გადაცემა "სცენა" "საბავშვო თეატრი" ნაწილი მეორე скачать в хорошем качестве

გადაცემა "სცენა" "საბავშვო თეატრი" ნაწილი მეორე

"რაში მდგომარეობს საბავშვო თეატრის როლი და ფუნქცია დღეს, თანამედროვე სამყაროში? ეს შეკითხვა განსაკუთრებით მწვავედ დგას 21-ე საუკუნეში, ვინაიდან, საბავშვო თეატრის განვითარების კვალდაკვალ, მისი დანიშნულება საგრძნობლად გაიზარდა; სკოლასა და ოჯახთან ერთად, თეატრი მნიშვნელოვან როლს თამაშობს ახალი თაობის ჩამოყალიბების პროცესში. ამ სფეროში მომუშავე პრაქტიკოსებიცა და თეორეტიკოსებიც გამუდმებით კამათობენ ისეთ საკითხებზე, როგორიცაა მაგალითად ის, თუ სად გადის ზღვარი ხელოვნებასა და თეატრის საგანმანათლებლო დანიშნულებას შორის? ვალდებულია თუ არა თანამედროვე თეატრი დადგას მხოლოდ საგანმანათლებლო დატვირთვის მქონე წარმოდგენები? ასეთ შემთხვევაში, ხელოვნება მეორე პლანზე გადადის? საბავშვო თეატრი საგანმანათლებლო პროცესის ნაწილია თუ მის მიღმა მოქმედი სახელოვნებო სტრუქტურა? როგორ უნდა განისაზღვროს საბავშვო თეატრის სარეპერტუარო პოლიტიკა? უნდა ჩაერიონ თუ არა ამ პროცესში განათლების და კულტურის სამინისტროები (ანდა შესაბამისი სახელმწიფო უწყებანი)? რამდენად კარგად იცნობენ თეატრის მესვეურნი თავიანთ აუდიტორიას, ესმით თუ არა მათ თანამედროვე ბავშვებისა და მოზარდების? იცნობენ თუ არა რეჟისორები თანამედროვე საბავშვო ლიტერატურას (ისინი ხომ სულ მცირე 25-30 წლით უფროსები არიან იმ მაყურებელზე, ვისთვისაც ქმნიან წარმოდგენებს)? რა ცვლილებები მოხდა საბავშვო თეატრების რეპერტუარში უკანასკნელი ასწლეულის განმავლობაში და რა ტენდენციებთან გვაქვს საქმე 21-ე საუკუნეში? ცალკე განხილვის საკითხია თეატრში ინდივიდუალური და ჯგუფური სიარულის საკითხი - ვინ უნდა ატაროს ბავშვი თეატრში - სკოლამ თუ ოჯახმა? ვინ იღებს გადაწყვეტილებას ბავშვის ნაცვლად, უნდა დაესწროს იგი რომელიმე კონკრეტულ წარმოდგენას თუ არა? ეს ამ სფეროში არსებული ამოუწურავი შეკითხვების მხოლოდ მცირე ნაწილია." ანა მირიანიშვილი -" საბავშვო/მოზარდ მაყურებელთა თეატრის როლი მეოცე და ოცდამეერთე საუკუნეებში"