[Rico’s Vlog] 橫須賀旅遊攻略：探訪三笠號與本地美食推介！日本旅行自由行 繁體中文字幕 廣東話旁述 скачать в хорошем качестве

[Rico’s Vlog] 橫須賀旅遊攻略：探訪三笠號與本地美食推介！日本旅行自由行 繁體中文字幕 廣東話旁述

大家好！上集帶大家遊覽咗三浦半島嘅三浦市，今集我哋會介紹另一個位於三浦半島嘅迷人城市——橫須賀！喺影片開始之前，麻煩大家訂閱一下呢個Channel，多謝支持！ 橫須賀市位於三浦半島嘅北部，神奈川縣嘅東南部，係東京灣入口，擁有悠久嘅軍事歷史。由於呢度有美軍駐守，所以市內到處都可以見到英文標示，甚至會聽到有人用英文溝通。橫須賀嘅特色之一係佢出名嘅漢堡包，所以我哋嘗試咗當地嘅漢堡包，真係大到超乎想像！ 喺Yokosuka Port Market，我哋見到好多與軍事有關嘅手信，之後仲參觀咗歷史悠久嘅三笠號戰艦。三笠號係一艘曾經喺多場戰役中大放異彩嘅海軍戰艦，現時已經成為紀念艦，讓遊客可以了解更多有關戰艦嘅歷史。 遊覽商店街嘅時候，我哋見到咗橫須賀外套呢款充滿東西文化結合嘅服裝，仲學到佢嘅歷史背景。之後，我哋喺Verny公園附近嘅展望台觀賞軍事基地嘅風景，感受咗橫須賀獨特嘅軍事氣息。 晚上，我哋去咗一間細細嘅Omakase壽司店，體驗咗一場既美味又有趣嘅晚餐，仲識到咗新朋友。呢間餐廳令我哋對Omakase有咗更深嘅認識，如果你對日本料理有興趣，一定要嚟試吓！ 最後，提提大家，如果想遊覽橫須賀市嘅其他景點，可以考慮買京急電鐵發售嘅橫須賀超值觀光一日套票，性價比超高！有關資料已經放喺資訊欄，需要嘅朋友可以睇睇！ 希望大家喜歡呢集橫須賀之旅，如果你都有類似嘅經驗，記得喺留言區分享俾大家知啦！ 橫須賀軍港遊船 https://yokosuka-gunko.jp/ 鮨 ENJI   / sushienji   橫須賀滿喫套票 https://www.keikyu.co.jp/visit/otoku/... 到咗50歲,你會做啲乜？ 係到介紹一下自己,我叫力高,係香港生活啱啱夠50年,古語有云,五十而知天命,解釋為到咗五十歲，已經清楚知道老天爺對自己有乜差遣，達到「樂天知命」嘅境界！我嘅職業係一個侍應生,做咗32年,係2023中我服務嘅餐廳結業,我就諗咗大半年,究竟跟住要做乜嘢工作？ 首先考慮嘅係自己嘅年齡,到咗50歲,可以正正常常,健健康康,識行識走嘅日子大概有20年,我相信到咗70歲後,唔多唔少身體機能會限制自己想做嘅事！ 第二樣考慮嘅係,既然做咁耐都仲未發達,係忠於自己之下,有乜嘢我想做而又未去做？ 結果係,我想做Youtuber! 過去係餐廳工作時,我主要職責係同同事及客人溝通,而我係工作中最大滿足感係分享經驗,同我理解Youtuber嘅主要工能差不多,都係分享經驗,所以我就開始研究乜嘢係Youtuber! 想知我嘅研究結果,麻煩訂閱我一下,多謝各位！