Şəkərli diabet hansı cinsi problemlərə yol aça bilər? скачать в хорошем качестве

Şəkərli diabet hansı cinsi problemlərə yol aça bilər?

Şəkərli diabet xəstəliyi bəzən cinsi problemlərə yol açmaqla insan həyatına neqativ şəkildə təsir edir. Bəzən cinsi sferada yaranan problemlər şəkərli diabetin ilkin əlamətlərindən biri olaraq xəstənin həkimə müraciətinə səbəb ola bilər. Bunun bir sıra səbəbləri var. Çünki şəkərli diabetdə damar və sinirlərdə bir zədələnmə olur. Damar-sinir aparatında olan zəiflik cinsi orqanlarda da istər-istəməz problemlərə yol açır. Daha çox impotensiya, istək itirilməsi və bu kimi seksual sferada bəzi problemlərlə rastlaşırıq. Qadınlarda xüsusən sidik yollarında olan problemlər, ağrılı cinsi təmas, vaginal quruluq narahatedici, xüsusilə, diabetdə başda gələn şikayətlərdəndir. Damar və sinir aparatında olan neyropatiya və ya müəyyən zədələnmələr bu xəstəliyin əsas səbəbini təşkil edir. Nəzərə alsaq ki, diabetli xəstələr, eyni zamanda təzyiq xəstəsi də ola bilər və təzyiq endirici dərmanların da bir təsiri cinsi sferada olan neqativ hallara səbəb ola bilər. Eyni zamanda, qan təzyiqinin yüksəlməsi də diabetli xəstələrdə cinsi sferada zaman-zaman şikayətlərin meydana gəlməsinə səbəb olur. Diabetli xəstədə, bəzən, bir depressiya olur, psixoloji problemlər olur ki, bu da cinsi problemləri provokasiya edir. Hər hansı bir cinsi problemi olan insan ən azından ilkin olaraq bir şəkərli diabeti düşünərək yoxlanılmalıdır. Əgər qan şəkəri normada olarsa o diabetli xəstələrdə digər insanlardakı faiz qədər cinsi problemlərin meydana çıxma ehtimalı var və ya olmaya da bilər.