28-тур голлари: Гоҳо кўримсиз дуранг ҳам ғалаба билан тенг... скачать в хорошем качестве

28-тур голлари: Гоҳо кўримсиз дуранг ҳам ғалаба билан тенг...

28-турни бошлаб берган пешқадам - «Нефтчи» сафарда «Бухоро»га қарши баҳсда дуранг (1:1) билан чеклангач, чемпионлик пойгаси финиши мислсиз даражада даҳшатли бўладигандек кўринганди. Бироқ эртасига аввалига «Пахтакор» водийда «Қўқон-1912»ни енголмади (0:0), кейин амалдаги чемпион - «Насаф» ўз уйида «Машъал»га 1:2 ҳисобида имкониятни бой берди. Шу тариқа кўримсизгина дуранг ҳам «Нефтчи»ни узоқ кутилган чемпионликка анча яқинлаштирди. Энди Виталий Левченко шогирдлари ФИФА кунларидан кейин ўз майдонларида «Қизил¬қум» билан бўладиган баҳсда ғалаба қозонишса, олтин медални расмийлаштиришади - тамом. Шунингдек, Тошкентда «Бунёдкор»ни 3:1 ҳисобида доғда қолдирган «Динамо» олдида кучли учликка илиниш учун реал имконият туғилганини ҳам айтиш ўринли. «Динамо» Самарқандда 21-турнинг қолдирилган баҳсида «Андижон»ни 2:0 ҳисобида енгди ва турнир жадвалида 3-ўринга кўтарилди («Пахтакор» билан ўзаро ўйинлардаги устунлик эвазига). Энди жамоанинг ўз тарихида илк марта чемпионат «бронза»сига эга чиқиши фақат ўзига боғлиқ. Маълумот учун, Вадим Абрамов шогирдлари қолган 2та ўйинни «Қўқон-1912» ва «Насаф»га қарши ўтказишади. «Динамо» учун 2020 йилги 4-ўрин миллий чемпионатимизда қайд этилган энг юқори натижа эканлигини ҳам эслатиш жоиз. *** «Динамо» Суперлигадан ўрин олган охирги 7та ўйиндан 6тасини ўз фойдасига ҳал қилди. Умумий голлар нисбати - 16:5. Самарқандликлар бу орада биргина «Қизилқум»га имкониятни бой беришди. *** Вадим Абрамов «Динамо» бош мураббийи ролида 100та ўйин довонидан ошди. «Андижон»га қарши баҳс Вадим Карленович учун Самарқанд клуби бошқарувидаги 101-расмий ўйин бўлди. «Динамочилар» унинг юбилей - 100-ўйинида «Бунёдкор»ни 3:1 ҳисобида доғда қолдиришганди. «БУХОРО» - «НЕФТЧИ» - 1:1 (0:0) 7 ноябрь. Бухоро. Бухоро ФА стадиони. 5980 томошабин. Голлар: Доминик Бегич (82) - Владимир Йовович (51). «Бухоро»нинг чемпионатда «Нефтчи»га қарши ғалабасиз серияси 7та ўйинга етди - 3та дуранг ва 4та мағлубият. «Нефтчи» 14 йилдан буён меҳмонда «Бухоро»ни мағлуб этолмаяпти - 9та ўйин, 4та дуранг ва 5та мағлубият. ОКМК - «НАВБАҲОР» - 3:1 (3:0) 7 ноябрь. Олмалиқ. ОКМК спорт мажмуаси. 1415 томошабин. Голлар: Али Абдураҳмонов (27), Рубен Санчес (28), Нодир Абдураззоқов (39) - Забиҳилло Ўринбоев (81). «Навбаҳор» Олмалиқда 4та ўйиндан буён ОКМКни енголмаяпти. ОКМК охирги 11 йил бадалига Олмалиқда «Навбаҳор» дарвозасига илк марта 3та гол урди. Жамоа охирги марта мавсум-2014нинг 25-турида шундай ҳисоб қайд этганди (3:1). «ҚЎҚОН-1912» - «ПАХТАКОР» - 0:0 8 ноябрь. Қўқон. «Марказий» стадиони. 8571 томошабин. «Қўқон-1912» - «Пахтакор» ўйинида 33 йилдан сўнг яна голсиз дуранг қайд этилди (0:0). «Шерлар» қаторасига 3та ўйиндан буён Қўқонда бу рақибни енголмаяптилар. «БУНЁДКОР» - «ДИНАМО» - 1:3 (1:1) 8 ноябрь. Тошкент. «Олимпия» стадиони. 432 томошабин. Голлар: Имеда Ашортиа (42) - Жаҳонгир Абдусаломов (44), Дмитрий Плетнёв (72), Фирдавс Абдураҳмонов (90+3). «Динамо» 11 йилдан сўнг Тошкентда «Бун¬ёдкор»ни яна доғда қолдирди. Самарқандликлар бу оралиқда «қалдирғочлар» мезбонлигидаги 5та ўйинда 2та дуранг ва 3та мағлубият қайд этишганди. «НАСАФ» - «МАШЪАЛ» - 1:2 (1:1) 8 ноябрь. Қарши. «Марказий» стадиони. 2253 томошабин Голлар: Шароф Муҳитдинов (13) - Ислом Шарипов (15), Умар Амину (82). «ҚИЗИЛҚУМ» - «АНДИЖОН» - 2:1 (1:1) 9 ноябрь. Навоий. «Ёшлар» спорт мажмуаси. 3150 томошабин. Голлар: Кристиан Новак (1-авт.), Шоҳруз Норхонов (72) - Дамир Темиров (45+4). «ХОРАЗМ» - «СЎҒДИЁНА» - 0:2 (0:0) 9 ноябрь. Урганч. «Хоразм» спорт мажмуаси. 4750 томошабин. Голлар: Люпче Дориев (84), Жасур Жалолиддинов (90+3). «ДИНАМО» - «АНДИЖОН» - 2:0 (1:0) 15 ноябрь. Самарқанд. «Динамо» стадиони. 7821 томошабин. Голлар: Ойбек Ўрмонжонов (27), Жалолиддин Жумабоев (55). 1 НЕФТЧИ 28 18 7 3 45-21 61 2 НАСАФ 28 16 10 2 51-22 58 3 ДИНАМО 28 16 8 4 47-30 56 4 ПАХТАКОР 28 17 5 6 57-22 56 5 БУНЁДКОР 28 12 10 6 45-38 46 6 ОКМК 28 13 5 10 42-34 44 7 НАВБАҲОР 28 10 8 10 40-36 38 8 СЎҒДИЁНА 28 10 7 11 37-33 37 9 ҚИЗИЛҚУМ 28 9 8 11 24-37 35 10 СУРХОН 28 8 7 13 25-30 31 11 ҚЎҚОН-1912 28 8 6 14 22-39 30 12 АНДИЖОН 28 7 8 13 34-48 29 13 МАШЪАЛ 28 8 5 15 22-46 29 14 БУХОРО 28 6 8 14 29-47 26 15 ХОРАЗМ 28 6 6 16 29-36 24 16 ШЎРТАН 28 3 6 19 23-53 15 ТЎПУРАРЛАР Игорь Сергеев («Пахтакор») - 18та (4та пен.) Люпче Дориев («Сўғдиёна») - 16та (3та пен.) Ҳусайн Норчаев («Насаф») - 14та Аббос Ғуломов («Навбаҳор») - 10 (1та пен.) Анвар Ҳожимирзаев («Динамо») - 9та... 29-ТУР 19 ноябрь (чоршанба) 16:00 «ШЎРТАН» - «БУХОРО» 20 ноябрь (пайшанба) 16:00 «СУРХОН» - ОКМК 18:15 «ПАХТАКОР» - «НАСАФ» 21 ноябрь (жума) 16:00 «МАШЪАЛ» - «НАВБАҲОР» 18:15 «АНДИЖОН» - «ХОРАЗМ» 18:15 «ДИНАМО» - «ҚЎҚОН-1912» 22 ноябрь (шанба) 14:00 «СЎҒДИЁНА» - «БУНЁДКОР» 16:15 «НЕФТЧИ» - «ҚИЗИЛҚУМ»