عيدية الوطن 2025 🇸🇦👏🏻 | نفاخر يوم نحمل فالهويه نخله وسيفين | حمود خلف & مهنا العتيبي | حصرياً скачать в хорошем качестве

عيدية الوطن 2025 🇸🇦👏🏻 | نفاخر يوم نحمل فالهويه نخله وسيفين | حمود خلف & مهنا العتيبي | حصرياً

🛑نسخ وتحميل المحتوى يعرض قناتك للحذف والمساءلة القانونية🛑 اشترك في قناة " طلال العتيبي " وفعّل التنبيهات ليصلكم كل جديد وحصري كلمات الشاعر : حمود خلف اداء المنشد : مهنا العتيبي تصميم : طلال العتيبي المــــوال نزفّ اغلا التهاني للوطن ولـ خادم البيتين وابو سلمان أمير العزّ وأعظم كنز لبلاده نفاخر يوم نحمِل فالهويه نخله وسيفين سعوديين وهمَمنا على الطالات ورّاده وطنّا يا وطنّا لو تعدا عمرك التسعين نشوفك من جمالك واكتمالك في عمر غاده ——————— سكون الكون نفحاته طمأنينه وفالٍ زين شعورٍ يغني الإنسان عن شربه وعن زاده نظرنا يتّجه لـ ام القرى دار الوحي والدين مرابي خير الامّه وأمّ لـ التاريخ وأسياده نتابع خطبة ابن حميد ونردد وراه آمين يا ربي عزّ هذا الدين وادحر كيد حساده نزفّ اغلا التهاني للوطن ولـ خادم البيتين وابو سلمان أمير العزّ وأعظم كنز لبلاده نجاحاتٍ توالت وأصبحت في سلمنا روتين عسى الله لا يغيّب شمس من خلاّ الفخر عاده وليّ العهد قايدنا وقايد قمّة العشرين على عرش السياده والمهابه ثبّت أوتاده مسنَّد راسه الشامخ على معزي وابن حثلين ورث دمّ السياسه والفروسيه من أجداده يحرر له دول كانت تعاني فالحياه سنين مثل ما يسعد قلوب العرب نسعى على إسعاده نفاخر يوم نحمِل فالهويه نخله وسيفين سعوديين وهمَمنا على الطالات ورّاده وطنّا يا وطنّا لو تعدا عمرك التسعين نشوفك من جمالك واكتمالك في عمر غاده ترا من خان داره ما يذوق الا العنا والبين يصالي نار تدبيره ونار البوق وقاده وأنا شاعر وأميّز منهجي عن منهج الباقين اعايد بالقصيد الجزل كلّ الشعب والقاده وأعايد به ولد عمٍ عن صدوف الزمن تأمين عديمٍ للمكارم والمراجل يِسرج جياده يشوش الراس وتفور العروق من الحمايا حين يطرّون النشاما طاري الدجران وأمجاده ي ماجد مقعد الدجران يا حي الاسم والعين يزين المدح في شرواك وانت المدح معتاده مضيفك يطلق حجاج الرفيق ويبهج اللافين يعانق نفح عُودِه كلّ ليله خنّت قناده من يْعرفك يِعرف انك حمر عين وْحمر سكين سخاك المنهمر وبلٍ يسابق صوت رعّادِه يمينك ما تمدّ الاّ تورنق وْبيت في حطّين مثل ما ميّز الله عزوتك ميّزك فـ عباده مجمّلنا يابن عاصم مع الآقصين والادنين محد يجحد معاريفك لو ان فالناس جحاده تسدّ الدين وتعَتق الرقاب وتسعد المسكين رقبتك عن رقاب اللي بلاها الوقت سداده تقنّد راسك فعول الوفا مع ربعك الوافين وغيرك ما يقنّند راسه ألا القهوه الساده خويك ما يِعرف الا الرضا والعزّ والتمكين يطق ابهامه إبوجه الصعاب ويقدح زناده فداك اللي يعلّق هقوة أصحابه على بعدين يرجوي صاحبه في بكره وبعده وَلا فاده يهيج الموج وتهب العواصف والرجال تبين قوي العزم ما يرتاح لين يحقق مراده يبين الرجل في وقت الشدايد والنهار الشين تجي له ساعةٍ في سيرته تقخر بها أحفاده وابو مقعد مخلّد سيرةٍ تبقى ليوم الدين يمينه في سنام المجد ويساره على شداده