အထိုင်များခြင်းကြောင့် ဘာပြဿနာတွေ ဖြစ်လာနိုင်မလဲ။ скачать в хорошем качестве

အထိုင်များခြင်းကြောင့် ဘာပြဿနာတွေ ဖြစ်လာနိုင်မလဲ။

လူတစ်ယောက်ဟာ အိပ်ယာနိုးနေတဲ့ အချိန်တွေရဲ့ တစ်ဝက်ကျော်လောက် မိမိရဲ့ အလုပ်မှာ အထိုင်များတာ၊ ကွန်ပျူတာ၊ဖုန်းနဲ့ ရုပ်ရှင်တွေ အကြည့်များတာ၊ အလုပ်ကနေ သွားတာ ပြန်တာနဲ့ တစ်နေ့တာကို ဖြတ်သန်းတတ်ကြပါတယ်။ လူတစ်ယောက်ဟာ အချိန်အကြာကြီး ထိုင်နေခဲ့ရင် ခါးနာတာ၊ လူနေထိုင်ပုံမမှန်တာနဲ့ အခြားရောဂါတွေဖြစ်တဲ့ ဆီးချို၊ နှလုံးရောဂါ၊ အဝလွန်ရောဂါတွေ ဖြစ်လာနိုင်ပါတယ်။ အချိန်အကြာကြီး ထိုင်တဲ့သူတွေဟာ ကျန်းမာရေးကို ဘယ်လိုဆိုးကျိုးတွေ ဖြစ်လာနိုင်သလဲဆိုရင် ဗိုက်အဆီစုလာခြင်း နောက်ကျောတက် ခြင်း၊ ဇက်ကြော ထိုးခြင်း ဦးနှောက် သွေးစီးဆင်းမှု ကျဆင်းလာခြင်း သွေးတွင်း သကြားဓာတ် များပြားခြင်း လည်ပင်းနဲ့ပုခုံး ကြွက်သားများ ပျက်စီးခြင်း ခါးနာခြင်း ကြွက်သား ယိုယွင်းလာခြင်း ကိုယ်ခန္ဓာ အင်္ဂါများ ပျက်စီးခြင်း နှလုံးရောဂါဖြစ်ခြင်း အူမကြီးကင်ဆာ ဖြစ်ခြင်း၊ ကင်ဆာဖြစ်ပွားမှု မြင့်မားခြင်း ကြွက်တက်ခြင်း၊ ခြေထောက်ဖောရောင်ခြင်း ခြေကျင်းဝတ် သွေးစုပြုံခြင်း၊ယောင်ခြင်း၊သွေးကြောထုံးခြင်းအပြင် အန္တရာယ်ပေးနိုင်တဲ့ သွေးခဲ ဖြစ်ပေါ်ခြင်း စတဲ့အရာတွေကို ဖြစ်ပေါ်စေပါတယ်။ ဒါဆိုရင် ဒီပြဿနာတွေကို ဘယ်လိုဖြေရှင်းမလဲ။ အကြာကြီး ထိုင်နေတာမျိုး ရှောင်ပေးပါ။ မကြာခဏ မတ်တပ်ရပ်ပေးပါ။ လမ်းများများလျှောက်ပေးပါ။ ကိုယ်လက်လှုပ်ရှားလေ့ကျင့်ခန်းများ လုပ်ပေးပါ။ ဓာတ်လှေကား အသုံးပြုမယ့်အစား ရိုးရိုးလှေကားနဲ့ တက်ပေးပါ။ ယောဂလေ့ကျင့်ခန်းများ ပြုလုပ်ပေးပါ။ ထိုင်နေတုန်း မှန်ကန်တဲ့ ထိုင်နည်းမျိုးနဲ့ ထိုင်ပေးပါ။ ခါးကို မတ်မတ်ထိုင်ပြီး ထိုင်နေရင်း ခြေဆန့်လက်ဆန့်လေး လုပ်ပေးခြင်းဖြင့် သင့်ရဲ့ကျန်းမာရေးကို ဂရု စိုက်ကြပါစို့။