Uniko - Zbulohen 5 tunelet e hashashit në Krujë, çfarë fshehu policia? (20 Mars 2023) скачать в хорошем качестве

Uniko - Zbulohen 5 tunelet e hashashit në Krujë, çfarë fshehu policia? (20 Mars 2023)

Ambientet e ish-tuneleve të ushtrisë në zonën e Krastës në Krujë ishin përshtatur për të kultivuar bimë narkotike të llojit kanabis. Aksioni i koduar “Tuneli” u finalizua nga efektivët e Komisariatit të Krujës dhe forcat operacionale të Drejtorisë së Policisë së Durrësit. Në njoftimin e këtij aksioni, policia thotë se në zonën e mbrojtur mjedisore Krastë, u evidentua 1 tunel në një zonë të vështirë kalimi, i përshtatur për kultivim të bimëve narkotike me anë të llambave. Por kamera e Uniko që shkoi në vendngjarje, zbuloi 5 tunele që përdoreshin për kultivimin e drogës. 390 bimë kanabisi u sekuestruan nga policia të gjetur brenda tuneleve të përshtatur me të gjithë infrastrukturën e nevojshme për këtë aktivitet të paligjshëm. Tunelet ishin pajisur me sistem të mirëfilltë ndriçimi me 30 llampa, 1 aspirator, 2 ventilatorë. Jo vetëm kaq, por ky ambient furnizohej me energji elektrike të pandërprerë nëpërmjet një lidhje të paligjshme energjie në shtyllën e tensionit të fshatit Halil. 30 rritës të energjisë elektrike u sekuestruan gjithashtu. Ish-tunelet e ushtrisë janë të lokalizuar në një terren të vështirë dhe të fshehur mes bimësisë. Pesë persona u arrestuan nga policia, prej të cilëve 3 persona të dyshuar si autorë të kultivimit, si dhe 2 elektriçistë të OSHEE. Këta të fundit u arrestuan pasi për lidhjen e paligjshme të energjisë që furnizonte tunelin e kanabisit, nevojitet ndërhyrje e specializuar e punonjësve të OSHEE-së së zonës. Pas arrestimit të dy elektriçistëve të OSHEE-së, të premten e 17 Marsit dolën në protestë punonjësit e OSHEE të zonës duke kundërshtuar arrestimet nga policia të kolegëve të tyre. Ditën e sotme kur të arrestuarit dolën para Gjykatës së Krujës për masat e sigurisë, të gjithë u liruan me masën detyrim për t’u paraqitur në policinë gjyqësore. #Uniko #SpartakKoka #KlanPlus | Misteret e pazbardhura të kronikës. Çështjet më të bujshme të drejtësisë në vend. Që nga historitë më të fundit deri tek ato që tashmë janë harruar.Me dëshmi, intervista,pamje dhe dokumente të papublikuara më parë. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/