مركى الهيلا ملاذ الخايف | كلمات : حمود بن نزال | اداء : شبل الدواسر | سفير العصمه скачать в хорошем качестве

مركى الهيلا ملاذ الخايف | كلمات : حمود بن نزال | اداء : شبل الدواسر | سفير العصمه

بنات الفكر لا دكن تقول انهن على مرسوم قعود ٍ عيف البدوان في لذة بداوتها عظيم الوصف وان جاء لتحدي والممارى يوم يشق الدرب والبدوان تقعد في شقاوتها تبدوابه سنافي ٍ ليا جاء فالعلوم علوم يرجع كل نفسٍ طايشه نقطة بدايتها تمالو فيه ثم حطو لطرشه موعد ٍ معلوم وقالو ياولد قاعد لاتمسي دون شارتها وقاد الطرش وطروش التحالف كثر جيش الروم على الوجه السماحه والنفوس اخفت عداوتها وقام يدرج طروشه ويعرف ماهو بمهزوم خبير ٍفي كلا الحالات صدتها وغارتها فهق عن راسه الغتره وذرعانه بدون كموم يوم ٍ الطرش لز الطرش والحروه نهايتها وطاشت وضحه وقامت تحط القوم فوق القوم وهاذي هقوته فيها وهاذي دوم عادتها عصيمي ٍ تقول انه يشممها من المسموم عليه ادمانها يزداد لو يزود شدتها عسى سود الليالي ماتكدر خاطر الشغموم ويهنى فالحياه اللي تقدم له حلاوتها وانا شعري على مبدا ولايقلط بدون سلوم مقاليط الرجال اللي تقندها حفاوتها حفظته عن مديح اللآش لو شيكه كثير رقوم ضعوفٍ تمدح إلها ضعوف كله لجل مدتها جزالة شعرنا تكرم عن امداح الردي والبوم مديحة هافي ٍ تقصر بعمر الرجل مدحتها ومالي صدة ٍ عن وقفةٍ في حفلة الزيزوم بني عم ٍ تشرفني محافلها ودعوتها ي ابوعبدالله ابشربي وانا في كفك الصاروم صقيلٍ في صواليف الليال وفي هداوتها مقامك يبهج ربوعك ويبهج خاطر المعزوم ولا ارتاح الأمن في ليلها من قو زحمتها على باب الحفل ترحيب ٍ يطير عماس النوم وغلمانٍ تسابق لك مباخرها ودلتها ومقلاط ٍ على صينٍ بها عيال العشاير كوم متاك ٍ فوق حيلٍ زود الشاوي بريرتها عوايد مركي الهيلا ملاذ الخايف المهموم لاثار الملح والبارود يلقى الخصم لطمتها ماقامت قايمه لاخصامنا وحنا عليهم حوم الين ان الحوايم اسورت من بعد شبعتها بني عاصم لياقامو مافي وجه العدا معصوم اسودٍ جارحه تعجبك وقفتها وهدتها ليا من العسامه كنها فوق الجموع غيوم جموعٍ واجده ماعاش منها الا شريدتها مقادم ربعي الهيلا ليا جاء فالقبايل زوم على ماقال قوه ضاربه من ضمن قوتها يقوله تركي بن حميد يوم الماقف المحموم بني عاصم قبيله فارضه بالفعل هيبتها الشاعر : حمود بن نزال العصيمي