Delopning av Nordøyvegen til Lepsøy, Haramsøy og Flemsøy/Skuløy скачать в хорошем качестве

Delopning av Nordøyvegen til Lepsøy, Haramsøy og Flemsøy/Skuløy

Program Fyrverkeri frå Lepsøybrua (sjå informasjon om fyrverkeri under) Song av 6. og 7. trinn ved Lepsøy, Flem og Haramsøy skule (tatt opp på førehand) Talar ved fylkesordførar Tove-Lise Torve, prosjektleiar Marianne Nærø i Møre og Romsdal fylkeskommune, prosjektsjef Are Eliassen i Skanska og Håkon Farstad Brekke, representant i ungdomsrådet i Ålesund kommune Song ved Ane Flem Første del av Nordøyvegen blir offisielt opna av Oskar Zachara, Bjørn Longva jr. og Daniel Seth Rønstad, elevar ved ungdomstrinnet på Haramsøy skule Vegen blir opna for ordinær trafikk ca. kl. 13.45 Fyrverkeri Vêrmeldingane gjer at vi må halde fleire moglegheiter opne for oppsending av fyrverkeri. Plan A er å sende opp fyrverkeri frå Lepsøybrua når markeringa startar kl. 13.00. Da vil vegen vere ferdig rydda til markeringa er ferdig og vegen opnar ca. kl. 13.45. Om denne planen ikkje let seg gjennomføre, legg vi ut informasjon om det på facebooksida vår i morgon. Plan B vil vere å sende opp fyrverkeriet i eit "vêrvindu" mellom kl. 12.30 og 13.00. Vi viser film frå bygginga den siste halvtimen før markeringa startar. Om vi går for plan B, blir fyrverkeriet vist på strøyminga uansett. Om det blir for mykje vind, kan ikkje fyrverkeriet sendast opp. Følg med digitalt og hald avstand Markeringa blir strøyma både frå Møre og Romsdal fylkeskommune sine nettsider og Nordøyvegen si facebookside, slik at alle som ønskjer det kan følgje med digitalt. Markeringa vil ikkje vere synleg frå Skjeltene, så alle som ønskjer å få ho med seg må følge med på nett. Det blir ei annleis opning, men vi håpar folk heisar flagget, blir med på den digitale markeringa, følgjer smittevernreglane og feirar med sine nære i staden. Så kryssar vi fingrane for at vi kan invitere alle til ein stor folkefest når heile Nordøyvegen opnar 27. august neste år, seier prosjektleiar Marianne Nærø i Møre og Romsdal fylkeskommune.