Çürüdür, bağı məhv edir - Oidium xəstəliyi nədir? скачать в хорошем качестве

Çürüdür, bağı məhv edir - Oidium xəstəliyi nədir?

Qazax rayon sakini Habil Heydərovun oidium xəstəliyi ilə bağlı sualı Bitki Mühafizə və Texniki Bitkilər institutunun əməkdaşı Kazım Hüseynov tərəfindən cavablandırılıb və xəstəliyə qarşı mübarizə tədbirləri haqqında məlumat verilib. Üzümün çürüməsinin bir sıra səbəbləri var. Bunlardan ən başlıca səbəb oidium xəstəliyidir. Belə ki, üzüm giləsi xəstəliyə sirayətlənəndə qabıq inkişafdan qalır, gilələr böyümür. Gilənin içərisindəki toxumlar isə normal inkişaf edir. Bu da gilələrin içəridən sıxılıb partlamasına gətirib çıxarır. Nəticədə partlamış, çat hissəyə su daxil olur ki, bu da ağ, boz və qara çürümə xəstəliklərinə şərait yaradır. Oidium mildiu xəstəliyi qədər üzümlüklərin təhlükəli xəstəliklərindən biri sayılır. Bu xəstəliyin törədicisi olan Uncinula necator Burill göbələyinin sporları tumurcuğun içərisində qışlayır. Yazda tumurcuqlar açanda göbələk üzümün bütün yerüstü hissələrinə keçir və onları yoluxdurur. Mildiu xəstəliyindən fərqli olaraq oidium üçün rütubət əsas rol oynamır. Oidiumun inkişafı temperatur +5ºC olduqda başlayır və çox yavaş gedir. Temperatur 28-29ºC olduqda xəstəliyin inkişafı intensivləşir, daha yüksək temperaturda ko¬nidilər məhv olur. Havanın temperaturu 30-33ºC-dən yuxarı qalxdıqda xəstəliyin inkişafı demək olar ki, dayanır. Ona görə də quru, isti yayı olan zonalarda, eləcə də Abşeronda bu xəstəlik geniş yayılmışdır. Xəstəlik haqda daha ətraflı saytımızda oxuyun:https://bit.ly/2Y8pSP8