🇭🇰 歷經五年時間製作 以專輯療癒樂迷心靈 —— Nowhere Boys《Letters of Nowhere》專輯訪談 🎵 скачать в хорошем качестве

🇭🇰 歷經五年時間製作 以專輯療癒樂迷心靈 —— Nowhere Boys《Letters of Nowhere》專輯訪談 🎵

. #20260114 #chatoftheday . 🇭🇰 歷經五年時間製作 以專輯療癒樂迷心靈 —— Nowhere Boys《Letters of Nowhere》專輯訪談 🎵 . Nowhere Boys 出道十週年嘅音樂企劃真係一浪接一浪，除咗搞咗一個期間限定店 NWB Post Office 之外，啱啱亦推出咗佢哋嘅第六張專輯《Letters of Nowhere》。今次訪談就由幾位成員同大家親自開箱！ . 呢張專輯可以話係藝術性定音樂性兼備，一拎上手大家已經會感覺到呢張專輯嘅溫度。首先封面嘅郵票係逐張逐張貼上去再蓋印，就好似真係拎住一封信咁，字體亦係由主音 Van 嘅太太 Wendy 親自設計。然後再打開内頁睇，就會見到除咗平時會有嘅歌詞書仔之外，仲有每位成員寫俾樂迷嘅明信片，用文字紀錄佢哋出道十年間同樂迷一齊渡過嘅旅程。至於音樂方面，呢張專輯亦見證咗 Nowhere Boys 喺音樂製作上嘅成長，由佢哋主打嘅電影式搖滾，到其他唔同風格嘅音樂佢哋都能夠一手包辦。佢哋都不約而同咁話呢隻碟暫時係最代表到佢哋嘅作品，希望大家聽完歌之後，都會去唱片店支持實體唱片🙌🏻🙌🏻 . 最近 Nowhere Boys 仲公佈咗一樣令人期待嘅消息，就係佢哋即將喺嚟緊 1 月 30 號，喺中環 AIA 嘉年華大帳幕舉辦《Letters of Nowhere - The Concert》專場！今次專場將會係 NWB Post Office 一晚嘅限定復活，對於佢哋嚟講，能夠用現場表演嘅方式，將呢張籌備咗五年嘅專輯實體咁呈現俾樂迷係好有意義嘅事。專場嘅門票現已公開發售，希望大家睇完訪談之後都會買飛入場支持，因為聽 CD 同現場睇 live band 係兩種完全唔同嘅感覺，觀眾入到場一定會更立體咁體現到呢張專輯帶俾大家嘅能量🇭🇰🎵 . 《Letters of Nowhere - The Concert》 🗓️ 日期 ｜30.01.2026 (Friday) 🕗 時間 TIME｜8 PM 📍 場地 VENUE｜The Big Top @ AIA Carnival 友邦嘉年華 大帳幕 🎫 票價 PRICES｜HK$798 / HK$698（全場坐位 - 自由座 Free Seating） ＊每張門票均包括進入友邦嘉年華的權限＊ 🔗售票連結：https://aboutnowent.kktix.cc/events/j... 訪談 Credit : Hair: @nasakichu Makeup: @phoebelll . chatoftheday hkmusic 香港音樂 #NowhereBoys #專輯 #專場 #LettersOfNowhere