Нашақорлық – қоғам дерті скачать в хорошем качестве

Нашақорлық – қоғам дерті

Нашақорлық – қоғам дерті. Бүгінде мемлекет тарапынан есірткіні қолдану мен есірткі сату бизнесімен айналысушылармен күресу бағытында ауқымды жұмыстар атқарылуда. «Адам өміріне қауіпті психотроптық препараттарға әуестеніп алып, соңында өкініп қалатындар жетерлік», - деседі өңірлік нарколог-дәрігерлер. Бұл тұрғыда мамандар психобелсенді препараттарға әуестенгендердің қатарында жастардың саны артуда екенін алға тартып, алаңдауға негіз бар екенін айтады. Бұл есірткі, алкоголь және шылым шегу тәуелділігі бар науқастарды емдейтін жабық типтегі медициналық мекеме. Мұнда ем қабылдаушылардың бірі – аты-жөнін атамауымызды өтінген қала тұрғыны. Ол бала кезінен бері есірткіге әуестенген. Бастапқыда құрбыларымен бірге қызық көріп, жастық желікпен бой жазу үшін қабылдап жүргендерін айтады. Ал уақыт өте тіптен тәуелді бола бастаған. Есейе келе әсері күшті психотропты препараттар түрлерін іздеп, соларға ден қойыпты. Кейіпкеріміздің көкейіндегі арманы – балаларының өзіне деген сенімін қайтарып, олармен қауышу. Осы жерде екі апта бойы ем қабылдап біткен соң, ары қарай оңалтудан өтпекші. Егер осыдан кейін беті бері қарап, жағдайы дұрысталса, өзі сияқты адамдарға есірткі тәуелділігінен арылуға көмектеспек. Дәрігерлердің айтуынша, нашақорлардың арасында өзінің «ауру» екенін сезініп, өздігінше емделуге келетіндердің қатары сирек. Сондықтан, осыны мойындап, көмек сұраудың өзі – ерлік. Жалпы, есірткіге тәуелділік ең алдымен адамның орталық жүйке жүйесіне зақым келтіретіндіктен, емдеу үрдісі ұзаққа созылады. Оңалту шаралары жарты жылдан бірнеше жылға да ұласып кетуі мүмкін. Ем қабылдағандар бір жыл бойы дәрігерлердің бақылауына алынады. Мұнда жан сауғалап, шұғыл көмекке мұқтаждықтан келіп түскендер әуел бастан өз-өздерімен күресіп, әр күн сайын есірткіні тастап кетуге тырысумен уақыттарын өткізуде. Оларды өмірден баз кешіп, қу тіршіліктен шаршамауға жетелейтін - ертеңгі күнге деген үміт пен сенім ғана.