ရခိုင်တစ်ခုလုံးကို စီမံအုပ်ချုပ်ရေးမှာ အေအေ ရင်ဆိုင်ရမယ့် စိန်ခေါ်ချက်များ- BBC News မြန်မာ скачать в хорошем качестве

ရခိုင်တစ်ခုလုံးကို စီမံအုပ်ချုပ်ရေးမှာ အေအေ ရင်ဆိုင်ရမယ့် စိန်ခေါ်ချက်များ- BBC News မြန်မာ

ရခိုင်ထဲက လက်ရှိ စစ်ရေး အခြေအနေတွေကိုကြည့်ရင် ULA/AA အာရက္ခတပ်တော်ဟာ ရခိုင်ကို လက်တွေ့အရ တကယ် အုပ်ချုပ်မယ့် အာဏာပိုင် အဖွဲ့အစည်း အဖြစ် ထွက်ပေါ်လာဖို့ အလွန် နီးစပ်နေပြီ ဖြစ်တယ် ဆိုပြီး နိုင်ငံတကာ ပဋိပက္ခတွေကို လေ့လာစောင့်ကြည့်တဲ့ International Crisis Group ICG က အခု ရက်ပိုင်းအတွင်းမှာပဲ ထုတ်ပြန်တဲ့ “သီးခြားလွတ်လပ်ခြင်း - မြန်မာ့မြေပေါ်က ရခိုင်ပြည်အတွက် တိုက်ပွဲ” ဆိုတဲ့ အစီရင်ခံစာထဲမှာ ဆန်းစစ်ထားပါတယ်။ ရခိုင်ကို ကိုယ်တိုင် စီမံ ခန့်ခွဲ အုပ်ချုပ်ဖို့ ဆိုတာ စစ်တပ်ကို စစ်မျက်နှာပြင်မှာ အပြတ်အသတ် ချေမှုန်း တိုက်ခိုက် အနိုင်ယူနိုင်တာထက် ကျော်ပြီး၊ တည်ငြိမ်အေးချမ်းမှု ဖော်ဆောင်တာတွေ၊ ပြန်လည်ထူထောင်ရေး လုပ်တာတွေ၊ စီးပွားရေးနဲ့ အလုပ်အကိုင် အခွင့်အလမ်း ဖော်ဆောင်တာတွေ စတဲ့ ခက်ခဲတဲ့ အရာတွေကို ဆက်လက် ရင်ဆိုင်ရဦးမှာ ဖြစ်တယ်လို့လည်း ICG ရဲ့ မြန်မာနဲ့ ဘင်္ဂလားဒေ့ရှ် အရေးဆိုင်ရာ အကြီးတန်း အကြံပေး တွမ်ကီန်းက ဘီဘီစီကို ပြောပါတယ်။ ဒီတော့ ပေါ်ထွန်းလာမယ့် ရခိုင်ရဲ့ အုပ်ချုပ်ရေး အသစ်မှာ ULA/AA အနေနဲ့ ရင်ဆိုင် ကိုင်တွယ်ရမယ့် အဓိက စိန်ခေါ်ချက်တွေက ဘာတွေဖြစ်မလဲ .... ရခိုင်ကို လက်တွေ့အရ စီမံ ခန့်ခွဲ အုပ်ချုပ်မယ့် ဒီဖက်တို အုပ်ချုပ်ရေး အာဏာပိုင်တွေ အဖြစ် ပြုမူဖို့ရာ သူတို့ထံမှာ လုံလောက်တဲ့ ရင်းမြစ်တွေ၊ စွမ်းရည်တွေ ရှိနေပါသလား ... စတာတွေကို ကျယ်ကျယ်ပြန့်ပြန့် ဆွေးနွေးသွားမှာ ဖြစ်ပါတယ်။ ဒီတစ်ပတ် မှာတော့ ICG ရဲ့ မြန်မာနဲ့ ဘင်္ဂလားဒေ့ရှ် အရေးဆိုင်ရာ အကြီးတန်း အကြံပေး တွမ်ကီန်းနဲ့၊ ပြည်သူ့ရေးရာ မူဝါဒတွေ အကြောင်း အထူးပြု လေ့လာထားပြီး၊ မြန်မာ့ စစ်ရေး၊ နိုင်ငံရေး၊ ဒီမိုကရေစီ အသွင်ကူးပြောင်းရေးနဲ့ လူမှု အသိုင်းအဝိုင်းတွေကြား ဆက်ဆံရေး ဆိုင်ရာ ကိစ္စတွေ အကြောင်း နိုင်ငံတကာ မီဒီယာတွေ အထက် ဆန်းစစ် ရေးသားနေသူ နိုင်ငံရေး အကဲခတ် ကိုကျော်လင်းတို့ရဲ့ ဆန်းစစ် သုံးသပ်ချက်တွေနဲ့အတူ အာရက္ခတပ်တော် အေအေရဲ့ ပြောခွင့်ရ ဦးခိုင်သုခရဲ့ ဖြေဆိုချက်တွေကို လည်း ကြားကြရဖို့ ရှိပါတယ်။ ဘီဘီစီသတင်းထောက် ကိုဝေဖြိုး စီစဥ်တင်ဆက်ထားတာကို သြဂုတ်လ ၃၁၊ စနေည မြန်မာစံတော်ချိန် ည ၈ နာရီ အချိန်မှာ ဘီဘီစီမြန်မာပိုင်းရဲ့ ဖေ့စ်ဘုတ်စာမျက်နှာနဲ့၊ ည ၈နာရီခွဲ အချိန် ဘီဘီစီမြန်မာပိုင်းရဲ့ ယူကျုချန်နယ်တို့ကနေ ထုတ်လွှင့်သွားမှာမို့ စောင့်မျှော် ကြည့်ရှုနိုင်ကြပါတယ်။ #ဘီဘီစီမြန်မာပိုင်း #သတင်းမြင်ကွင်း