua ku pazazekatj. 25.saka ciuru anga ti arun katua aljak nimadju a ti iliazar a pasa tua gadu i hur, 26.sa su alapi a kemasi tjai arun azua kava nua parakaljai, sa su pakavan tai iliazar. ayatua uri macai ti arun izua," ayain. 27.pai pinasusuan ni musi azua pazazekatj nua Cemas. saka napacun a mapuljat a taqaljaqaljan ka vaivaik tiamadju a pasa tua gadu i hur. 28.ka izuanga tiamadju, alapen ni musi azua sinikava ni arun a kava nua parakaljai, sa pakavan tjai iliazar. pai namacai anga ti arun i tjaljavavavan tua gadu i hur. qau ljelauz anga ti musi kati iliazar a kemasi gadu. 29.manu ka selangda a taqaljaqaljan tu macai anga ti arum, qemaung a mapuljat a 30 a qadaw a kipaqenetj tjaimadju.