ചിന്താവിഷ്ടയായ സീത| കുമാരനാശാൻ വീഡിയോ -ഭാഗം -1 ആദിമലയാളം| ആദില കബീർ скачать в хорошем качестве

ചിന്താവിഷ്ടയായ സീത| കുമാരനാശാൻ വീഡിയോ -ഭാഗം -1 ആദിമലയാളം| ആദില കബീർ

ചിന്താവിഷ്ടയായ സീത| കുമാരനാശാൻ വീഡിയോ -ഭാഗം -1 ആദിമലയാളം| ആദില കബീർ ആദിമലയാളം ടെലിഗ്രാം ഗ്രൂപ്പിലേക്ക് സ്വാഗതം: https://t.me/+fuk4wbXhuJI3NGVl മലയാള സാഹിത്യത്തിലെ മഹാകാവ്യങ്ങളിൽ ഒന്നായ കുമാരനാശാന്റെ 'ചിന്താവിഷ്ടയായ സീത' ആധുനിക സ്ത്രീപക്ഷ ചിന്തകളുടെ കരുത്തുറ്റ ആവിഷ്കാരമാണ്. രാമനാൽ ഉപേക്ഷിക്കപ്പെട്ട സീത, തന്റെ ജീവിതത്തെയും നേരിട്ട അനീതികളെയും കുറിച്ച് പുനർചിന്തനം നടത്തുന്നതാണ് ഈ കൃതിയുടെ കാതൽ. ഇതിലെ സീത ഭയഭക്തിയോടെ മുട്ടുകുത്തി നിൽക്കുന്ന ഒരു ദേവിയല്ല, മറിച്ച് തന്റെ സ്വാഭിമാനത്തെക്കുറിച്ച് ബോധവതിയായ, ഭരണകൂടത്തോടും പുരുഷാധിപത്യത്തോടും ചോദ്യങ്ങൾ ഉന്നയിക്കുന്ന ഒരു വിപ്ലവകാരിയാണ്. നീതിരഹിതമായ ലോകത്തോടുള്ള പരിഭവവും ആത്മസംഘർഷങ്ങളും നിറഞ്ഞ സീതയുടെ മനോവിചാരങ്ങളിലൂടെ ഭാരതീയ സ്ത്രീത്വത്തിന്റെ പുതിയൊരു മുഖം ആശാൻ ഇതിൽ അനാവരണം ചെയ്യുന്നു. ലൗകികമായ ബന്ധനങ്ങളിൽ നിന്ന് മോചിതയായി ആത്മീയമായ ഔന്നത്യത്തിലേക്കും ഒടുവിൽ ഭൂമിദേവിയുടെ മടിത്തട്ടിലേക്കും മടങ്ങുന്ന സീത, താൻ നേരിട്ട അപമാനങ്ങൾക്കും ദുരനുഭവങ്ങൾക്കും മൗനത്തിലൂടെയും മരണത്തിലൂടെയും ശക്തമായ പ്രതിഷേധം രേഖപ്പെടുത്തുന്നു. ആദ്യ 35 ഖണ്ഡങ്ങൾ മാത്രമാണ് ഈ വീഡിയോയിൽ ഉൾപ്പെടുത്തിയിട്ടുള്ളത്. വരും വീഡിയോകളിൽ കവിത മുഴുവനായി തീർക്കാൻ ശ്രമിക്കാം. ഉപകരിക്കുന്നവർക്ക് വീഡിയോ എത്തിച്ച് കൊടുക്കാൻ മറക്കരുതേ... ഭാഗം 1 സുതർ മാമുനിയോടയോദ്ധ്യയിൽ ഗതരായോരളവന്നൊരന്തിയിൽ അതിചിന്ത വഹിച്ചു സീത പോയ് സ്ഥിതി ചെയ്താളുടജാന്തവാടിയിൽ. 2 അരിയോരണിപന്തലായ് സതി- ക്കൊരു പൂവാ‍ക വിതിർത്ത ശാഖകൾ; ഹരിനീലതൃണങ്ങൾ കീഴിരു- ന്നരുളും പട്ടു വിരിപ്പുമായിതു. 3 രവി പോയി മറഞ്ഞതും സ്വയം ഭുവനം ചന്ദ്രികയാൽ നിറഞ്ഞതും അവനീശ്വരിയോർത്തതില്ല, പോ- ന്നവിടെത്താൻ തനിയേയിരിപ്പതും. 4 പുളകങ്ങൾ കയത്തിലാമ്പലാൽ തെളിയിക്കും തമസാസമീരനിൽ ഇളകും വനരാജി, വെണ്ണിലാ- വൊളിയാൽ വെള്ളിയിൽ വാർത്തപോലെയായ്. 5 വനമുല്ലയിൽനിന്നു വായുവിൻ ഗതിയിൽ പാറിവരുന്ന പൂക്കൾപോൽ ഘനവേണി വഹിച്ചു കൂന്തലിൽ പതിയും തൈജസകീടപംക്തിയെ -6 പരിശോഭകലർന്നിതപ്പൊഴാ- പ്പുരിവാർകുന്തളരാജി രാത്രിയിൽ തരുവാടിയിലൂടെ കണ്ടിടു- ന്നൊരു താരാപഥഭാഗമെന്നപോൽ. 7 ഉടൽമൂടിയിരുന്നു ദേവി, ത- ന്നുടയാടത്തളിരൊന്നുകൊണ്ടു താൻ വിടപങ്ങളൊടൊത്ത കൈകൾതൻ തുടമേൽ‌വെച്ചുമിരുന്നു സുന്ദരി. 8 ഒരു നോട്ടവുമെന്നി നിന്നിതേ വിരിയാതല്പമടഞ്ഞ കണ്ണുകൾ, പരുഷാളകപംക്തി കാറ്റിലാ- ഞ്ഞുരസുമ്പോഴുമിളക്കമെന്നിയേ. 9 അലസാംഗി നിവർന്നിരുന്നു, മെ- യ്യലയാതാനതമേനിയെങ്കിലും; അയവാർന്നിടയിൽ ശ്വസിച്ചു ഹാ! നിയമംവിട്ടൊരു തെന്നൽമാതിരി. 10 നിലയെന്നിയെ ദേവിയാൾക്കക- ത്തലതല്ലുന്നൊരു ചിന്തയാം കടൽ പലഭാവമണച്ചു മെല്ലെ നിർ- മ്മലമാം ചാരുകവിൾത്തടങ്ങളിൽ. 11 ഉഴലും മനതാരടുക്കുവാൻ വഴികാണാതെ വിചാരഭാഷയിൽ അഴലാർന്നരുൾചെയ്തിതന്തരാ മൊഴിയോരോന്നു മഹാമനസ്വിനി. 12 “ഒരു നിശ്ചയമില്ലയൊന്നിനും വരുമോരോ ദശ വന്നപോലെ പോം വിരയുന്നു മനുഷ്യനേതിനോ; തിരിയാ ലോകരഹസ്യമാർക്കുമേ 13 തിരിയും രസബിന്ദുപോലെയും പൊരിയും നെന്മണിയെന്നപോലെയും, ഇരിയാതെ മനം ചലിപ്പു ഹാ! ഗുരുവായും ലഘുവായുമാർത്തിയാൽ , 14 ഭുവനത്തിനു മോടികൂട്ടുമ- സ്സുഖകാലങ്ങളുമോർപ്പതുണ്ടു ഞാൻ അവ ദുർവിധിതന്റെ ധൂർത്തെഴും മുഖഹാസങ്ങൾ കണക്കെ മാഞ്ഞതും. 15 അഴലേകിയ വേനൽ പോമുടൻ മഴയാം ഭൂമിയിലാണ്ടുതോറുമേ പൊഴിയും തരുപത്രമാകവേ, വഴിയേ പല്ലവമാർന്നു പൂത്തിടും 16 അഴലിന്നു മൃഗാദി ജന്തുവിൽ പഴുതേറീടിലു, മെത്തിയാൽ ദ്രുതം കഴിയാമതു-മാനഹേതുവാ- ലൊഴിയാത്താ‍ർത്തി മനുഷ്യനേ വരൂ. 17 പുഴുപോലെ തുടിക്കയല്ലി, ഹാ! പഴുതേയിപ്പൊഴുമെന്നിടത്തുതോൾ; നിഴലിൻ‌വഴി പൈതൽ‌പോലെ പോ- യുഴലാ ഭോഗമിരന്നു ഞാനിനി. 18 മുനിചെയ്ത മനോജ്ഞകാവ്യമ- മ്മനുവംശാധിപനിന്നു കേട്ടുടൻ അനുതാപമിയന്നിരിക്കണം, തനയന്മാരെയറിഞ്ഞിരിക്കണം. 19 സ്വയമേ പതിരാഗജങ്ങളാം പ്രിയഭാവങ്ങൾ തുലഞ്ഞിടായ്കിലും, അവ ചിന്തയിലൂന്നിടാതെയായ് ശ്രവണത്തിൽ പ്രതിശബ്ദമെന്നപോൽ. 20 ക്ഷണമാത്രവിയോഗമുൾത്തടം വ്രണമാ‍ക്കുംപടി വാച്ചതെങ്കിലും പ്രണയം തലപൊക്കിടാതെയി- ന്നണലിപ്പാമ്പുകണക്കെ നിദ്രയായ്. malayalam,aadimalayalam,malayalam channel,language malayalam,malayalam academy,ആദില കബീര്‍,malayalam online class,psc malayalam,ldc malayalam,malayalam civil service,malayalam exams,malayalam degree, aadimalayalam,adila kabeer,civil service class malayalam,hsa malayalam,malayalam degree,malayalam language,malayalam language class,malayalam subject,net jrf,psc malayalam,ugc net malayalam,ആദി,ആദിമലയാളം,ആദില കബീര്‍,മലയാളം ക്ലാസ്,സിവില്‍ സര്‍വീസ് മലയാളം,malayalam learning,learn malayalam,use of malayalam,importance of malayalam,linguistics,grammar, q and a with aadi, aadimalayalam, adila kabeer, books 2021, books to read, dc books, malayalam book, malayalam boosk to buy, malayalam language, malayalam poetry books, malayalam publishers, malayalam stories, malayalam writer, mathrubhoomi books, new book, new malayalam book, puthan pusthakam, ആദി മലയാളം, ആദിലകബീര്‍, പുത്തന്‍ പുസ്തകം, kadhakal, must read malayalam stories, short story malayalam, story writer malayalam, കഥകള്, മലയാള ചെറുകഥ, മലയാളകഥ, കവിത, കുമാരനാശാൻ, ആശാൻ, ചിന്താവിഷ്ടയായ സീത, സീത, ചിന്ത, മഹാകവി, മഹാകാവ്യം, 🔖 𝔻𝕀𝕊ℂ𝕃𝔸𝕀𝕄𝔼ℝ:- 𝔸𝕝𝕝 𝕥𝕙𝕖 𝕔𝕠𝕟𝕥𝕖𝕟𝕥 𝕡𝕦𝕓𝕝𝕚𝕤𝕙𝕖𝕕 𝕠𝕟 𝕥𝕙𝕚𝕤 𝕔𝕙𝕒𝕟𝕟𝕖𝕝 𝕚𝕤 𝕡𝕣𝕠𝕥𝕖𝕔𝕥𝕖𝕕 𝕦𝕟𝕕𝕖𝕣 𝕥𝕙𝕖 ℂ𝕆ℙ𝕐ℝ𝕀𝔾ℍ𝕋 𝕃𝔸𝕎 𝕒𝕟𝕕 𝕤𝕙𝕠𝕦𝕝𝕕 𝕟𝕠𝕥 𝕓𝕖 𝕦𝕤𝕖𝕕 / 𝕣𝕖𝕡𝕣𝕠𝕕𝕦𝕔𝕖𝕕 𝕚𝕟 𝕗𝕦𝕝𝕝 𝕠𝕣 𝕡𝕒𝕣𝕥 𝕨𝕚𝕥𝕙𝕠𝕦𝕥 𝕥𝕙𝕖 𝕔𝕣𝕖𝕒𝕥𝕠𝕣'𝕤 (𝔸𝕕𝕚𝕝𝕒 𝕂𝕒𝕓𝕖𝕖𝕣) 𝕡𝕣𝕚𝕠𝕣 𝕡𝕖𝕣𝕞𝕚𝕤𝕤𝕚𝕠𝕟.