អាមេរិក សំញែងក្រញ៉ាំពិឃាដ! ដេញតាមក្របួចនាវាដឹកប្រេងដែលហ៊ានផ្គើនបញ្ជារបស់លោក ត្រាំ скачать в хорошем качестве

អាមេរិក សំញែងក្រញ៉ាំពិឃាដ! ដេញតាមក្របួចនាវាដឹកប្រេងដែលហ៊ានផ្គើនបញ្ជារបស់លោក ត្រាំ

វ៉ាស៊ីនតោន៖ ក្រសួងសង្គ្រាមសហរដ្ឋអាមេរិក បានប្រកាសជាផ្លូវការនូវកិច្ចប្រតិបត្តិការយោធាដ៏ជោគជ័យមួយ ក្នុងតំបន់ឥណ្ឌូប៉ាស៊ីហ្វិក ដោយកងកម្លាំងអាមេរិកបានឆ្មក់ចូលគ្រប់គ្រងនាវាដឹកប្រេងដែលរងទណ្ឌកម្មឈ្មោះ Veronica III បន្ទាប់ពីនាវានេះបានព្យាយាមគេចវេសពី «បញ្ជាចត្តាឡីស័ក» របស់រដ្ឋបាលលោកប្រធានាធិបតី ដូណាល់ ត្រាំ។ មន្ត្រីជាន់ខ្ពស់អាមេរិកបានឱ្យដឹងថា យោធាអាមេរិកបានតាមដានយ៉ាងស្អិតរមួតនូវចលនារបស់នាវាខាងលើ តាំងពីសមុទ្រការីបៀន (Caribbean) រហូតដល់មហាសមុទ្រឥណ្ឌា។ ក្រោយពីការតាមដានយ៉ាងអត់ធ្មត់ កងកម្លាំងអាមេរិកបានសម្រេចចិត្តឡើងគ្រប់គ្រងនាវានេះភ្លាមៗ ដោយមិនមានការតទល់ ឬការប៉ះទង្គិចណាមួយកើតឡើងឡើយ។ តាមរយៈសេចក្តីថ្លែងការណ៍លើបណ្ដាញសង្គម X ក្រសួងសង្គ្រាមបានបញ្ជាក់យ៉ាងមុតស្រួចថា៖ «នាវានេះបានព្យាយាមបំពានបញ្ជារបស់ប្រធានាធិបតី ត្រាំ ដោយសង្ឃឹមថានឹងអាចលបលួចរត់គេចខ្លួន។ ដែនទឹកអន្តរជាតិ មិនមែនជាជម្រកសម្រាប់អ្នកឡើយ! ទោះតាមផ្លូវគោក ផ្លូវអាកាស ឬផ្លូវទឹក យើងនឹងស្វែងរកអ្នកឱ្យឃើញ ហើយនាំយកយុត្តិធម៌ទៅប្រគល់ឱ្យ»។ យោងតាមទិន្នន័យពី OpenSanctions នាវាដែលដោតទង់ជាតិប៉ាណាម៉ាមួយនេះ គឺជាគោលដៅចុងក្រោយបង្អស់ក្នុងយុទ្ធនាការរឹតបន្តឹងទណ្ឌកម្មលើការនាំចេញប្រេងរបស់វេណេស៊ុយអេឡា និងអ៊ីរ៉ង់។ នាវាដដែលនេះ ក៏ត្រូវបានរកឃើញថាមានការពាក់ព័ន្ធនឹងការដឹកជញ្ជូនប្រេងរាប់សែនតោនរបស់ប្រទេសអ៊ីរ៉ង់ និងមានទំនាក់ទំនងជាមួយក្រុមហ៊ុនគ្រប់គ្រងនាវារបស់ចិន ដែលកំពុងរងទណ្ឌកម្មពីក្រសួងរតនាគារអាមេរិកផងដែរ។ កន្លងមក នាវា Veronica III បានព្យាយាមប្រើប្រាស់ល្បិចបន្លំឈ្មោះ និងប្តូរទង់ជាតិខុសៗគ្នា ដើម្បីបន្លំភ្នែកសមត្ថកិច្ចអន្តរជាតិ ប៉ុន្តែនៅតែមិនអាចគេចផុតពីប្រព័ន្ធតាមដានដ៏ទំនើបរបស់យោធាអាមេរិកឡើយ។ ការចាប់ខ្លួននាវាដ៏មានឥទ្ធិពលនេះ គឺជាសារព្រមានយ៉ាងខ្លាំងក្លាមួយរបស់រដ្ឋបាលលោក ត្រាំ ទៅកាន់បណ្ដាប្រទេស ឬក្រុមហ៊ុនដែលហ៊ានបំពានលើវិធានការរឹតត្បិតរបស់សហរដ្ឋអាមេរិក។ ការដាក់ចេញនូវ «បញ្ជាចត្តាឡីស័ក» (Quarantine Order) យ៉ាងតឹងរ៉ឹងនេះ គឺដើម្បីទប់ស្កាត់រាល់សកម្មភាពខុសច្បាប់ និងដើម្បីការពារផលប្រយោជន៍សន្តិសុខជាតិអាមេរិក ក្នុងតំបន់យុទ្ធសាស្ត្រឥណ្ឌូប៉ាស៊ីហ្វិកទាំងមូល៕ #breakingnews #world #event #donaldtrump