Tdiu kadrlarni qayta tayyorlash va ularni malakasini oshirish tarmoq markazi скачать в хорошем качестве

Tdiu kadrlarni qayta tayyorlash va ularni malakasini oshirish tarmoq markazi

TDIU huzuridagi Pedagog kadrlarni qayta tayyorlash va ularning malakasini oshirish tarmoq markazida yanvar oyida tashkil etilgan “Iqtisodiyot va iqtisodiy munosabatlar” yo‘nalishi tinglovchilari uchun 22-yanvar kuni ko‘chma mashg‘ulot o‘tkazildi. Mazkur ko‘chma mashg‘ulot Toshkent davlat iqtisodiyot universiteti huzuridagi “O‘zbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazida tashkil etildi. Toshkent davlat iqtisodiyot universiteti huzuridagi “Oʻzbekiston iqtisodiyotini rivojlantirishning ilmiy asoslari va muammolari” ilmiy-tadqiqot markazi Oʻзбекистон Respublikasi Prezidentining 2013-yil 28-fevraldagi PQ-1927-sonli qarori asosida tashkil etilgan bo‘lib, Oʻzbekiston Respublikasi Fanlar akademiyasi Iqtisodiyot institutining vorisi hisoblanadi. Bugungi kunda Markazda 4 ta sektor faoliyat yuritadi: • Iqtisodiyotni isloh qilish va barqaror rivojlantirishning ilmiy muammolari • Moliya bozori va moliya-bank tizimini rivojlantirishning metodologik muammolari • Demografiya va mehnat bozori • Ishlab chiqarish kuchlarini ratsional joylashtirish va hududlarni kompleks rivojlantirish Markaz faoliyati i.f.d., professor S.K. Xudoyqulov rahbarligida olib borilmoqda. Mashg‘ulot davomida hududiy integratsiya jarayonlari, hududlar iqtisodiy barqarorligini ta’minlashning ilmiy-konseptual asoslari hamda barqaror iqtisodiy o‘sish yo‘nalishlari yoritildi. Shuningdek, hududlararo iqtisodiy hamkorlikni rivojlantirish, resurslardan samarali foydalanish va investitsion loyihalarni ilmiy asosda yo‘naltirish masalalari bo‘yicha muhim tushunchalar berildi. Ko‘chma mashg‘ulot tinglovchilar uchun nazariy bilimlarni amaliy misollar bilan boyitish, zamonaviy iqtisodiy jarayonlar bo‘yicha bilim va ko‘nikmalarni oshirishga xizmat qildi.