گەرد و گوڵی بەیان بوو سەبا کیتابی هێنا || هەڵگورد کەمال و محمد عەزیز скачать в хорошем качестве

گەرد و گوڵی بەیان بوو سەبا کیتابی هێنا || هەڵگورد کەمال و محمد عەزیز

پێنج خشتەکی فایەق بێکەس لەسەر غەزەلێکی سالم گەرد و گوڵی بەیان بوو سەبا کیتابی هێنا لەو یارە نازدارەوە ڕاز و عیتابی هێنا لە خۆشییا کە قاسید هات و جەوابی هێنا «ساقی لەپەردە دەرهات جامی شەرابی هێنا دڵ خیرە ما لە حیرەت مەهـ ئافتابی هێنا» *** بیستومە ئیمڕۆ دولبەر تەشریفی چۆتە سەیران هەستام و چوومە سەحرا منیش بەیادی جاران هۆشم نەما کە بیینم لۆمەم مەکەن ڕەفیقان «یەک زەڕە عەکسی پڕتە و دەرکەوت و تووری سووتان ئایینە سەخت ڕووبوو لەو عەکسە تابی هێنا» *** واقەوم و خۆیش تەبیبیان هێنا و هاتن بەدەستە دەستێکی دا لە دەستم فەرمووی کە چیتە هەستە وتم دەرمانی دەردم لای تۆ نییە مەوەستە تیماری چاکی سینەم ڕاجیع بەچاوی مەستە «بەختیش موافیقی عەشق بۆ من خرابی هێنا» *** لە کۆڕی بەزم و ڕەزما، لە حاڵەتێکی مەستا دانیشتبووم لەناکاو عوود و کەمانە وەستا لە حیرەتا سەراپا مەجلیس عوموومی هەستا «یارم لە ئەندەروون هات دەستی ڕەقیب لە دەستا غەمناک و شادمانم، ڕەحمەت عەزابی هێنا» *** دەستم لە بادە هەڵگرت ساز و نەیم فڕێ دا ترسی قیامەتم بوو ڕوو ڕەش نەبم لەوێدا بەرماڵم گرتە کۆڵ و توند لە ملم گرێ دا «بۆ تۆبە سوویی مەجلیس هاتم بچم، لە ڕێدا بۆ کۆیی مەی فرۆشان قیسمەت شیتابی هێنا» *** جەمالی تۆیە فکری بەئێمە بەخشی نەشمیل دڵ بەندی تۆم و دائیم غەمبار و پەستم و دیل مەحروومی دیدەنیتم دووچاری عیللەتی سیل «ڕوو هەر لە من ئەپۆشی و، حاڵی یەکە جیبریل هەر خاسە بۆ من و ئەو ئایەی حیجابی هێنا» *** بەئاخ و داخی تۆوە شەو تا سەحەر ئەدەم تل نەختێ لە خوا بترسە ئەی چاو ڕەشەی شل و مل ئۆباڵی من بەئەستۆت بەسیە نەما تەحەممول «وەی وەی چ مەجلیسێ بوو، بەهـ بەهـ لە دیدە و دڵ دولبەر شەرابی گێڕا، سالم کەبابی هێنا» 🔷 بەرھەمی تەكیەی شێخ حسێن شێخ كاكە حەمەی كەسنەزانی لە پێنجوێن🔷 🔶 مەداح: کاک هەڵگورد کەمال - مامۆستا هێمن مەنوچەهر 🔶 🔹 تكایە دووربە لە دووبارە دابەزاندن و بڵاوكردنەوەی ئەم بەرھەمانە لە چەناڵی یوتیوب🔹 پێنجوێن ١١-١٢-٢٠٢٥