မင်းအောင်လှိုင်ကို ထိုင်းကပြည်သူတွေဆန္ဒပြတယ်ဆိုတဲ့ သတင်းရုပ်သံဖိုင်အမှားများ скачать в хорошем качестве

မင်းအောင်လှိုင်ကို ထိုင်းကပြည်သူတွေဆန္ဒပြတယ်ဆိုတဲ့ သတင်းရုပ်သံဖိုင်အမှားများ

JC/Zee Tee မဇ္ဈိမ။ ။ ထိုင်းနိုင်ငံမှာပြုလုပ်တဲ့ BIMSTEC အစည်းအဝေးပွဲကို စစ်ခေါင်းဆောင် မင်းအောင်လှိုင် တက်ရောက်တာနဲ့ပတ်သက်ပြီး ထိုင်းကပြည်သူတွေက ဆန္ဒပြတယ်ဆိုတဲ့ ရုပ်သံဖိုင်တွေ လူမှုကွန်ရက်မှာ ပျံ့နှံ့လျက်ရှိပါတယ်။ “SeubKyawThan(ZawMoe)” ဆိုတဲ့ တစ်တော့အကောင့်တခုကနေ ဧပြီ ၃ ရက်နေ့မှာ “အကုသိုလ်ကောင် မင်းအောင် လှိုင် ထိုင်းကို လာတာကို ထိုင်းပြည်သူတွေက လက်မခံဘူး” ဆိုတဲ့ စာသားအပြင် “ဒီနေ့ မင်းအောင်လှိုင် ထိုင်းကိုလာတာ ထိုင်းလူမျိုးတွေက လက်မခံ ဆန္ဒပြနေကြပြီတဲ့” ဆိုတဲ့ စာသားတွေပါ ရေးထားတဲ့ ရုပ် သံဖိုင် ကို ဖြန့်ဝေထားပါတယ်။ ဖိုင်ထဲမှာ ထိုင်းစကားပြောတဲ့ အသံတွေနဲ့ထိုင်းစာတွေ ပါဝင်ပြီး အဖြူနဲ့အပြာ အလံကိုင်ထားသူတွေပါဝင်ပါတယ်။ ဒါကိုကြည့်ရှုသူ ၂ သိန်းခွဲ နီးပါးရှိနေပါပြီ။ ဒီဖိုင်ရဲ့ မူရင်းကို ‘give1111’ ဆိုတဲ့အမည်နဲ့ တစ်တော့အကောင့်တခုမှာ တွေ့ရပါတယ်။ ဒီဖော်ပြမှုရဲ့ အောက်မှာ မှတ်ချက်ပေးထားတဲ့ထဲမှာ ကာစီနိုဆန့်ကျင်ရေးအဖွဲ့နဲ့ စိုက်ပျိုးရေးအဖွဲ့နှစ်ဖွဲ့လုံးကို ကူညီပံ့ပိုးနေပါတယ် ဆိုပြီး ထိုင်းဘာသာလို ရေးသားထားတာတွေ့ရပါတယ်။ မြန်မာအတွက် ဆန္ဒပြတယ်လို့ ရေးတဲ့ မှတ်ချက်အောက်မှာလည်း ‘လယ်ယာမြေအတွက် လယ်သမားတွေ ဆန္ဒပြနေတာ’ ‘ကာစီနိုကိစ္စ လို့ပဲ ပြောပါတယ်’ စသဖြင့်ရေးပြီး ပြန်လည်ဖြေရှင်းတာ တွေ့ရပါတယ်။ လင့် - https://www.tiktok.com/@give1111/vide... နောက်တခုကတော့ “ရွှေမုဆိုး” အမည်နဲ့ အကောင့်ကနေ ဧပြီ ၄ ရက်နေ့မှာ “ မင်းအောင်လှိုင်ကို ဖမ်းဆီးပေးဖို့ အာဂျင်ဒီးနားတရားရုံးတော်ဆုံးဖြတ်ချက်ကို ထိုင်းအစိုးရလိုက်နာမှုမရှိလို့ ထိုင်းနိုင်ငံသားတွေ ထိုင်းအစိုးရကိုဆန္ဒပြ” ဆိုတဲ့ ရုပ်သံဖိုင် တခုကို ဖြန့်ဝေထားပါတယ်။ ဒီဖိုင်ကို ကြိုက်နှစ်သက်သူ ၁,၀၀၀ ကျော်နဲ့ ကြည့်ရှုသူ ၁၀,၀၀၀ ကျော်ရှိနေပြီဖြစ်သလို ထိုင်းအလံတွေ ကိုင်ဆောင်ထားတဲ့သူတွေ ချီတက်ဆန္ဒပြနေတာကိုတွေ့ရပါတယ်။ ဒီရုပ်သံဟာ ‘Momo news’ အမည်နဲ့ ဖေ့စ်ဘုတ်စာမျက်နှာကနေ ဖြန့်ဝေထားတဲ့ သတင်းရုပ်သံဖိုင်ကိုယူသုံးထားတာဖြစ်ပါတယ်။ ဒါကတော့ ကာစီနိုကို မလိုလားသူတွေ ဆန္ဒပြနေတာပဲ ဖြစ်ပါတယ်။ လင့် -   / 1uvwdqhxs8   နောက်ထပ်ပျံ့နှံ့နေတဲ့ တခုကတော့ “သူပုန်မလေး” ဆိုတဲ့ အကောင့်ကနေ ဧပြီ ၄ ရက်နေ့မှာ “သူများနိုင်ငံလာတော့ မောင်းထုတ်ခံရတဲ့ မင်းအောင်လှိုင်” ဆိုတဲ့ စာသားနဲ့ ရုပ်သံဖိုင်တခုကို ဖြန့်ဝေထားပါတယ်။ ဒါကို ကြည့်ရှုသူ ၂ သန်းနီးပါးရှိနေပြီပဲ ဖြစ်ပါတယ်။ ဖိုင်ထဲမှာတော့ ခေါင်မိုးအနီနဲ့ အဆောက်အဦးရှေ့မှာ ဆန္ဒပြနေတဲ့ လူအုပ်ကြီးကို တွေ့ရမှာဖြစ်ပါတယ်။ ဒီအတွက် ဖြစ်စဉ်အမှန်က ရပ်ရွာအခွင့်အရေးကို ချိုးဖောက်တဲ့ သစ်တောဥပဒေ ပြဿနာဖြေရှင်းပေးဖို့အတွက် ချင်းမိုင်ခရိုင်ရုံးရှေ့မှာ ဆန္ဒပြနေတာပဲ ဖြစ်ပါတယ်။ ဒါကို မတ်လ ၂၉ ရက်နေ့မှာ Thai PBS သတင်းဌာနကနေ သတင်းဖော်ပြထားပါတယ်။ လင့် - https://shorturl.at/IxPXN နောက်ဆုံးတခုကတော့ ဧပြီ ၄ ရက်နေ့မှာ ‘Chit Ko Ko Naung’ ဆိုတဲ့အကောင့်ကနေ ဖော်ပြထားတဲ့ မြန်မာသံရုံးရှေ့မှာ ထိုင်းကျောင်းသားတွေ ဆန္ဒပြနေတယ်ဆိုတဲ့ ဖိုင်ပါ။ ဒီဖိုင်ကို သုံးနာရီအတွင်း ကြည့်ရှုသူ ၅၇,၀၀၀ ကျော်ရှိပါတယ်။ ဒီဖိုင်ရဲ့ မူရင်းဟာ ‘talkwiththepolice’ ဆိုတဲ့ တစ်တော့အကောင့်ကနေ ဖေဖော်ဝါရီ ၁ ရက်နေ့က ဖော်ပြထားတာကိုတွေ့ရပါတယ်။ လင့် - https://shorturl.at/ghfNG ဖေဖော်ဝါရီ ၁ ရက်နေ့မှာ ကျရောက်တဲ့ စစ်အာဏာသိမ်းမှု လေးနှစ်ပြည့်အထိမ်းအမှတ်အနေနဲ့ တက်ကြွလှုပ်ရှားသူတွေက ဘန်ကောက်မှာရှိတဲ့ မြန်မာသံရုံးရှေ့မှာ ဆန္ဒပြခဲ့ကြတာပဲ ဖြစ်ပါတယ်။ ဒါကို မဇ္ဈိမကနေလည်း သတင်းဖော်ပြထားပါတယ်။ လင့် - https://x.com/MizzimaNews/status/1885... ဒါကြောင့် ထိုင်းနိုင်ငံမှာ ပြုလုပ်မယ့် BIMSTEC အစည်း အဝေးကို တက်ရောက်ဖို့ စစ်ခေါင်းဆောင်မင်းအောင်လှိုင် လာရောက်တာကို ထိုင်းပြည်သူတွေက ဆန္ဒပြတယ်ဆိုတဲ့ သတင်းရုပ်သံဖိုင်တွေဟာ ဖြစ်စဉ်မတူတဲ့ ဆန္ဒပြပွဲက ဖိုင်တွေကို လိုသလို ခေါင်းစဉ်တပ်ပြီး ဖြန့်ဝေနေကြတာပဲ ဖြစ်ပါတယ်။ မဇ္ဈိမကိုကြည့်ရှုအားပေးနေတဲ့သူတွေအနေနဲ့လည်း စစ်ဆေးစေချင်တဲ့ သတင်းတွေရှိခဲ့ရင် မဇ္ဈိမကိုပေးပို့လို့ရပါတယ်။ ပေးပို့မယ်ဆိုရင် t.ly/AjFbz ဆိုတဲ့လင့်ကို ရိုက်ထည့်ပြီး စစ်ဆေးစေချင်တဲ့ သတင်းအကြောင်းအရာကို လင့်နဲ့တကွ ပေးပို့ပေးဖို့ မေတ္တာရပ်ခံအပ်ပါတယ်။ #Misinformation_Buster #Fake_News #Mizzima_Media #မဇ္ဈိမမီဒီယာ #Thailand #MinAungHlaing ----------------------------------------- လွတ်လပ်တဲ့ မီဒီယာအဖြစ် ရပ်တည်နိုင်ရေး မဇ္ဈိမကို ဝိုင်းဝန်းကူညီပေးဖို့ ဖိတ်ခေါ်ပါတယ်။ Mizzima YouTube Channel တွင် မန်ဘာဝင်ခြင်း နှင့် ဖော်ပြပါလင့်များတွင် လှူဒါန်းခြင်းမှတဆင့် ထောက်ပံ့နိုင်ပါသည်။ https://bit.ly/2VhJ12U or https://tinyurl.com/donatemzm Subscribe Mizzima TV :    / @mizzimanewstv   One link to follow all Mizzima platforms: https://mizzima.carrd.co