NYON WAM ETAM WA SIKI MA DZAM NYII (Psaume 21) скачать в хорошем качестве

NYON WAM ETAM WA SIKI MA DZAM NYII (Psaume 21)

A/C: Victor Emmanuel MENDO TEXTE : ‎Meyebe : Nyon wam etam wa siki ma dzam nyii, a Zamba wama kudu te ma ngòl a Nti adze w’adzoge ma a Nti e ? ‎ ‎1. Tege fô ye babi y’akode ma, bibug ma tad ai bia a Nti zaag, nyôn wam etam one zeze, adze w’adzoge ma a Nti e ? ‎ ‎ ‎2. A Zamba wam o, ai mos, melôn fô wa tege ai eyalan, ai alu ase o, tege y’avoñbo, adze w’adzoge ma a Nti e ? ‎ ‎ ‎3. One Mfufub o, a Nti Mfufub, wa y’otoa a Mfufub etòbègò. A duma Israel o, adze w’adzoge ma a Nti e ? ‎ ‎ ‎4. Wa be Tara befidigi fô, benga fidi wa ndò onga nyii bò. Atarigi kòm a ana m’afidi wa Nti, adze w’adzoge ma a Nti e ? ‎ ‎ ‎5. Wa be Tara belònò bikiga, benga lòn wa, ndò onga kode bò. Wogo te ma kiñ a Nkom bod o, adze w’adzoge ma a Nti e ? ‎ ‎ ‎6. Mentoa ya sòn si, siki fe mod, ewoe-le-bod y’emo-minlàn. Mentoa ya ekowoa y’ayon o, adze w’adzoge ma a Nti e ? ‎ ‎ ‎7. Ba man kaban biwoman biam, biwoman biam Nna anga tiñ ma o. Be dzedza bêto badò abia ai bia, adze w’adzoge ma a Nti e ? ‎ ‎ ‎8. E bod bese ba yen ma he kpele, betsònigi menyu maban, be sigzi minlo. Anga fudi ndi dzie abe Ntondobe, azaa nye kode va nge adiñ nye, adze w’adzoge ma a Nti e ? ‎ ‎ ‎9. W’onga kuli ma abum be Nna o, ove fe ma rebè ma Nana. Atarigi abum wa obaala ma, adze w’adzoge ma a Nti e ? ‎ ‎ ‎10. Kodege nsisim wam a Nti, oza ke andzañ kòm a Zamba. W’one asòbò dam ai Nkode wam o, adze w’adzoge ma a Nti e ? ‎ ‎ ‎11. Mina ya mi’ambara Ntondobe, tsaman olugu woe akele kui a nyie si. Wuman dzoe die a meyôn mese. Nti ane nnem ngòl, ane mvam abui. a Nti, eh ! ‎ ‎ ‎ ‎Coda (Ntañan) : Bikiga biman m’abum m’alòn wa a Nti ! ‎Bese : Zaa e, a Nti zaa. Mayem ne one nnem ngòl ai bidzuga. E nyô afidi ane tege sama a Nti. Zaa me kode engòngòl a Nti, yene ma engòngòl. ‎ #gospelmusic #cameroun #music #africa #musique #choir #christmas #love #voiceeffects