A1 Report - Korçë, sanitarja denoncon kreun e komunës për ngacmim seksual скачать в хорошем качестве

A1 Report - Korçë, sanitarja denoncon kreun e komunës për ngacmim seksual

KORÇË - Kreu i komunës Libonik, Petrit Kupe është përfshirë në një skandal seksual pasi është akuzuar nga sanitarja e shkollës së fshatit Drithas se i ka kërkuar asaj marrëdhënie seksuale në këmbim të vendit të punës. Sipas të dhënave sanitarja Miranda Shuli ka denoncuar kryekomunarin se ai e ka pushuar nga puna pasi ajo kishte refuzuar të kryente marrëdhënie me të. Të dhënat zyrtare thone se Kupe i ka kërkuar asaj në mënyrë të përsëritur që të kryenin marrëdhënie madje ai ka pretenduar lidhje intime me te. Sipas vjehrrës së sanitares, Tushe Suli, kreu i komunës e ka pushuar atë nga puna pasi ajo ka refuzuar të ofrojë seks në këmbim të vendit te punës. “Kam ardhur të denoncoj për Petrit Kupen që më ka dhunuar. I dhashë tokën më bëri shkollën te shtëpia, nuk pranoi me aq donte të më merrte dhe nusen. Donte ta ngacmonte, nusja punon te shkolla”, ka thënë Tushe Suli. Por akuzat nuk kanë kaluar në heshtje nga kreu i komunës Libonik Petrit Kupe i cili ka mohuar të ketë kryer një veprim të tillë duke e konsideruar këtë një hakmarrje të sanitares pasi i ka komunikuar pushimin nga puna. Kryekomunari për Televizionin A1Report pasi ka dale nga komisariati i policisë, shprehet se ai ka bërë denoncim për shpifje për shkak të detyrës ndaj sanitares. “Ka ardhur këtu tek unë dhe sillej në mënyrë të veçantë, në mënyrë provokuese. Ditët e fundit unë e kam gjetur atë zonjë rastësisht në banjën e burrave dhe kam dalë i tmerruar, më pas ajo ka ardhur në zyrë dhe më ka thënë "do vish me mua në Korçë", këtë unë e kam refuzuar në mënyrë kategorike dhe e kam nxjerrë nga zyra, kjo është e vërteta”, ka thënë kreu i komunes Libonik, Petrit Kupe Një dite me pare në Berat një mjek kirurg u prangos teksa u denoncuar për ngacimim seksual nga pacientja e tij.