“ပန်းတွေနဲ့ဝေ”ကို “ပန်းရှိုက်သံ”အဖြစ် ပြန်ရိုက်ခဲ့တာက ကိုဝဏ္ဏရဲ့ပညာကို လေးစားလို့ - ဦးထူးသာ скачать в хорошем качестве

“ပန်းတွေနဲ့ဝေ”ကို “ပန်းရှိုက်သံ”အဖြစ် ပြန်ရိုက်ခဲ့တာက ကိုဝဏ္ဏရဲ့ပညာကို လေးစားလို့ - ဦးထူးသာ

“ပန်းတွေနဲ့ဝေ”ကို “ပန်းရှိုက်သံ”အဖြစ် ပြန်ရိုက်ခဲ့တာက ကိုဝဏ္ဏရဲ့ပညာကို လေးစားလို့၊ ကိုဝဏ္ဏကို ချစ်လို့။ ကိုဝဏ္ဏရဲ့ပညာကို မမီမှန်း သိတယ်၊ ဖဲစကားနဲ့ပြောရရင် နဂိုကတည်းက အောက်ပြုတ်နဲ့ ရိုက်လိုက်တာ - ဦးထူးသာ(သရုပ်ဆောင်၊ ဒါရိုက်တာ) ------------------------- ““ပန်းတွေနဲ့ဝေ”ကို “ပန်းရှိုက်သံ”အဖြစ် ဦးထူး ပြန်ရိုက်ချိန်မှာ အဲ့ဒီရုပ်ရှင်ကို မေ့ထားလိုက်ရတယ်။ “ပန်းရှိုက်သံ”က ဦးထူးအတွက် အရမ်းကို တာဝန်ကြီးတဲ့ဇာတ်ကားပါပဲ။ ဒီဇာတ်ကားကို “ပန်းတွေနဲ့ဝေ”အဖြစ် ဦးညွန့်ဝင်းနဲ့ ဒေါ်ခင်ယုမေ တို့ ရိုက်ကူးခဲ့တဲ့အချိန်မှာ အရမ်းကို အောင်မြင်ခဲ့တဲ့ကား။ သို့သော် ဦးထူး ပြန်ရိုက်တဲ့အချိန်မှာ အဲ့ဒီရုပ်ရှင်ကားကို မေ့ထားလိုက်ရတယ်။ “ပန်းတွေနဲ့ဝေ”အဖြစ် ရိုက်ခဲ့တဲ့အချိန်က ပိုက်ဆံလည်း ရတယ်၊ အနုပညာအရလည်း အောင်မြင်တယ်။ သောက်သောက်လဲကို အောင်မြင်တဲ့ကားကို ဦးထူး ပြန်ရိုက်တဲ့အချိန်မှာ တော်တော် တာဝန်ကြီးတယ်။ နောက်တစ်ခုက ဦးထူး ကံဆိုးတယ်ပေါ့၊ ကံကောင်းတယ်လို့ မပြောချင်ဘူး၊ ကံဆိုးတယ်၊ ဦးဝဏ္ဏရဲ့ဝတ္ထုကို ဦးထူး ပြန်ရိုက်ရတဲ့အချိန်မှာ ဦးဝဏ္ဏ မရှိတော့ဘူး။ “မင်းက ဒီနေရာက ဒီလို အသုံးမကျတာ၊ ဒီလို လုပ်ပါလားကွ”လို့ ကိုဝဏ္ဏ ပြောတာကို ခံချင်ခဲ့တာ။ ဦး အပြောမခံလိုက်ရဘူး။ နဂိုမူလ “ပန်းတွေနဲ့ဝေ”ကို ကြည့်ထားကြတဲ့သူတွေကတော့ ဒီကောင်က ဦးဝဏ္ဏကိုများ သွားပြီး ခြေရာတိုင်းလို့ဆိုပြီး ပြောတာတွေလည်း ရှိတာပေါ့။ တကယ်က မဟုတ်ရပါဘူးဗျာ။ ဦးဝဏ္ဏက ခေါင်းပေါ်မှာကို ရှိထားတယ်။ ဦးထူးက အောက်မှာပဲ။ သို့သော် အစ်ကို့ကို အမှတ်တရအနေနဲ့ ရိုက်တဲ့ကား၊ အဲ့လိုကို ဦးက မှန်းထားတာ။ ပြောနေရင်းတောင် မျက်ရည်ဝဲသွားတယ်။ ဘာလို့လဲဆိုတော့ သတိရလို့။ သူ့ကို ချစ်တာ။ သူ့ပညာကို လေးစားတာ။ သူ့ပညာကို မမီမှန်း သိတယ်။ ဖဲစကားနဲ့ပြောရရင် နဂိုကတည်းက အောက်ပြုတ်နဲ့ ရိုက်လိုက်တာ” - ဦးထူးသာ(သရုပ်ဆောင်၊ ဒါရိုက်တာ) #Mercury_Media #Mercury_Entertainment #Mercury_Exclusive_Interview #Mercury_Lifestory #U_Htoo_Thar #Actor_Director #Celebrity #Myanmar #Pann_Shite_Than