Ye Puranamulu - Annamayya Sankeerthana (ఏ పురాణముల - అన్నమయ్య సంకీర్తన) Lyrics скачать в хорошем качестве

Ye Puranamulu - Annamayya Sankeerthana (ఏ పురాణముల - అన్నమయ్య సంకీర్తన) Lyrics

ఏ పురాణముల - అన్నమయ్య సంకీర్తన (Ye Puranamulu - Annamayya Sankeerthana) Singer – Vanijairam garu; Composer - G Nageswara Naidu garu; (Courtesy - TTD & Sri Venkateswara Recording Project) Ragam - Gowri Manohari Lyrics - ఏ పురాణముల నెంత వెదకినా శ్రీపతిదాసులు చెడరెన్నఁడును హరివిరహితములు అవి గొన్నాళ్ళకు విరసంబులు మరి విఫలములు నరహరిఁ గొలిచిటు నమ్మిన వరములు నిరతము లెన్నఁడు నెలవులు చెడవు కమలాక్షుని మతిఁగానని చదువులు కుమతంబులు బహుకుపథములు జమళి నచ్యుతుని సమారాధనలు విమలములే కాని వితథముగావు శ్రీవల్లభుగతిఁ జేరని పదవులు దావతులు కపటధర్మములు శ్రీవేంకటపతి సేవించు సేవలు పావనము లధికభాగ్యపు సిరులు భావామృతం ఓ భక్తులారా! మీరు ఏ పురాణాలు, యెంత చదివినా ఒక్కటే సత్యం తెలుస్తుంది. అదే.. శ్రీహరి భక్తులు ఎన్నటికీ చెడిపోరు. వారికి యెప్పుడూ మేలే జరుగుతుంది. హరిదాసులకు అనర్ధమే జరుగదు. శ్రీహరికి చెందని ఏదయినా కొన్నాళ్లకు విరసములై ఆ ప్రయత్నాలన్నీ విఫలమైపోతాయి. నరసింహుని అవతారం దాల్చిన శ్రీమన్నారాయణుని నమ్మిసేవిస్తే ఆయన ఇచ్చే వరములు నిరంతరమైనవి. అవి సుస్థిరమైనవి. పద్మదళాయతాక్షుడైన పద్మనాభుని ఆత్మలో దర్శించుట నేర్పని చదువులు వ్యర్థం కదా! అవి చెప్పే మార్గములన్నీ చెడుమార్గములే కదా! ఆ మతములన్నీ చెడు మతములే కదా! అచ్యుతునికి చేసె సమారాధనలు (బాగుగా ఆరాధించుట) అతి నిర్మలములై అనేకములైన మేళ్లను చేస్తాయి. అవి అసత్యమైన మాటలు కావు. శ్రీహరి మార్గంలో పోకుండిన ఏ పదవియైన ప్రయాసతో కూడిన చెడుదారియే. ఆ మార్గమే అనవసరం. అది మోసపూరిత ధర్మమే. శ్రీవేంకటేశ్వరుని సేవించే సేవమాత్రమే పుణ్యప్రదమైనసేవ. అదే అనంతమైన సిరిసంపదలను, మహాద్భాగ్యమును ప్రసాదిస్తుంది. ఇది సత్యం. (సంకీర్తనమునకు భావవాణి… శ్రీ అమరవాది సుబ్రహ్మణ్య దీక్షితులు గారు)