Os Teixois - 2008 скачать в хорошем качестве

Os Teixois - 2008

Os Teixois… Ese lugar de Taramundi… esa raia que só está no mapa… esa xente do País… Revisando arquivo atopei esta pequena xoia do ano 2008. As cousas de andar cunha cámara na funda das gaitas e ser consciente de que cruzaba Galiza e pousaba en lugares onde pasaban cousas que ou vivíalas xa ou chegabas tarde. Así esta noite de magosto aínda me atopei unha vez máis con César de Leituego, Otilio da Burela, Modesto de Murias, Nela de Bres, Constante de Vilar de Calvos ou Manuel “O Asturianín”, que baixo os teitos protectores de Casa Paulino e de Luis de Os Teixois eran acollidos, xunta nós os de fóra aínda que da casa, para compartir tocata, baile, festa e castañas… Richard de Goente, Sandra Tamayo, Luis Caruncho, Patri de Saiáns, Bieito Lobariñas, Alex dos Folieiros, Suso de Zurrumalla, Xosé Maceda, Sito Carracedo… e tantos e tantas outras que como unha tribu nómada que buscaba sustento onde sabía que o había, movíase para dar ao longo das noites e dos días as quendas nos instrumentos, para que na festa se nos fixese de noite e volvese facer o día sen parar de tocar, bailar e cantar. Un luxo todo o que pasou, e o que virá… xa se verá!!