საფრთხის შემცველი განცხადებები - გამოძიება სუს-ში скачать в хорошем качестве

საფრთხის შემცველი განცხადებები - გამოძიება სუს-ში

სახელმწიფო უსაფრთხოების სამსახური გამოძიებას იწყებს. უწყებას კითხვები აქვს მათთან, ვინც ირწმუნება, რომ საქართველოში სხვა ქვეყნების მიერ ტერორისტების და მათთან დაკავშირებული პირების მომზადება და რეკრუტირება ხდება. გამოძიების ინტერესი  თავდაპირველად თავდაცვის ყოფილი მინისტრის - თინა ხიდაშელისა და ოპოზიციონერი პოლიტიკოსის - გუბაზ სანიკიძის განცხადებებმა გამოიწვია, თუმცა, როგორც ჩანს, გამოსაკითხ პირთა წრე ფართოვდება. ადრესატებმა „მოამბეს“ უთხრეს, რომ სუს-ის ინტერესის მიუხედავად, გამოძიების კითხვებს მხოლოდ მაგისტრატი მოსამართლის წინაშე უპასუხებენ. საგამოძიებო უწყება იმ საჯარო განცხადებებით დაინტერესდა, რომელთა  შინაარსშიც ტერორიზმის მიმართულებით მინიშნება და საქართველოს სახელმწიფოს დადანაშაულება იკითხებოდა. ხელისუფლების მიმართ ბრალდებებში ხიდაშელი და სანიკიძე მარტო არ არიან, მძიმე ანგარიში ჰადსონის ინსტიტუტმაც გამოაქვეყნა, რომლის თანაავტორიც „ნაციონალური მოძრაობის“ ყოფილი წევრი გიორგი კანდელაკია, ის თბილისს თეირანთან მჭიდრო თანამშრომლობაში ადანაშაულებს და ირანისთვის სანქციების გვერდის ავლის ცენტრად მოიხსენიებს. კანდელაკსა და ხიდაშელს საგამოძიებო უწყება მაგისტრატი მოსამართლის წინაშე ხვალ გამოკითხავს. დღის ბოლოს ცნობილი გახდა ისიც, რომ ამავე გამოძიების ფარგლებში გამოკითხვაზეა დაბარებული გივი თარგამაძეც. დეტალებით, თამარ წიკლაური ჩაგვერთვება და გვეტყვის, რა არის ცნობილი გუბაზ სანიკიძის გამოკითხვასთან დაკავშირებით. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.