Aksyon Laban sa Kahirapan - Season 2 – Episode 76 скачать в хорошем качестве

Aksyon Laban sa Kahirapan - Season 2 – Episode 76

Tampok sa ika-76 na episode ang panayam ni National Privacy Commission (NPC) Deputy Privacy Commissioner Atty. Jose Amelito Belarmino II sa programang Rise and Shine Pilipinas ng PTV-4, Enero 29. Tinalakay niya ang mandato ng NPC na itinatag upang ipatupad ang Data Privacy Act — ang batas na namamahala sa pagproseso ng mga personal na datos ng bawat Pilipino. Aniya tinitiyak ng NPC na nagpoproseso lamang ng personal na impormasyon tulad ng pangalan, tirahan, petsa ng kapanganakan, antas ng edukasyon, at mga talang pangkalusugan ang mga pribadong kumpanya at mga ahensya ng pamahalaan kapag mayroon legal na batayan. Ibinahagi rin niya na nagsasagawa ang NPC ng mga information campaign sa iba’t ibang panig ng Pilipinas sa pamamagitan ng iba’t ibang inisyatiba, kabilang ang proyektong Kabataan Digital. Binigyang-diin din niya na ang kabataan ang pag-asa ng bayan kaya mahalagang magkaroon sila ng sapat na kaalaman at kamalayan upang maunawaan ang kahalagahan ng pagprotekta sa kanilang personal na datos. Bukod dito, nakikipagtulungan din ang NPC sa mga barangay, mga lokal na pamahalaan, at mga ahensya ng pambansang pamahalaan upang paigtingin ang pangangalaga sa karapatan sa pagkapribado o ‘privacy’ na nangangailangan ng pagtutulungan ng lahat ng mamamayan at sektor sa bansa. #NAPC27 #AksyonLabanSaKahirapan #BagongPilipinas