" आप उन्दन्तु " वर्णक्रमः । скачать в хорошем качестве

" आप उन्दन्तु " वर्णक्रमः ।

వివృత్తివిరామము - 6 వర్ణక్రమవివేకసూర్యోదయః - 76 " ఆప ఉన్దన్తు " అనెడి యజుర్వేద పదమునకు వర్ణక్రమము. వివృత్తివిరామ ప్రకరణము - 6 పాకవతీసంజ్ఞక వివృత్తివిరామము - 1 पाकवतीसंज्ञकविवृत्तिविरामः - 1 వివృత్తివిరామము - 6 వివృత్తివిరామములో భాగముగా నాలుగవ వివృత్తి గురించి ఈ భాగములో తెలుసుకుందాము. వివృత్యష్టకములో నాలుగవ వివృత్తి పేరు పాకవతీ వివృత్తివిరామము. పూర్వపు భాగములలో చెప్పుకున్నట్టుగా వివృత్తి విరామము స్వరూపమేమిటి ? అనగా " ద్వయోరచోరసంధిస్తు వివృత్తిరితి కథ్యతే " అని మఞ్జరీకారులు బోధించారు. అనగా రెండు అచ్ వర్ణములయొక్క సంధ్యభావమే (కలువకపొవుటయే) వివృత్తి అనబడును. ఇక ఈ పాకవతీసంజ్ఞక వివృత్తివిరామముయొక్క లక్షణము ఏమనగా కౌండిన్యశిక్షాకారులు ఈ విధముగా బోధించారు. " పూర్వే యత్రోత్తరే చైవ హ్రస్వో యది భవేత్తదా । పాదోనమాత్రికా తత్ర సాహి పాకవతీ స్మృతా ॥ - (కౌ.శి.177,178) అర్థము - ఎచ్చటైతే పూర్వపదాన్తమందు ఉత్తరపదాదియందు కల రెండు అచ్చులు హ్రస్వములగునో అట్టి స్థలములో ఆ రెండిటి మధ్య ఉన్న విసర్గ యకారాదేశముపొంది, ఆ యకారము లోపించి, పిమ్మట ప్రసక్తమైన సవర్ణదీర్ఘసంధి నిషేధం చెప్పగా ఏర్పడిన వివృత్తికి పాకవతీ అని పేరు. ఈ పాకవతీసంజ్ఞక వివృత్తివిరామము పాదోనమాత్రికా కాలము ఉండును. (మాత్రికాకాల విశేషవివరణ పూర్వభాగములలో చెప్పబడినది) ప్రకృతములో " ఆప ఉన్దన్తు " అనెడి స్థలములో ఆపః పదములోని హ్రస్వపూర్వకమైన విసర్గకు " అథస్వరపరో యకారం " (తై.ప్రా.9-10) సూత్రముచేత స్వరపూర్వకమైన విసర్గకు యకారాదేశము చేయగా ఆపయ్ + ఉన్దన్తు అని అగును.పిమ్మట " లుప్యతే త్వవర్ణపూర్వౌ యవకారౌ " (తై.ప్రా.10-19) సూత్రముచేత అకారపూర్వకమైన యకారమునకు లోపముచేయగా " ఆప + ఉన్దన్తు అని రూపము సిద్ధించును. పిమ్మట " ఉవర్ణపర ఓకారమ్ " (తై.ప్రా.10-5) సూత్రముచే సంధి ప్రసక్తమగుచుండగా పరశ్చ " (తై.ప్రా.10-25) సూత్రముచేత యకారలోపప్రయుక్త సంధి నిషేధము ప్రాప్తించి పాకవతీసంజ్ఞక వివృత్తి ఏర్పడినది . పాకవతీసంజ్ఞక వివృత్తి విరామమునకు మధ్యమాసంజ్ఞకవివృత్తి విరామమునకు బహుశః సామ్యమున్ననూ పృథక్ వివృత్తిగా ఎందుకు అంగీకరించవలసినది అనెడి విషయము మధ్యమాసంజ్ఞకవివృత్తి విరామ వివరణ సమయుమున చెప్పబడును. ఇట్లు విష్ణుభట్ల రామలింగేశ్వర సుబ్రహ్మణ్య శాస్త్రీ 9490334243 శ్రీకుమార స్వామినే నమః సలక్షణే ఘనాన్తే చ సార్వభౌమం చ దీక్షితం విద్యారణ్యకృతే భాష్యే సాంగస్వాధ్యాయభాస్కరం సుబ్రహ్మణ్యేతి విఖ్యాతం సదా భాగవతప్రియం వేదాన్తభాస్కరం వన్దే గురుమద్వైతబోధకం ॥ పరమకారుణికులైనటువంటి మన ఋషీశ్వరులు వేదవాజ్ఞ్మయమును శబ్దతః రక్షించుటకు శిక్షాశాస్త్రమును బోధించినారు.మన దౌర్భాగ్యవశముమ అట్టి విద్యను గతకొన్ని సంవత్సరాలుగా దూరము చేస్కొన్నాము. కానీ మహనీయులైనటువంటి అతికొద్దిమంది దీనిని వారి పఠన,పాఠన,గ్రంథరచనాదులచే పునరుజ్జీవింపచేసారు. సరే ఇది ఇట్లుండగా కొంతమంది కేవలవేదధారణ నిష్ణాతులు కౌండిన్యశిక్షా,ప్రాతిశాఖ్య,వ్యాసశిక్షా,శిక్షాప్రాతిశాఖ్యసమన్వయమీమాంసా,జటాకౌమారతంత్రం,ఆపిశలిశిక్షా,ఆరణ్యశిక్షాది గ్రంథములు శాస్త్రజ్ఞాన పురస్సరము చదవక శైక్షికసిద్ధాంతమును తెలుసుకొనజాలక కేవల మిడిమిడి జ్ఞానముతో కేవల వర్ణక్రమోచ్చారణతోనే ధన్యమ్మన్యులుగా వ్యవహరిస్తున్నారు. అట్లే శైక్షికసిద్ధాంతము తెలియక పఞ్చమనాసిక్యాది దోషయుక్తమైన విషయములను కూడా ఏది పూర్వపక్షమో ఏది సిద్ధాంతమో తెలియక దోషయుక్తముగానే వర్ణక్రమము చెప్పుచున్నారు. అట్లే కంఠ్య,ఔరస్య,నాసిక్య హకారముల భేదమును కూడా తెలియజాలకున్నారు. మాములుగా వర్ణక్రమోచ్చారణ సమయములో తప్పులు దోర్లుట సర్వసహజమైన విషయము దోషము కాదు, కాని తప్పుచెప్పిన పిమ్మట అది అసలు తప్పు అనియే తెలియకుండుట , మరియు శాస్త్రము యొక్క అసలు సిద్ధాంతమును తెలుకొకుండా ఉండుట, తప్పును పాఠాంతరమనుట మిక్కిలి దోషములు. కావున మా గురువుల ఆదేశమును అనుసరించి " జిజ్ఞాసూనాం హితాయ విదుషాం ప్రమోదాయ "అని ఆర్యోక్తిని అనుసరించి ఈ వర్ణక్రమచిత్రమాలిక ప్రారంభముజేయుట జరిగినది. గురువుల అనుగ్రహముతో ఈ పదముల యొక్క విషయము లో అన్నిరకములైనటువంటి సంశయములకు సమాధానము చెప్పగలవారమని వినమ్ర పూర్వకముగా తెలియజేస్తూ అనేక నమస్కారములతో #వర్ణక్రమం #वर्णक्रम #Varnakrama #वर्णक्रमः #VarnakramaVivekaSuryodayah-76 #Salskhana #shiksha #vedanga #వేదస్వస్తి #ఘనస్వస్తి #వేదపారాయణం #vedam #vedas #veda #ghana #parayanam #yajurved #yajurveda #taittiriya #namakam #rudra #వివృత్తివిరామము #Vivruttivirama #विवृत्तिविरामः